وفرمت الحاسوب هسة عندي برنامج جديد
اسمه أطفال العراق
الغي منه أي هدية
بيهه اسم البندقية
وردة قدمله وهدية
حتى يكتب جملة بيها
معفي من العسكرية
وحافظة عندك قديمة محد اتجرء فتحها
كبل ماتفتحها راح
تلكه معجزة الانبياء
وتلكه صبر الانبياء
وتلكه بيها افقر مدينة
وطفل جان اسمه حسن
من يمد ايده عله امه
جنه ولا مشابك امه
جنه شابكله وطن
وامه آيه ترتلت بحلك الحصار
حيل تعبها الحصار
بليلة جاعو حسن واخوانه الزغار
صفنت وكالت شبيع…..وعينها بعين الرضيع
وكالت
مريم العذراء جاعت ودخلت الغيرة
وعركت كصة الصليب
مريم العذراء هزي جذع جسمي
حتى ابيعن مية الحليب
ثوبها شباج حضره
من نذرعمره علعمره
مذنب وطالب شفاعة…اعتصم يم الضريح
توضت بوجهه الكنيسة…وصلى بجفوفه المسيح
ومن كبر عاش الحقيقه
بالعمل هندس طريقه
كام بالخمسه الصبح يكعد حسن ويه الاذان
حتى ميأثر على راتب عضو بالبرلمان
حسن مجنون النظافة كام يكنس بالشوارع
حته لاتحتاج اخته ثوب من باب الجوامع
وحته ليبين شعرها وتسول من الرصيف
جاب ايده الطاهرة وحطها عله خدها
وشبعها تمر ورغيف
وشبعها تمر ورغيف
أعجبتنى جداً ..
شكرا لكِ ..
ودى ..
تقبلي طلتي
((آبار))
