ذكرتك ليلة البارح سهرت ولا عرفت النـوم

ثلاث اشهور يالغالي تغيـب ولا تجينـي يـوم
وأنا اللي غيبتك عني يوم تشقينـي

تركتني مثل شخصٍ غريقٍ ما يجيـد العـوم
تلاعب بي جيوش الموج مدري وين ترميني

أخاوي الليل بغيابك حزيـنٍ شاقـيٍ مهمـوم
أعاني لوعتي وحدي ولا بـه مـن يواسينـي

يعيش الناس في قربك ومن وصلك أنا محروم
حنيني يشعل بصدري ونار الشوق تصالينـي

كثير الناس لاموني و زادونـي ألـم وهمـوم
وقالوا لي خلاص أنسى تراك أصبحت ناسيني

أنا وش لون لي أنسى وحبك داخلي مرسـوم
وطيفك لو يمر لحظة مـع النسمـة يبكينـي

ولكن يا بعد عمـري حـرام إنـك تجافينـي
تمر سنين من عمري و جسر وصالنا مهـدوم

و أنا مقدر على الفرقى و صعب إنك تناسينـي
و لا ندري من الظالم و لا ندري من المظلـوم

و لكن ندري بكلمـة أراضيـك و تراضينـي
متى يصفى معك جوي .. متى تترك سمانا غيوم ؟!!