قصة هيفا وسعود +الحقيقه جميلة

قبل سنتين جاني على الاميل قصه سعود وهيفا قريتها زي اي قصة بس لي لفت نظري وجود اسم

سعود كامل وعائلته سعود عبد الله فهد الطيار

بصراحه استغربت قلت في احد كذا يكتب اسمه كامل وينشره في قصه زي كذا وعشان بنت <<<<ماصدقت

قمت على طول بحثت في قوقل قصه هيفا وسعود لقيتها منتشره بشكل فضيع تخيلوا اكثر المنتديات حاطينها

بعدين عاد نسيت الموضوع ومرت الايام والشهور ولقيت في منتدى من المنتديات قصة هيفا وسعود ا

الجزء الثاني

فتحتها لقيتها الحقيقه

القصه طلعت كذب X كذب

طلعت كلها تشويه سمعه وافتراء طلع سعود برئ

ما اطول عليكم <<<<واضح ما طولت هع

القصه كما وصلتني :

———————————–
{،،،،قصة غرام أبتدت في دلالي
وأنتهت بتحطيم حبي وأحلامي،،،،}
هذي قصةحب واقعيه إنهت قبل اشهرقليله فقط
قرت أن أكتبهاوأنشرهابمواقع
النت والبلوتوثات والوسائط المتعدده،>،>،>
{{وأحاول قدرالمستطاع إن اجعلهابين يدين أكثرعددممكن
من الناس}}
لعلهاتكون سب في زيادة الحرص بقلوب بعض
وزيادةالخوف والحفاظ على
كل أثنين تتوسط قلوبهم علاقه حب ساميه وشريفه. . .
قبل أن أبدى أقصهاعليكم…
..عندي رجاء منكم أخواني وأخواتي..
عدم جرح أبطال القصه وتكذيبها لأنهاحقيقه {%}
وقديصدقهالعشاق فقط
لأنهم يسكنون عالم{الحب}
وهم وحدهم يعرفون
ان العالم هذا
(ياكم جرح وعذب وكان سب
بحرق القلوب وقهرالدموع
وفقدان العين شوفةالغالين
وياكم أشعل السعاده والضحك
بعض القلوب…
وكان سب في راحة بال الكثيرين…
وكان أول سب في جمع قلبين)
وثاني رجاء/قول آمين بنهاية
القصه..
وثالث رجاء/عدم سرق القصه
أوتزويد وتنقيص بلكلمات..
ورابع رجاء/قم بمساعدتي وأنشرها معاي لاني أريدها أن تصل
وإليكم كلمات القصه فهي الكفيله بتعريفكم من أكون أنا ومن تكون هيفاء …
قصة بنت في مرحلة المتوسط
أسمها:هيفاء
مواصفاتها:متوسطةالجمال’ متوسطةالطول’
سمرا الون’
هواياتها:الضحك والعب والدواجه بشوارع ليل ونهار
هي وشلتها>>>
كانت كل يوم بعدما تطلع من المدرسه تقول لسواق
شغل المسجل على آخرشي تبي تلفت أنظارالشباب
وحتى كانت تفتح الشباك تستهبل
وتمزح وتحارش الشباب
وكان السواق رهيب مثلها
وإذاقربت من البيت تتغير وتصير
محترمه حيل
يمكن عشان أخوها نواف لأنه مطوع؟؟!!
أماأهلها كلهم داجين (وفري)
وإذاجاءالعصرتطلع مع خوياتها الداجات لل<noSymbl%E31DF>ه أوالفيصله أومطاعم
وكوفيات التحليله
للبحث عن الشباب وإذاجت الساعه
عشرونص رجعو للبيت وناموعشان
المدرسه وفي الويك أند
ينهبلون زياده يروحون لشاليهات أومزرعة أوإستراحه لأوحده فيهم
رقص للفجروحليات طايحه على الأرض وجوال مسمينه جوال الكل
يحطونه بلوسط وكلهم يجمعون
ويدقدقون على الشباب ويتخبلون ويستهبلون
إلى الفجرثم يرجعون إلى بيوتهم
{عسى الله يحفظ بنات المسلمين ويهديهم}
وفي مره من المرات طلعت هيفا مع صاحباتها لمطعم إسبازيوفي المملكه
ومثل عادتهم يرسلون ويستقبلون
في البلوتوثات
وكانت فيه طاوله كلهاشباب
كل واحد أكشخ وأحلى من الثاني كانت قريبه من طاولة المهسترات بس كانوالشباب ثقل …
قالت هيفاء لصاحبتها نوف
نوف شوفي ذاك يهبل
قالت نوف أي واحد
قالت هيفاء إلي لابس جيشي
قامت نوف تبحث عن بلوتوثه ولأسف كان مقفله!!
قامت لفت على هيفاء وقالت ماني نوف لوماجبته لك
قالوالبنات وش بتسوين
قالت إحناإيش أسم شعارنا
قالوالمصرقعات بصوت على
(لانعرف المستحيل وإلامايصير نخليه
يصير)
وقاموالمهبولات يصفقون كانهم
سكارى
لفتوإنتباه الجميع…
إلا…شلة سعود…ماعبروهم!!
قالت:سلطانه وجع ليش ماناظرونا؟؟
قالت:نوف أصبرويابنات إن مع العسر يسرا>>
وأناجايبتهم هالمزاين جايبتهم
ومرت نوف من عند سعود وقالت أفتح بلوتوثك!
سعود سمعها ولاعبرها
بس هي تحسبه ماسمعها نادت الجرسون وعطته ورقه كتبت عليها
افتح بلوتوثك وأرسلتها
وقف سعود وجلس يناظرهم والبنات أنبسطوهيفاء أستحت
قام قطع الورقه وجلس
أنصعقوالبنات قالت نوف لهيفاء لاتزعلين بنحاول معاه
المهم هيفاء مسكت معاها تبيه تبيه
ويمكن حبته من أول نظره
(لاتلومونها يشبه خالد بن الوليدبن طلال ولابس جيشي)
قام سعود وأصحابه بيطلعون من المطعم وقامو وراهم البنات
ونوف تقول يامغرور عطنارقمك وش دعوه
لف سعود وقام يناظرها نظرات إستحقار
قالت نوف:خيرموعاجبتك
رد بصوته المبحوح: أكيد لا
لأني ماحب النوعيه هذي من البنات?
إنقهرت نوف:وش فيها نوعيتنا
إلانهبل والكل معجب فينا!
قال:شفتي أسلوبك وردك كيف؟؟
وإلاعباياتكم ومشيتكم كيف؟
وإلاأصواتكم العاليه تتعمدون ترفعوان أصواتكم عشان تلفتون الأنتباه بسوالفكم ونكتكم المنحطه؟
وترى بنات المسلمات المتربيات
مايسون حركاتكم
قالت نوف:حدك عاد ولاتكمل وأنت أصلا ماتملى عيني بس صاحبتي قالت أبيه وقلت بحاول أجيبه بس طلعت مومغروربس طلعت متخلف وترى المملكه مليانه شباب وأحلى منك ويتمنون مننانظره
قاطعتها هيفاء وقالت
خلاص نوف يكفي
سعود حس بشي غريب لما سمع صوتها
وقالت أناآسفه اناإلي قلت لهاأبيه
وهي كانت تبي تخدمني
ولاكنت أعرف إنه شي بيضايقك
وآسفه مره ثانيه
دارت هيفاءوأخذت صاحبتهاونزلو
(الله يرحم ذيك الأيام تذكرتها)
قال سعود ضميري أنبني
قالوله أصحابه تكبروتنسى
ولمانزل سعود شاف هيفاءعند العربيه للعود
وكانت معطيته ظهرها
بس هوعرفها لأن نوف ناظرته
راح سعود بسرعه وترك أصحابه
وقال لهيفاءأفتحي بلوتوثك
لفت هيفاء وشافت سعود وأبتسمت
بدون تعليق وراحت وخلته
وهوراها
(سبحان مغيرالأحوال)
ويقولها يابنت أفتحي بلوتوثك برسلك رقمي
وهي مطنشته
آخرشي مل قالها بتفتحين وإلا
خلاص أروح
لفت بسرعه وقالت لا لاتروح بفتحه
وشافتهم عجوزفتانه
وأرسل رقمه إلالسكرتي جاء يطلعه
بس بعدما ارسل رقمه
(هذي بداياتها)
وبعدها بيومين دقت هيفاء على سعود
الساعه ثلاث الفجربس كان نايم ولارد
ويوم قام وشاف الرقم قال أكيد
هذي البنت إلي بلمملكه
ودق على الرقم
ردت هيفاءهلا والله
سعود هلافيك بس أنالقيت رقمك
بجوالي من داق؟
قالت:أنا
قال:والله والنعم بس من أنتي
قالت:أناهيفاء وهبي
قال:ترى أناماأحب الخفه تكلمي بثقل قبل أسكربوجهك
قاطعته لاخلاص أناهيفاء الي كنت بلمملكه
وقامو يسولفون وسألته
سعودكم عمرك
قال:سبعه وعشرين
وأشتغل بزنس
وأنتي قالت ست طعش
قال سعود يوه صغيره حيل
ماأتوقع نسجم مع بعض فرق كبير
بيننا
قالت أنت جرب وش بتخسر
قال بخاطره وش أجرب بزره
مرت الأسابيع والشهور
وسعود مره يرد ومرات يطنشها
وإذاقالت ليه ماتردعلي يقولها
ماأبي أضيع وقتي مع بيبي
وأحمدي ربك إذارديت عليك ولاتقعدين تشرهين يامبزره
مرت سنه على هالحال
ويوم نجحت شافت كل وحده خويها
وأهلها يسألون عن النتيجه إلاهي
دقت ولارد عليها أرسلت له مسج
اليوم أستلمنا شهاداتنا أناوصحباتي
وكلنانجحناب س كلهم لقومن يباركلهم
إلاأناماحد بارك لي غيرسواقي
أنكسرقلب سعود وكلمهايبارك لها
وشرالهاهديه
وبعدها بشهرأتصلت تبكي تقول إنها بتسافرلجنيف مع أهلها
فرح سعود يقول فرصه أبفتك
من هالبزره
وفعلا سافرت و فرح سعود الساعه الأولى
بعدين شوي شوي حس بضيقه
فقد أحد بس هوماتوقع أنه بيفقد هيفاء
مايعرف وش فيه
وبعد ثلاث شهور دق جوال سعود
وشاف الرقم قال موغريب
ولمارد صوت هيفاء
سعود أشتقت لك اليوم أنا رجعت
من جنيف وأنت أول من كلمته
قال سعود بقلبه إيف وش جابها
قالت:سعود ليه ساكت
قال:وش تبين أنتي لايكون تبيني أغني لك
قالت : شكلك مو فراحان
قال: بستهتارأكيد موفرحان أناسعود
أكتمت المسكينه بقلبها وسكرت
وأتصلت عليه وقالت:
سعودأحبك
سكت سعود مارد عليها
قالت:حبيبي سعود ألزم ماعلي راحتك..
وأنا عارفه إنك تكرهني
وإنك تتضايق مني
بس هذاوعد ماراح ادق عليك
مره ثانيه@
صرخ سعود بدون شعوري
لحظه هيفاء
قالت: هاه وش تبي
قال:أنا أول مره بقولها بحياتي
ولاكنت أتوقع أقولها خصوص لك
هيفاء أنا أحبك
قالت هيفا سعود بربك لاتكذب علي
قال والله أحبك
طارت هيفاء من الفرحه
وصارت كل يوم تشوفه وكل نهاية أسبوع تجلس وتسهرمعاه
إذاطبعا سهرت مع صحباتها بلإستراحه
تناديه وتجلس معاه لحالهم
وزداد الحب بينهم كان يتفرغ لها
كل ظهريمشي وراهاعشان ماتستهبل إذاطلعت من المدرسه
مع أحد كان يخاف عليها من جنونها ومراهقتها ومن المهسترات خوياتها
ويوم عيدميلادها كانت مسويه حفله كبيره بمزرعتهم بلخرج راح سعود وأصحابه يسلونه بطريق عشان بيودي لهاهديتها
بيسوي لهامفاجأه
تخيلوا لمجنونه وش سوت لماعرفت إن سعودعند الباب تركت المعازيم وطلعت تركض لسعود
سعود تفشل من أخوياه يوم طلعت فاتشه ولاعليهاعبايه
وبنفس الوقت غارعلى حبيبتهه بدال مايقولها هبي بيرزدي
قالها ياحيوانه العيال شافوك وغطاهابشماغه
وأخذها ورى الشجره وكان الوقت بليل وطبعا طريق المزارع مافيه أحد
وعطاها هديتها وسوى إلي كل حبيب وحبيبته يسونه
ويوم دخلت الكل قام يسألها وينك
وهي ماتدري عن العالم توهاشايفه حبيبها يعني لاأحد يلومها
أمتلت غرفتها هدايا سعود
وأمتلت غرفته هدايا هيفا
سجلته بجولها عديل الروح
وسجلها ملكة روحي
(سبحان الله كيف عشق هالبزر من عقب ماكان مايطيقها)
ويوم جت أختبارات النصف الثاني النهائيه
كان يهتم فيهاوطبعاهي كبرت على المتوسط وصارت بالثانوي
وكل شوي يقولها ذاكري زين
وكولي زين
ويوم نجحت طارمن الفرحه وأخذها من المدرسه على مطعم عشان يفطرها وداها تشري هديتها على ذوقها
قالهاهيفاء
قالت هاه
قال مثل هالوقت السنه الجايه وإذا نجحتي بخطبك
قالت هيفاءبربك ياسعود
(دايم كلمتهابربك والله أشتقت لها)
قلت وبعدهابسنه بخلي زواجنا
قالت أول سنه عذبتني وبعدهابسنه عشقتني وبعدهابسنه بتخطبني وبعدهابسنه بتزوجني
ياربي متى تجي السنه الجايه
عشان أصيرخطيبةسعود
قال كل شي بوقته حلو
أصبري يامرجوجه

وطبعاهيفاء كل عطله تسافرخارج السعوديه
أتصلت على سعود وقالت
سعودتذكرالسنه إلي راحت يوم قلت لك بسافر
قام سعوديضحك قال إيه أذكروأذكر
إني قلت فكه
قالت طيب أنالحين بسافر
قال طيب وأنابسافرمعاك
قالت طيب لاتستهبل
قال طيب والله صادق بس متى
قالت بعدبكره بنروح بيروت
قال خلاص أنامعاك وبنفس الطياره
قالت أشوى عشان ماأتعب من شوقي لك يادب
قال هيفاءحبيبتي
قالت هاه
قال وش هاه كم مره أقولك
قولي سم لبيه آمر
قالت طيب سم لبيه آمر
سعودياقلبي بروح أجهزشنطتي
وأكلمك بليل وكامل محاضراتك
باي__
سعود باي
وسافرواوقضوا لعطله في بيروت وكان سعود
ساكن بنفس الأوتيل وين ماتروح هيفاء سعود وراها
ويوم كانو بلجبل قالت هيفاء
أنا نفسي أقول لناس أحب سعود
واطلع إلي بخاطري وأقولهم قصتي معاك
ومعاناتي وسعادتي إلي شفتهم منك
قال لاتستعجلين خليها بعد زواجنا
عشان تصيرقصه حلوه
وكامله
ولمارجعولرياض عشان الإجازه إنتهت ماأنتهو سعود وهيفاء عن مكالماتهم ومقابلتهم
حتى أصحابهم يشتكون من غيابهم
وهم ماعليهم من أحد
ولماأتمت هيفاء الثمان طعش فرح سعود لأن طفلته كل يوم تكبر
حتى هوبعد كان سبعه وعشرين أصبح تسعه وعشرين
وفي مره من أسؤا المرات مرأسبوع
على سعود ماشاف فيه هيفاءبس كان بينهم مكالمات أصرسعود أن هيفاء تطلع معاه وأول مره هيفاء تت<noSymbl%D1CF> أنهاتطلع وخصوصا مع سعود
سألهاليش؟
قالت ماأدري بس خلهابعدين
عادعليها مره ثانيه ليش؟
قالت كذاخلها بعدين
قال بعصبيه:إيوه قولي إنك مليتي مني وماتبين تشوفيني
قالت والله موكذابس أحس إني خايفه
قال:أنتي كذابه مره خلهابعدين
مره كذا والحين خايفه
قالت خلاص خلاص أبشوفك
قال:لا
قالت ليش
قال:خايف(بيردلهاكلمتها)
قالت:وبعدين بلاعناد أبشوفك
وأتفقت معاه إذاناموأهلها يجي وتطلع معاه وفعلا الساعه ثنتين اليل جاء وطلعت هيفاء وكانت هيفاءإلي
ماتعرف الخوف أول مره خايفه
وكانت مرتبكه حيل
وقف سعودعلى جنب وجلس بكرسي
هيفاء توه بيحظنها يهديها
إلاشباك الموتريطق بقوه ويوم لف سعود إلالدوريه واقفه
نزلوسعود وهيفاء وكانت هيفاء تصارخ
(والله أحس صوتها بإذني لاأحديقول
وش دخله لأني أناسعود)
كانت تبكي وتناديني ولاقدرت أسوي أي شي
قام العسكري طلب سيارة دوريه ثانيه
ركبوها بسياره وأنابسياره
ولاكنت أفكرإلافيها وكنت خايف عليها
وصرخاتها كانت باقيه بإذني ومنظردموعها بعيوني
دخلت ولقيتها بمكتب الظابط قلت لظابط صدقني أناأحبها وأبتزوجها بس لاتقولون لأهلهاأخاف يذبحونها
ودخلوني التوقيف ولاأحد يردعلي
وكنت خايف على هيفاء واناجالس أفكرإلاأسمع أصوات عاليه صوت ولد كان يهاوش وصوت هيفاء تبكي بصوت عالي
أناأنهرت وقمت أبكي مثل الأطفال وأنادي هيفاءهيفاء
والله ماكنت بوعي جاني العسكري ودخلني للغرفه إلي هيفاء فيهاوكان نواف أخوها جالس طحت عندرجلينه وقلت بتزوجها لاأحد يسوي لها شي قالي كان تزوجتهامن قبل هالحظه الحين لمافيه أمل أزوجك أختي وانت سب فضيحتنا
وعشان ماتعيرهابكره بهذالشي
قالت هيفابس أناأبيه ولاني متزوجه أحدغيره نواف أكتفى بصراخ عليهالأن العسكري ماسكه مايطقها
(على فكره أبوهامتوفي)
وبعدالسالفه بسبوعين رحت لبيتهم أبي أكلم أخوها قالولي الجيران نقلو خارج الرياض عشان فضيحةبنتهم أناماسكت له وجلست أتخانق معاه
وقفته عندحده
أماهيفاء جوالها مقطوع
وصديقاتها يقولون إن أهل هيفاء غيروأرقامهم ولايعرفون لهاطريق
سامحيني ياهيفاءأناكلب وحقير بس والله ماكنت أعرف إنه بيصيرلناكذا
أشتقت لك ياهيفاءوأشتقت لجنونك
وطيشك وأشتقت إني أمشي وراك بسياره وأشتقت لكلمتك بربك ياسعود وأشتقت أسمع منك أحبك ياسعود
هيفاءوينك والله أفزمن نومي أدورك والله ابي أتزوجك
والله أضم صورتك قبل أنام
وأشم هداياك تصدقين باقي فيهاريحتك
وين أرضك وين سماك
باقيه ياهيفاءعلى قيدالحياه أوصارلك شي بغيابي
صدقيني أفكربك بكل لحظه
وأنتي نسيتيني وإلا لا
هيفاء تذكرين يوم كنا في بيروت
قلتي لي أبي أقول لناس أحب سعود
هذا أنا ياهيفاء بحق أمنيتك وبقول
هيفاء تحبني وسعودعبدالله فهدالطيار
يحبها

اللهم لاتفرق بين كل أثنين يحبون بعض واجعلهم على طول الحياة بأحضان بعض
ورجعلي هيفاءسالمه غانمه فاني طلبتهامنك بلحلال وأنت الحي الرحمن الرحيم

آمين يارب العالمين
/سعودعبدالله فهدالطيار
………………………… ………………………… ………..
الان الحقيقه الكبرى
هذي نقلتها من منتدى ثاني

الاعتراف والحقيقه :

وهذا رسالة سعود ,,بس للعلم هو رد في منتدى ثاني ويقصد في الأخ مجنونها مشرف في ذالك المنتدى أدّعي انه صديق سعود !!! أيضاء طلب من الاعضاء الدعاء لسعود بشفاء لانه يرقد
في مستشفى العسكري بالرياض بسب انهيار شديد >>>>>>وهذا كلام غير صحيح

اليكم كلام سعود بن عبدالله الطيار ,,,,,,,,,,,

بسم الله الرحمن الرحيم
السلام عليكم ورحمة الله وبركاته

في البدايه أشكر جميع من تفاعل بقصة ( سعود الطيار وهيفاء)
وأشكرهم على دلاختهم بتصديق القصه ونشرها كمان >>>> مع أحترامي لهم
سواء بلوتوث أو في مواقع النت والأيمالات!!! يعني كل وآآآحد وقدرته

ثانيا أشكر الأخ مجنونها … لأنه نزلها في المنتدى مع ذكر أنه يعرفني شخصيآ ومع طلباته المتوآآضعه منكم
أولا ( نشر القصه حتى تصل لهيفاء)
و ثانيا ( الدعاء لي لأني دخلت مستشفى العسكري بسب أنهيار عصبي شديد) بدري عليك مو سعود الي تنهار أعصابه
طبعاء بدون مرآآآعاة لشعور أنسان أنتشر أسمه وأسم عائلته والشاطر الي جاب رقم جواله وأنواع الأزعاجات والقلق
وربي اعلم بنوايا

بصرآآآحه أنا سعود الطيار لكن القصه قصه من ألف ليله وليله !!!
الطفل ما يصدقها .. لكن للأسف صدقوها الكبار >>> الغالبيه طبعا
وهذا وآآآضح من خيالاتها الواسعه ……..

سمعتوا القصه لكن ما سمعتوا الصدق مني

وأنا وصلني الأيميل قبل تنتشر الأنتشار الواسع الآن
فتحته وجلست أقراء القصه وأنا متحمس وكنت مستعجل على نهايتها لأنها شدتني
وصلت النهايه ,,, الي كانت فاجعه بنسبه لي
طلع سعود بطل القصه هو انا
أرسلتها لوآآآحد من الشباب وردلي ياسعود يمكن تشابه أسماء
قلت للأسف ياخوي ماهي تشابه أسماء بس,,, موجود عمري وموجود شكلي وتشبيهي المعروف !!!!
قال أجل تراه مقلب أمسح الأيميل وريح رآآآآآآآآسك

قبل أشتري رآآحة بالي رآآآسلت المرسل لي لكن للأسف مارد علي

قرت أقفل الموضوع لكن الموضوع ما رضى يتقفل !!!!!!!!

لان القصه وصلت لاختي بلوتوث وقالت لي أن بنات الجامعه صايره سوالفهم
قصتي مع هيفاء
وأنها تنزعج من لقآآآفة بعضهم لما يسألونها عني وعن هيفاء الي مدري من وين طلعت لي

فتحت النت وبحثت عن القصه
ويا الله بس مو معقول كيف قدرت تنتشر بهذي الطريقه وكيف عقول العرب صغيره
وطبعا الناس الي يحبون الفزعه ما قصروا معها
هذا ينزل القصه ويقول انشر والثاني يقول أبشر لأزم توصل لهيفاء
وانتشرت مثل نيوتن
وأستغل أسمي بعض الشباب الي يقول انه خوي مثل الاخ مجنونها وطبعا غيره كثير
والي يتعرف ويقول أنه سعود بطل القصه
وصار على أسمي مشاكل كثيره بسب تفاهة قصه وتفاهة مؤلفها
وطبعا صارلي موآآآقف لا أحسد عليها …………..
والجديد في الموضوع وصلني ايميل
يخبروني بسب نجاح القصه راح ينزلون لها جزء ثاني لان الناس يستاهلون اكثر
أنا رديت له وكبروها وخلوها فلم سنمائي أحسن ويعرض بجميع اللغات
لكن طلع انسان وآآآطي وحقير ,,,, يقول ليش لا خصوصا ان فيها فضايح أكثر لي ولأخواني طبعا مع تزويدها بعض الصور
شفتو كيف ساعدتو عصابه بسب قلة الوعي وعدم التفكيرفي تشويه سمعتي
رسالتي لجميع من نشر قصة هيفاء وسعود
سمعتي ومستقبلي بيضيع بسبكم لأنكم كنتم عون علي بسب جهلكم
رجاء أنا سعود عبدالله الطيار وأقسم بلله العظيم ماأعرف وحده أسمها هيفاء وأقسم بالله عمري ما حبيت ولو حبيت
مارح اكون مجنون وأنشر كلام تتاافه وأشهر بنفسي وبعائلتي عشان بنت
ماعدا اني لما احب بطق الباب لان الي ماأرضاه لخواتي والله ماأرضاه لبنات المسلمين
أنا رجل مسلم سعودي لي ديني ولي أصلي ولي عاداتي وقيمي مو انا الي أروح أحب بنت تسهر بستراحات للفجر
مو انا الي آخذها ورى شجره وأسوي الي على قولة القصه كل حبيب وحبيبه يسونه >>>والله كل وآآطي وآآطيه الي يسونه
مو انا الي أطلع بنت نص اليل واحضنها وأروح قسم شرطه واطيح تحت رجلين اخوها اقول أبي بتزوجها
ومو أنا الي أنرفض

أرجوكم كذبو القصه ولا تصدقونها
ولو وصل جزء ثاني أمسحوها لان أقسم بالله العظيم الموضوع كذبه x كذبه خاصه الأخ مجنونها وأمثاله
وحسبي الله ونعم الوكيل وكفى بالله وكيلا

اخوكم سعود الطيار
………………………… …………………

شفتو ا كيف الدنيا ما فيها امان