قبل ايديا كعادته قبل ما يبدأ يومه
بصيت بعينيه لقيت حزن ويا هموم
قلت له ليه يا ضنايا بس الحزن ولا اللوم
قالى يا امى حزنى لجل انتى تكونى
فخر وعزه لقلبى ويا عيونى
لجل تفرحى وتجملى بالحنه
حتى لو التمن اكون شهيد بالجنه
عينيه دمعت وشافنى زعلانه
مسح دمعى وهو عيونه فرحانه
قبل جبينى وقالى كفايه يا امى مهانه
حالف بقسم لاجيبلك اعلى مكانه
******************************
وخرج ولدى وقلبه كله ايمان
قاصد ربه وراح على الميدان
وعيونه تحلم بحرية للاوطان
وصرخ بقوه هديت الجدران
**********************
ما همه غدر ولا اى سلاح
وسال دمه ينادى على الكفاح
قتلوك يا عمرى برصاص وزخاير
قتلوك بدم بارد ..ماعندهم ضماير
وسال دمك عطر يروى بشاير
فخر وعزه ودرب لكل ثاير
**************************
وصوتك يردد يا امى انا شهيد
ما تبكى ولا دمعك يسيل
البسى وزغردى واتجملى بالحنه
انا مت لجل بلدى تعيش وتهنا
بكى عليك يا عمرى والدمع بعينيه
كانك خرجت وداعك كان ليا
وربى بعدك يصبرنى جلا علاه
وعزايا انك بجنته باذن الله
شعر : حلا على
بكلماتك الرآئعة
لكي مني كل الشكر والعرفان
تقبلي ودي
