للمتزوجا وخاصه الجدد

فحبيت أكتب شئ نحتاجه إحنا الي دوبنا متزوجين000ماعرفناه إلا لمن جربنا وقرينا وتعلمنا
وأقول لكل زوجه متضايقه من تصرفات زوجها وفي بالها إنها ماتوفقت في زواجها وخاصه الاخت الي بتنتحر من زوجها حبيت أرد عليها بس في موضوع مستقل عشان تعم الفائده يارب

*****
حبيبتي الدنيا ماتصفى على طول
وانتي باقي جديده على هذا الجو مثلي تماما"
مشكلتنا تخيلنا الزواج رومنسيه وحب وعشق مثل الأفلام والقصص الي ياما قريناها
بس لمن دخلنا العالم هذا تفاجئنا بأشياء كثيره غير الخيال الي رسمناه
طبعا" انصدمنا 00وتفاجئنا00وتحملنا وكابرنا000بس في النهايه انهرنا00وبكينا وعشنا الحزن بكل أنواعه
وصارت الضحكه والابتسامه شي نادر
كل هذا لأنا مالقينا الناصح المخلص وإحنا برضه ماتثقفنا وقرينا عن الحياة الحقيقيه بعد الزواج وعن حقيقتة والاصطدامات والفروق الي في داخل كل زوج زوجه
شوفي حبيبتي انتي تربيتي وكبرتي في بيت مستقل وهو نفس الشئ تربى وعاش في بيت مستقل و بيئه ثانيه00
انتي كبرتي ولك عاداتك وتقاليدك وأفكارك الخاصه فيك انتي وأهلك بس
وهو نفس الشي ياقلبي
عشان كذا طبيعي بتصادمون وطبيعي بتحسين بالفرق والوحشه والوحده والقهر والحزن وكل انواع المشاعر الكئيبه
لأنكم بس راح تندمجون في بعض00
تماما" مثل أي ثنين كانو مفترقين والتحموا حتى لو كانوا من غير البشر
وأحلى شي أقدر أشبه لك فيه كلامي000أي نهرين يصبوا في مصب واحد
مثلا نهر دجله والفرات000
كل واحد له نبع خاص فيه وكل واحد يبع من مدينه غير الثاني
ويمشي كل واحد في مجراه الخاص000
ويعيش فتره بيئه تخصه ويعدي بأشجار ونباتات و00و000إلخ
وفي النهايه لمن تجي لحظة اجتماعهم ويلتقون في مصب واحد يسير هدير موطبيعي
وعنف في الاصطدام الغير عادي
وبعد هذا العنف 000يمتزجون ويختلطون( وتسير الروح وحده ) ويكونو منطقة اسمها (الهلال الخصيب )
وهذولا أنا وانتي وكل اثنين لساتهم متزوجين وجديدين على هذا العالم
بس اسمعيني وافهمي الي راح أقوله لك بالحرف الواحد
أولا" قوي صلتك بالله
سيبيك دايم على وضوء قد ماتقدرين
صلاتك لاتفرطي فيها مهما صار
واذا كنتي طفشانه أو زعلانه تسلي بالذكر000ليش أقولك تسلي فيه000لأن فيه جوائز راح توصلك من الكريم الي تذكرينه سبحانه
لاتجلسي مكتئبه وحزينه وندمانه على زواجك 000لا أبدا"
من الايمان الرضى بالقدر والقضا
والحزن الالم ماراح يفيدك بشئ بالعكس راح يزيدك مع الوقت يأثر حتى على نظارتك وشكلك
اطردي عنك الحزن وعيشي يومك الي انتي فيه يمكن ماتعيشين غيره فليش نقضي وقتنا وعمرنا بالنكد
خليك فرفوشه مرحه وترى الزوج يحب الزوجه المرحه ويكره وينفر من النكديه
بس خليك رزينه وثقيله شويه
إذا عصب وهدد و000إلخ اسكتي
اذا صدر منه أي تصرف غلط أوشين ازعلي وعاتبيه وأظهري له عدم رضاك 00اياك تسكتي 00وأياك تزودي الزعل والخصومه 00والكلام الي ماله داعي اقنعي نفسك إنه ماله داعي بجد
عامليه بحب وحنان ودلعيه بس لا تدلعيه الدلع الزايد ومعروف اذا زاد الشي عن حده ايش يسير
لاتظهريله تضايقك من أهله أبدا" أبدا" أبدا" انتي الجديده وهم أهله الي عاش معهم عمره بالكامل
لا تفكرين تمتلكينه أبدا" لأنه مو قطعة أرض أو أثاث هو كائن له مشاعره الخاصه مراح يستسلم للشئ هذا أبدا"
سيبي الغيره الزايده تراها تدمرك انتي وتبعده عنك أكثر
لاتعيشين من أجل زوجك وبس لأ 0000وافهمي قصدي
صديقاتك لاتقطعيهم بحجة مسئوليات وقت و00و00و
الزوج مايبغى الزوجه الي مالها من العلاقات غير الرجل الي قدامها
اشتركي في نوادي000 اطلعي 000شوفي صديقاتك وحلو لوصار لك صديقات جدد
روحي لأهلك انبسطي وتونسي وحلو لو جلستي عندهم يومين ثلاثه ولاتفكري تطولينها ولاتشغليه لحظتها باتصالات وازعاج رسايل لأ إياك تسوينها حتى لوماتصلتي عادي أصلن انتي رايحه تتونسي خليها وناسه وناسه
اهتمي بشكلك ولبسك وفمك وجسمك لا تخلي فيه أي شعره وحده دايم شيلي أول بأول إلا إذا انشغلتي بس لا تخليه فتره طويله
خلي أكلك صحي شويه لو ملعقة عسل تفاحه خضار أهم شي لا تجلسي جوعانه لأن هذا يعجل بالشيخوخه وذبول الجسم 000
لاتحملي نفسك في الشغل بشي فوق طاقتها00حتى لوكنتي من عشاق النظافه
اشتغلي بالمعقول وتذكري 00 إن لبدنك عليك حق 00 بس موتهملي البيت

وأخيرا" أمه وأبوه تاج راسك حتى لو ماتحبيهم تحمليهم ارضيهم فرضاهم رضاه
وإياك تحرضيه عليم في يوم أو تحاولي تشبيها بينهم لأنك بتشربين من نفس الكاس