هي : لأ
هو : طيب
هي :و لا أقولك ؟
هو: هاه .. تبغي أطلب لك كمان ؟
هي : والله مدري مني عارفة !
هو :مو عارفة إذا تبغي شي ؟ ولا ما تبغي !
هي : لأ
هو : انتي جيعانة ؟
هي: يعني !
هو : إيش يعني يعني !
هي : يعني معناها ماني متأكدة إذا كنت جيعانة أو لا .
هو : الواحد لما يكون جيعان يعرف
هي : مهو يمكن أجوع بعدين
هو : معناها اطلب لك بيتزا
هي : طيب و إذا ما كنت جيعانة وقتها ؟
هو : لا تاكلي
هي :بس كده يكون تبذير
هو : طيب تاكليها بكرة
هي : و إذا ما كان لي نفس آكل بيتزا بكرة ؟
هو : هادي ما يبغالها نفس .. الواحد يقدر ياكل البيتزا كل يوم
هي : أنا لا ما آكل بيتزا إلا لما يكون عندي نفس للبيتزا
هو : معناها بطلب لك شي تاني
هي : بس أنا ما أبغى شي تاني
هو : يعني تبغي بيتزا ؟
هي :لأ
هو : يعني ما تبغي شي ؟
هي : إلا أبغى . .
هو : جننتي سمايا انطقي إيش تبغي ؟
هي :اطلب انته لحالك
هو : أخيرا ماشي
هي
:بس اطلب بيتزا بالتونا
هو : بس أنا ما أحب التونا
هي : بس أناأحبها
هو : هو أنا حاطلب لي و لا لكي ؟
هي : لك طبعا
هو :طيب و ليش بالتونا ؟
هي : يمكن أجوع لما يوصل الأكل
هو : و إيش يعني ؟
هي : بالله ؟ إيش يعني إنته فاكر إني حآكل شي ما يعجبني ؟
هو : ليش هو انتي تبغي تاكلي ؟
هي :
ليش لا ؟
هو : يا مثبت العقل و الدين .. دحين أنا لازم اطلب بيتزا لي , عشان انتي تاكليها إذا كنتي جيعانه ؟؟
هي :بالضبط
هو : و أنا إيش آكل ؟
هي : مهو يمكن ما أكون جيعانة
ملاحظة: محكمة الجنايات قرت الإفراج عن الزوج المتهم بتهمة قتل الزوجة مع سبق الإصرار و الترصد و تحويل القضية إلى قتل الزوجة دفاعا عن النفس
[ منقوله من الايميل ]
