الكبة اللبنية طبق لذيذ

الحشوة :
1 – 1 كيلو لحمة مجرمشة
2 – بصلة كبيرة
3 – وقية صنوبر
البهارات :
1 – ملح حسب الطلب
2 – فلفل كمان حسب الطلب فينك تعمليه حار او عادي
الطريقة :
1- منجيب طاسة غميئة لحتى تحطي فيهم البرغل براحتو

2- وبنرش على وجههم مي فاترة او سخنة شوي رش حصراً ومنحركهم منيح منيح ومنغطيهم لمدة 30 دقيقة

3- منجيب البصلة ومنقطعها قطع صغيرة ومنقليها بالسمنة لحتى تصير لونها زهري
4- منجيب اللحمة المجرمشة ومنقلبها مع الدهنة الي من الخاروف الي هي ( اللية )
5- منحط معاهم الصنوبر والبهارات اعلاه ومنقلبهم لمدة 10 دقائق على نار وسط او لحتى تشوفيهم استوت اللحمة مع البصل والصنوبر وبس يستو بطفي تحتهم
6- منجيب البرغل واللحمة الناعمة ومنطحنون بالماكينة متل ما عملنا للمقلية لانو التنين نفس الشي بس المقادير بتختلف ومنطحنهم 3 وجوه لحتى تشوفي انو البرغل صار متل المرهم ( المعجون )
تحضير الكبة قبل اللبن ضروري :
هلأ بنجي لتحضير الكبة قبل اللبن لانو اللبن مارح نفارئو وما نتركو لانو بيفرط

1 – بتجيبي صينية كبيرة وبترشي عليها كاستين شاي صغيرة طحين ناعم رش على كامل الصينية لانو رح نحط عليها الاقراص تبع الكبة
2 – بتجيبي طاسة صغيرة فيها ماء عادي وبتخليها جنبك نفس الطريقة اعلاه
3 – بتحطي على راحة الكف ماء رشرشة يعني ماء قليل وبتبلشي تحطي كمشة برغل وعلى حسب انتي كيف بدك قرص كبير قرص صغير على حسب الي انتي بتحبية وبتبلشي تئرصيه يعني بتحطي اصبعك بالنص وبتبلشي تعجنيه حولين اصبعك لحتى تشوفيه صار على شكل كوسا محفورية وبتخلي فتحا فيه للحشي او اذا عندك آلة بطلع اقراص بتعملي فيها موديلات للاقراص هلأ انا عندي آلة بتعملي اشكال كتيرة للكبة .
4 – منجيب اللحمة المجرمشة الي اليناها مع الصنوبر والبصلة والبهارات وبتبلشي حشي اقراص الكبة وانتي على حسب بتحبي حشوة كبيرة صغيرة على حسب انتي كيف بتحبيه .

طريقة تحضير اللبن :
1 – منشيل عن اللبن الوجه الي هو القشطة متل ما منسميه .
2 – منجيب طنجرة كبيرة ومنسئط فيهم اللبن ومنخفئهم لحتى يصيرو متل المي طبعاً ما منحط معاهم ماء فقط اللبن ومنخفئهم ليصيرو مي مي .
3 – منجيب النشاء الي بدنا ياه ومنجيب طاسة صغيرة فيها ماء بارد حصراً ومنحط النشاء فيهم ومنخفئهم لحتى يصيرو روح وحدة يعني يصيرو متل المي
4 – منجيب مصفاية ومنصفي النشاء الي بالطاسة فوق اللبن يعني ما منحطهم فوراً بالطنجرة حصراً بالمصفاية منصفي النشاء فوء اللبن
هون انتبهي منيح
5 – منشغل النار تحت اللبن على نار قوية ومنحرك اللبن تحريك على اليمين او الشمال يعني اذا انتي بتستخدمي يدك اليمين بتحركيه على اليمين واذا انتي يسراوية بتحركية على اليسار
( تحذير مهم : لا تتركي اللبن وتروحي يعني اذا اجتك مكالمة تلفون او حدا نادالك ا واو او ولا تحركي اللبن الا على اليمين او اليسار اذا عملتي غير هيك بيفرط وبدك تطري تجيبي لبن من اول وجديد وتكبي الي عندك بالطنجرة )
6 – اول اول ما يغلي اللبن وبتشوفيه بلش يطف او يبئبئ منوص تحتو الغاز ومنخليه على نار هادية و منبلش بتسقيط الكبة انتبهي فقط كبايتنين كبايتين يعني تنين تنين ومع كل كبايتني منحطهم بالطنجرة منحرك اللبن تحريك خفيف لحتى ما تفرط الكبة
7 – بعد ما خلصنا من تنزيل كل الكبة بالطنجرة منغطيهم وكل 10 دقائق منشئ عليهم وانتي بطلعي كبة وبدوئيها وبتشوفيها اذا ستوت ولا لا