سواليف البنات في الباص

البنات في الباص
حال البنات في الباص غريب وعجيب !!

يعني مثلا…

وحدة نايمة ….
والي بعدها بين الحياة والموت….

والي بعدها باربع بنات بنتين يتكلمون …
البنت(1) امي قالت حق خالي عبد الرحمن ودي بنتي السوق
البنت(2) مو قلتي خالك هذا مسافر لبيروت
البنت(1) لا الي مسافر هو خالي راشد
(البنت معرفتها على اسماء العائلة الكريمة)

ومن جهة أخرى نحصل الدريسات… البنت(1) الامتحان النحو صعب اليوم !!
البنت (2) الي يسمعك يقول ماتاخذ علينا الاولى اقول والي يعافيك
اكرمينا بسكوتك
البنت(1) واله..صعب ماعرفت الاعراب انا شكيت هو (جار ومجرور) ولا (مجرور وجار)

ومن جهة أخرى نجد بنات النت…
البنت(1) امس دخلت الشات ومالقيتك ليش؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجي !!
البنت(1) طيب وراك ماتردين على مواضيعك الشينة
البنت(2) والة ماحد اجبرك تردين على مواضيعي ولاحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ

وفي مؤخرة الباص نجد الفن والطرب…
البنت(1) ماشفتي الحلقة الأخيرة من المسلسل أمس !!
البنت(2) لا بايخه !! ماتوقعت ذي نهايتها !!
البنت(1) هيه صح مالها داعي
البنت(3) اليوم بي مسلسل غيره شكله احسن!!
البنت(2) لا المسلسل الي بي اليوم قديم أنا تابعته!!

وبجانب بنات الفن..نجد بنات البلاي ستيشن..
البنت(1) الة ياخذ شركة كونامي مانزلت (سايلنت هيل 4)
البنت (2) صادقة..ماشاء الة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
توقعين يكون فيه (التايرنت)
البنت (1)احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه…

ومجموعة ثانية تكلم عن الطبخ…
البنت(1) اليوم علي المطبخ وعيه
البنت (2) الي يسمعك يقول كل يوم تكرف بالمطبخ الة يرحم حالي
انا كل يوم عندي المطبخ والغسيل وكل شيء
البنت(1) لا الحمدلة انا مرة بالشهر
البنت(2) ياحظي..الا اقول تعرفين طريقة البسبوسة
البنت مدري..ايه عرفتها انتم تشترون العجين>>>>> في بالها سمبوسة

واما بنات الميك اب والموضة…
البنت(1) ناظرتي اخت العروس روعة وخصوصا فستانها يهبل موت>>> احلفي
البنت (2) هيه وشفتي الظل الي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>>> ولا الخميس خخخخ
البنت(1) اقول لاتعطونها وجه ماتفهم بشيء
البنت(2) نعم..!! وش تقصدين..لايكون تكلمين عني….حدك
البنت (3) لا ياماما اكلم زوجة عمي خخخخخخخخ