التصنيف: ادب و خواطر

لا قلت لك تحبنـي ؟ أسمـع كلامـي بإنسجـام

عطني ملامح عينك وخـل السوالـف والكـلام
مادام محرج ! لا يهمك تكفي نظرات العيـون

العين ما تكذب ومنهـا ينكشـف سـر الغـرام
طفل ٍ ما يقدر يكتم أسراره عن اللـي يسألـون

لا قلت لك تحبنـي ؟ أسمـع كلامـي بإنسجـام
وان قلت لك مشتاق لي ؟ جاوبني بسحر الجفون

أموت باللي يستحي حتى على رد السـلام
على كثر شوقه .. يحس انه عليّه مـا يمـون

وأموت باللي لا حكى يسبـق حكاويـه إبتسـام
يعطيني من برقه قبل يعطيني من غر المـزون

حبيت من حبـك مشاويـري وحبيـت الـدوام
فيك اختلف رتم الحياة وصار له طعـم ٍ ولـون

ما همني بكرة ولا فكرت بالماضـي .. مـادام
انك معي وأبادلك حبك ،، يكـون اللـي يكـون

لا تنشغل عني وحط راسك على صـدري ونـام
ارقد على دقات قلب ٍ يحتفـل خلـف السجـون

مشاعري من لهفتي تجري عليـك بـلا نظـام
لها ليالي تزدحـم فـي قلبـي وجاهـا جنـون

خلني أعبّر لك عن أشواقـي وحبـي والهيـام
وأعطيك شي ٍ مـا قـدرت أوصّلـه بالتيلفـون

بـقبّل عيونك وأشـم أنفاسـك العطـرة وأنـام
الين أحس إني أهيم بـكون والعالـم بـكـون

أجمل محبه بالهـوى حـب البلابـل والحمـام
يضمهم عش الهنا طول العمر فـوق الغصـون

وأبشع محبه بالهوى حـب ٍ ترعـرع بالظـلام
قصة تدور أحداثها من يسبـق الثانـي يخـون

لا تزعجك دنيا التحايـل والخديعـة والخصـام
لا تبعدك منـي ومـن محبتـي شـك وظنـون

وَ حنان من حنآنها يأخذ وَ يرتوي !

( هيَ ) ذاتُ انسياب سَلس .
كافور وَ سلسبيلْ ..
خُلطت معَ الألم !
( هيَ ) كل الهدوء
وَ معنى غامض ..
اعتاد دوماً على الندم !
( هيَ ) لا تفهمَ غيرَ الحب ..
وَ في الحب ..
لا يفهمها سوى القلم !
من لِدمعها حين تبكي ..
وَمن لحاجتها حينَ تبغي ..
من لهآ سوى ( رجل ) ..
في حين ضعفها يستقوي .. فَ تنتصر !
وفي حين نقصها يُعطي .. لِتكتمل !
الأنثى ليست فقط ملامح ..
وَ انحنآء جيد
واستدارة..ومحيّا جميل !
هيَ أسمى من ذلك بكثير ..
هيَ نبضة ..
شبهُ شفافة ..
حساسّه .. تخشي العتاب وَ يُخجلها الملام !
الأنثى .. لها معَ الجرح حكآية ..
تبدأ تفاصيلها بِألم ..
وتنتهي باحتضار روح ,

وَموت جسد !
الأنثى .. تبدو في بعض أوقات قاسية !
غير أنها من الداخل ..
مُنتهى ( الحنيّه ..
الُأنثى وان كبرت .. طفله !
دمعُها ..
اعتاد على لمسِ خدّها !
الُأنثى وإن قست .. حالاً تلين
أسفها ..
للجميع .. حتى لمن أخطأ بحقّها !
اسألوا عاشق الليل عنها ..
أسألوه عن قطر الندى ..
حين يلمس الورد ..
ويجري في انسياب الدمع ..
أسألوه عن حال الأنثى لو لامست بالحبّ شعور القمر ..
أسألوه عن حالهآ معَ السهر ..
عن عشقها للرجل ..
عن التضحيه ،
عنِ الوفآء
و عن ِالأمل !
[ هيَ ] أخذت من الليل السكون ،
ومن الصبح النسيم ،
ومن البنفسج ..
عطراً عليل !
همسة أخيرة
حذآري حذآري يامن عشقتك أنثى
فَبين يديكـ ( شمعهَ ) ..
تطفئها أيُّ قسوة..
فَ الرحمه والمحبه ..
حتى تعيش الأنثى في جنه

في غيابك آه لو تدري بحالي في غيابك
التهت فيني جروحي والعروق اضحت ضمايا
في غيابك لهفتي ماعاد يرويها سحابك
من رحلت اشقيت روحي وما بقى فيني بقايا

قفت بك الدنيا ولا أدري على وين ..&.. وفيني بعد ماغبت الايام بارت
كلن توسع خاطره دمعة العين ..&.. وانا دموعي داخل العين حارت
لا عتني الفرقا على بعد غالين ..&.. ياشينها الايام لاقفت وجارت

أبطا وخلى سؤال يلهث بصدري
مدري يصون الغلا مدري هو يخونه

ويوم إني أسج بين أدري وما أدري
جا عقب البطا يسأل مكاني إشلونه

قلت انت مكانك هنا وأشرت ع صدري
وقال وانت مكانك هنا وأشر على عيونه

إشتقتلك يا بعد غالي بالحيل
ومن العنا كثرت أحزاني
القلب ميّل عليكم ميل
روّح عليكم و خلاني
أخاف وقتي يجي به ميل
و تصعب مواصيل خلاني

ياللي مفارق يشهد الله فقدناك
تعال باسم الحب جرحي خطيري
أنا غريق بالهوى هات يمناك
في زحمة أمواجك تعذر مسيري
مشتاق بالحيل يا كود فرقاك
عن ذكريات الحب وين العشيري
أرفق بقلب تالي الليل ناداك
وقتي حداني في هواك استخيري

لا تغرك الدنيا وتخدعك الأيام
دنيا تدور وكلها للزوالي
اليا صفتلك عام ما تصفى اعوام
دايم تبدل كل يوم بحالي
بقلوبنا كم حطمت حلو الأحلام
وانهد صرح بأول الوقت عالي
للموت دربٍ تسلكه كل الأقدام
ولا حد درى عن غيب سود الليالي

أعزي القلب في بعدك
واقول انبض على هونك
مصير الوقت يجمعنا
واعبر له عن اشواقي

ماهو بكيفك تذكرني وتنساني
أشوف لاضاق صدرك جيت تشكيني
تجي أيام كلك دمع وتعاني
وأيام تنساني ولاتسأل أبدا فيني
لاتقول وينك تدري وين تلقاني
على غيري أكذب تعذر يابعد عيني
اللي يبيني على دربك يلاقيني

سلام جرح أغلى الأماكن والاطلال
والدرب ذاك اللي لبيتك مشيته
سلام جرح الغدر وأوهام الآمال
وانقاض حلم ليتني ما بنيته
مدري بقى لي معك شي على البال
ولا على ما قيل ليل وسريته؟!!
تبي الصراحة… ولا ما هيب تنقال
الكلمة اللي في ثرى الصمت ميته!!

غريب من فقدته مافقدته !!
يسامرني ويجيني كل ليله !
وغيره لو وجدته ماوجدته !
يحاكيني وسمعي مايجي له !
انا خلي على وده وعدته !
أبوفي له وبعيوني أشيله !

جيتك وروحي تمتطي كل الأعذار
الشوق يدفعها وحسنك جذبها
ولو العرب تطلب من عيونك الثأر
والموت واحد وأنت رمشك سببها
ما هوب لا ذنبك ولا ذنب الأقدار
النار ما تختار حزمة حطبها

يا قلب لا توله ولا عاد تشتاق
الحب جلاد القلوب الكريمة
الحب ما يعطيك بعضه وينساق
الا لاجل ياخذك كلك غنيمة

الى متى من دون تفكير اناديك
احسبك عندي وانت يابعد ممشاك
لو صار شوفك صعب ماني بناسيك
ولو حال دونك ياس مو ممكن انساك
لو عشت طول العمر بالروح افداك
غالي وتسوى بالغلا عين مغليك

مانيب مسؤول عن شرهات خلق الله
هالوقت يا صاحبي من يحصي هباله
باكثرهم لو بحاسبهم عن الزله
ويا قلهم لا حسبت الوقت وافعاله

وش فايدة لو تصد وتخفي الصدة
اطعن بنجل العيون وكمل الباقي
تستاهل اكثر غلاك الياوصل حدة
يا وردة لمها البستان والساقي
يحق لك لو بقيت مع الغلا مدة
تخش عش القصيد وتلمس اشواقي
والله لولا غلاك اللي وصل حده
لارمي بهذا القلم واقطع اوراقي

إن بكيتك قالت الدمعة نشبت
وإن نسيتك خايف العبرة تخون
من بحر عينك وانا راوي شربت
يا عيون ما تشابهها عيون
يكفي اني لا تذكرتك طربت
والله اعلم وش بقلبي من حزون

افترقنا وانكسر خاطر وخاطر
وانت قلبك ما رحم قلب عليل
في عيوني كم ألم خافي وظاهر
والرضا في بسمة شفاتك دليل
بالسلامة روح يا خاين وغادر
وين ما حبيت وانويت الرحيل
دام قلبك صار عالنسيان قادر
القدر محد يرده مستحيل

لو غلط قلبي عليك وقال أحــبـكـ
لو قسى نبضي عليك وردد اسمـكـ
اغفري لي زلة عيون تمنت انها بلحظه
تشــوفـكـ

أبيك تذكرني مع الناس بالخير
لي مر لي طاري وذكرى وسيره
تخفى المشاعر.. فوق بوح التعابير
ولا تاثر بين غيره وحيره
تسمع.. ولا تاخذ وتعطي مع الغير
عني ولا تذكر خفايا مثيره
خل الغلا يبقى معزه وتقدير
على الفراق اللي بدينا مسيره

أنا ماجيت أبروز لك .. جروحي .. ياغلا .. وأشقاك
ولا قصدي .. اجي يمّك .. أزيد .. ب حبي .. أحزانك !!

أنا .. جيتك هنا .. قصدي أبنسى بك .. شقاي هناك
وأب أبقالك .. بشر .. لو خانت الأيام ..
ما خانك !!

ولكن .. دامها .. مني .. جروحك .. والشقا .. يعناك
أجل .. ب أمشي .. ولا ب أزعل .. أبرضى .. الحزن .. من شانك !!

لأجل تفرح .. عسى عمرك .. يدوم ب عزته .. يهناك
ومن زود الغلا .. ب أدعي .. ب كل الخير .. لأخوانك !!

ولكن .. قبل لا تمشي .. أبحكي .. يا غلا .. وياك
أبشكي .. بعض .. مافيني .. من أسبابك .. وهجرانك !!

أحبك .. إي وربي .. أحبك … صعب أنا .. أنساك
أنا .. ماقلت لك .. قلبي .. يموت .. ب يوم ..
ما خانك ؟؟

حزين .. بس .. لاشفتك .. أكابر .. ياهلا .. حياك
وأنا اللي .. ب داخلي .. أكبر .. من الترحيب ..
ب أعيانك !!