ساعدوني كيف نقدر ناخذ حقنا من وحدة نصابة

السلام عليكم ورحمة الله وبركاته
اخواتي بطول عليكم شوي
انا ساعدت وحدة وحطيت لها حساب وجبت لها زباين لين بدت الامور زينة وعلمتها كيفية التسويق عبر النت وما اخذت منها ولا ريال واحد وربي يشهد علي وعطيتها كل العضويات اللي سجلت بها في النت وصارت تكسب فلوووووس وهي بالبداية كانت مطفرة بالحيل
المهم مرت سنوات وسنوات وصارت تكسب بدال المئة الالاف
قبل سنة بالضبط طلبتني تبي مساعدة من زوجي تفتح لها محل خاص
كلمت زوجي وهو كلمها طبعا واتفقو وارسلها مبلغ 14 الف ريال سعودي علي دفعتين مرة 9000 ووالله ما كانت عنده وتسلفها من صديقه وصديقه هو اللي حولها لها
ومرة 5000 الاف والاتفاق بعد شهرين فقط ترد له كل المبلغ
مرت 3 شهور وهي تتماطل وتجيب اعذار
والحين لها سنة وشهر تقريبا ولا شفنا منها ريال واحد
واخرتها تجرات عليه ماعندي واللي بدك تسويه سويه
وهو صابر معاها وتسبب لي بمشاكل مع زوجي لان هذا اخرة جزاي وجزاء زوجي انا سوت لي بلوك من زمااااااان استاهل هذا جزاي
وزوجي اخر مرة قبل اسابيع يكلمها ما ترد ويرسلها واتس اب ما ترد واخر شي حظرته هو بعد وللحين ما رجعت ولا ريال واحد من فلوسنا

وش رايكم ؟؟
وش السوات مع هاذي النصابة اللي ما تخاف ربها
اكيييد انا متيقنة انها ان ما ردتهم بالدنيا بتردهم بالاخرة باذن الله تعالي
بس اللي قاهرني ليش الواحد يسوي خير ويلقي شر بالاخير لييييش ؟؟
وليش الناس تستحل فلوس غيرها لنفسها
ليش اليد اللي تمد لك يوم انك محتاجة تخذليها بهالطريقة هاذي
تري الفلوس هاذي ماراح تنفعك باخرتك لانها فلوووس ناااس تعبو علي تحصيلها وتجين انتي تاخذينها من غير وجه حق
حسبي الله عليك ونعم الوكيل
والله ياخذ حقنا منك عاجلا غير اجل يارب
ووالله اننا ناوين باذن الله الحج هالسنة اذا ربي يسر لنا
ووالله لادعي عليك في كل صلاتي وطول وقت حجي
حسبي الله عليك ونعم الوكيل