يا اخوات انا بقلكم تجربتي في شيل المنطقة بالحلاوة الي فادت معايا وانا جدا سعيدة بنتايجها
وامانة عليك اسألك عنها يوم الدين ( الي تخش وتقرأ موضوعي تحط رد وان ماعندها رد تحط لي دعوة اوكي )انا بعد البلوغ كنت اشيل الشعر بالموس وانتوا عارفين الموس وفعايله :d
أول شي سواد الله لا وراكم
شعر قاسي أقسى من شعري
الجلد صاير قاسي جدا طبقات جلد مو طبيعية
وغير كدا كمان المعاناة بعد ما يطلع الشعر
حيث انه يطلع اليوم التاني واحيانا في نفس اليوم
وكنت اضطر اشيل كل 5 ايام تقريبا (حشا صاير ذقن رجال هههههههههههههههه)
غير كدا حجم الشعر الي في المنطقة صاير كثير يعني بعد ماكان اسفل فقط صار يطلع الين فوق
وصار لي على هذا الوضع سنين
اذا شلنا مشكلة واذا ماشلنا ريحة وقرف ورطوبة
وبعدين زميلتي قالت لي شيلي بالحلاوة حيث اني متعودة اني اشيل شعر الابط بالحلاوة
قلت الم ومدري ايش قالتلي الألم رح يروح وبعدها راحة وحتشوفي النتايج وتدعيلي
وفعلا سويتها ومسكت نفسي وحمست نفسي وهادا الأهم لأنك لما تتحمسي مارح تحسي بالألم
واتركي عنك الدلع هههههههههههههههههتحمسي (صاير مباراة)
الأدوات :علبة حلاوة مضمونة
ثلجة
فوطة للتجفي
كرسي
بيبي اويل (زيت جونسون للأطفال بالباونج رهيب )
واول شي نظفي المنطقة ونظفي يدك انتي كمان وهاذا اهم شي
وادهني المنطقة بالثلجة لتخفيف الألم ثم جففي
وخذي حلاوة نظيفة ومضمونة الصنع
خذي قطعة صغيرة منها بحجم الكورة الصغيرة (البرجونة)
وياليت يكون عندك كرسي ارتفاعه بسيط حق نص متر
ويلا ارفعي رجل وحده وحطيها عليه هاذا يساعد انك تقدري تشوفي و تشيلي الشعر الأمامي والخلفي (هههههههههههههه عيب يا بنت )
ويلا بالتوفيق ابدأي شيلي وخليكي رقيقة جدا وانتي تشيلي وياليت تكوني مروقة واعصابك هادئة (خلي جنبك عصير ليمون هههههههه)وكل ماتحسي بالألم اتذكري النعومة الي بعدها
وعلى فكرة لاتعيدي عالمنطقة الوحدة اكثر من مررة حتى لو كان الشعر ما انشال منها عشان لاتجهدي بشرتك ولا تتكون بقع بعد الشيل (زي البقع الي تظهر في الوجه بعدالفتلة )وكمان الشيل في المنطقة الوحدة اكثر من مرة يؤدي للترهل (حسب كلام اختي الدكتورة )
وحطي الحلاوة على منطقة بسيطة من الجلد وافرديها واهم شي تكون مفرودة مظبوط على الجلد مو عالشعرة لوحدها لأنه لو على الشعرة رح يسويلك الم مبرح ورح يصير شكلك كداولما تجي تسحبي شدي الجلد بيدك مظبوط وبعدين اسحبي ..ويلا بالتوفيق استمري
اذا شفتي نقط دم لاتخافي في البداية كدا لكن بعد ماتشيلي لمرات عديدة مارح تنزل نقطة واحدة(زي شعر الابط عندي كان اول ينقط دم بعدها وقف مع تكرار الاستخدام)
وبعد ماتخلصي حمد الله عالسلامة
اليك الجزء التاني من العملية وهو :المسامات بتكون مفتوحة والبعض منا يتركها هكذا للأسف وهي السبب الرئيسي في ظهور الحبوب
فلذا انا اسوي التالي :
هنا يجي دور اليمونة افركي المنطقة باليمونة ===>>>>بتقولي يحرق بقلك ايوة لكن والله انه مفيد جدا وربي لما افركها باليمونة اول شي ما تطلع حبوب وتاني شي قفل المسامات وتالت شي تفتيح للون المنطقة مع الحذر من ذهاب اليمون للداخل (انتوا فاهمين مايحتاج اشرح
ولما تنشف قومي خديلك دش دافي
وبعدها حطي زيت بيبي جونسون بالبابونج ريحته ياسلام تجنن مررة
والثلاث الأيام الي بعدها افركي المنطقة باليمون وادهني زيت جونسون كما قلن
ورح تدعيلي
واهتمي بالنظافة الشخصية والبسي ملابس داخلية نظيفة واحذري من الرطوبة لأنها مناخ مناسب لنمو الجراشيم والفطريات
ملحوظة نفس الطريقة الي اسويها لتحت اعملها لفوق…………..
وكمان اضافة بعد الشيل وخلافه تخف عملية شيل الشعر كل مرة انا في البداية كنت اشيل كل شهر ونص الآن اشيل كل 3 شهور يعني 4 مرات في السنة والشعر الي يطلع يكون خفيف وناعم جدا
في وصفة ودي اني اسويها قرأتها من كتاب عندي فيه وصفات حلوة للجمال وما اسوي منها وصفة الا وتكون في محلها اسمه #علاج الشعر بالأعشاب #ل محمود جودت صوان
الوصفة هي :1- مقدار من النشادر أو النشا ملعقة صغيرة
2-مرارة ماعز مذبوحة شرعا
الخلط جيدا
ازالة الشعر اولا بنتفه
مسح الجزء المنتوف شعره بالخليط
النتيجة عدم ظهور الشعر ثانية في هذا المكان
