كيف حالكم ؟؟طيبين ان شاء الله))شخباركم؟؟؟ وشلون الاختبارات معكم؟؟؟
ها بشرو
جايبين العيد ولارمضان؟؟……….
بس في ماشاء الله ناس مالهم حس من الاجتهاد الله يوفقهم…
ياترى متبلدين مثلي ولا الشك و القلق ساكنكم
بعد مثلي بس ماينفع قلق وانتي قاعدة لازم تذاكرين
هي شده وتزول ماتحسون بنفسي بخوانكم وش يسون
أما انة يحوم بالشوارع ونفسة مفتوحه للمطاع ومتابع ماشاء الله لسياسه والأخبار والقهوه
والسوالف مع الاهل صايره حلوه مايقصرون يوديكم
ويجبونكم لسوق ومافي مشاكل أبد >>>>العين مابتطرا
طبعاً مظبط العلاقه مع عيال الحاره يعزمهم ويعزموة
انا اموت على هالحركات هذا كله هرب من المذاكره؟؟؟
طيب الله يهديك خل كتابك ينبسط معك خذه معك وين مارحت
انا ماقولك ذاكره بس اقول يروح معك <<<اقصد يقعد على قلبك
وكممل سهر وناسه على قول الوالده الله يخليها (الجاهل عدو نفسه)
قبل الفجر صل الوتر وادعي ان الله يوفقك وتحل وانت مغمض ثم توجه لكتابك
ولحق على كم كلمه واقرا ا لين مايقول الله أكبر
رح توضى وخلك بالصف الاول بالمسجد ورى الامام …
بعد الصلاه….لاتنسى الاذكار ثم اقعد كمل تصفح للكتاب لين يدقون عليك خوياك …
خويك:احم احم ياصباح الفل يالله ياحلو جا وقت الامتحان اللحين نمرك ….
انت: لا تكفى انا ماذاكرت شي شلون اروح ؟؟؟….
خويك:نعم نعم اول شي لاتقول تكفى ثاني شي ليه ماذاكرت انت وخشتك..؟؟
انت: والعبره تخنقك والله مادري مادري بالله قلي الملزمه الثالثه وش أهمم مافيها ولاعطني الزبده
خويك:ياشيب حالي انادري وش بالملزمه الاولى علشان اعرف المهم والزبده بالملزمه الثالثه
انت: وانت ماذاكرت ..لاوالله نجحنا …الوقت بدري بذاكر شوي لاتمروني اللحين
خويك: ايه نجح وليه مانجح اقول خلك من هالملازم
لاتأخرنا خلنا نفطر ثم نروح للقاعه قبل الزحمه نقعد بمكان مميز وقريب من بعض
انت:يازينك زيناه متأمل وشلون بنحل وحنا ماذاكرنا
خويك:اقول لايكثر رصيدي راح بسبتك حنا قريب توكل على الله و انا مجهزلك فزعه يالله سلام
انت:سلام
مش حالك لاتخاف أبد واثق الخطوه يمشي ملكاً
دخلت السياره وانتم بالطريق خلهم يصكون الاغاني مايصير انتم وراكم اختبار واقعد استغفر استغفر لين توصلون
وصلتو للجامعه ثم افطرتو…
وانتم ماشين للقاعه لاتنسى تمد عشره ولاخمسه ريال على عامل النظافه وان شاء الله انك تحل
خويك:يمدلك أوراق صغيره ..خ
انت: وش ذا؟؟
خويك:هذي فزعتي يالغلا براشيم فيها زبدة هالملازم
انت:نعم لالا شكراً مابي اغش
خويك:ياغبي بالجامعه الغش عادي وحنا ماعندنا فتامين (و) و.ا.س.ط.ه مثل باقي الشباب
انت:اي حنا عندنا فتامين (غ) غ .ش
خويك:عليك نور توكل على الله لاترتبك ولاحد ينتبهلك
انت:امري لله..يالله يارب نتوفق..
وتدخل الاختبار وتحل اقصد تغش وتطلع من الاختبار كلك فرح ان الله وفقك بهالاختبار
ثم ترجع الامور طبيعيه وانتم راجعين اغاني ورقص وفله….
………………………… ……………….. ………………………… ……………….. …………………….
عطوني رايكم وتعليقاتكم بس شوي ..شوي
من ناحية الطواعه ايام الاختبارات؟؟ بخوانكم
القلق والهروب؟؟
والفزعات للغش؟؟
والواسطات اللي تخلي الراسب!!! ناجح؟؟
