السلام عليكم ورحمة الله وبركاته
انا انهارده هاعلمكم ازاى تعملوا كرافت الكانيلونى اللى هو بيتحشى فيه اللحمه او الخضار اولا المقادير
2 مج دقيق
2 مج لبن
4 حبات بيض
قليل من الملح والفلفل الاسود
نصف كيلوا لحمه
2حبة بصله كبيره مفرومه جيدا لعما العصاج
نشوح البصل على النار بدون زيت وبعد قليل نضع اللحمه تشوح عليها حتى يذبل لونهامع التقليب المستمر ونخلط حبة طماطم ونضعها عليها ونتركها حتى تستوى ونزودها بالماء عند الاحتياج ونضع عليها الملح والبهارات
الكرافت
نخلط اللبن والبيض فى الخلاط ونضيف الدقيق شويه بشويه ونخلطهم جيدا فى الخلاط ونضع قليل من الملح والفلفل ويخلط جيد جدا
وناتى بمقلاه من التيفال علشان مايلزقش فى المقلاه
ونضع نقطه من الزيت فيها وندهنها فيها ونسخنها على النار جيد وتاخذى القليل من السائل فى الخلاط يعنى مقدار نصف كبشة (كبشة اللى بتغرفى بيها الطبيخ) وتوزعيها علشان ماتكونش سميكه ولما تاخد اللون الذهبى الخفيف من وجه واحد بس والوجه التانى هيتماسك من الحراره
بس اوعى يتحرق منك وهكذا حتى ينتهى الخليط
ملحوظه قطر الكرافت بتكون حوالى 10 سم يعنى دائره متوسطه
وبعد كده تحشيه باللحمه وتدهتى الصينيه بزيت خفيف وترصى الكانيلونى وتضعى قفل الكرافت تحت علشان ما تفكش وتدهنيها من فوق بالكاتشب او الصلصه وقليل من الزيت وتبشر عليها جبنه موزدريلا او اى نوع انتى بتحبيه ودخليها الفرن لحد ماتاخد اللون اللى بتحبيه بس اوعى تحرقيها وبعد كده ممكن تقدمى معاها فى طبق تانى كاتشب او اى تغميسه انتى بتحبيها وبالهنا والشفا
ملحوظه
انتى ممكن تحشيه اى شى انتى عاوزاه مثل الجبنه والخضار او الفراخ اى شئ انتى بتحبيه
وارجوا الدعاء :icon_arrow:
الله يعطيكي العافيه غلاتي
تسلم الايادي
مشكور حبيبتي
الف شكر لمروركم العطر ياقمرات
