سحر قطعت تفكير مشعل وسرحانه منال بصوتها: أقوول ماكنا وصلنا
مشعل : طيب أنزلي انتى وحنا وراك
سحر عرفت ان مشعل فى خاطره كلام لمنال : طيب شوف فى المحل اللي قدامك على طول
مشعل: طيب
نزلت سحر واتجهت للسوق …
مشعل رفع بصره لمنال: ممكن أعرف وش الحركات اللي تسوينها
منال بستغراب: اي حركات
مشعل بضحكه مصطنعه: هههههه اي حركات تسكير السماعه بوجهي وهالحين ركوبك وراء وكنى ولا شي
منال كل قوه لها ثارت: وش تقووول حرام عليك اذا انا مسببه لكم ازعاج أو انك توهقت وتزوجتنى ترانا الى الان على البر تقدر تطلق وترتاح وارتاح انا بعد
مشعل أستغرب من كلامها : انتى وش تقولين
منال بألم: ياخي ارحمونى موت جدي من جهه وانت التعامل معك صعب وأمك بالبيت تقريبا تهددنى وكنى ولا شي ..أسمع يامشعل ترانى بنت ناس بس الظروف اللي خلت حالتى حاله
مشعل بصوت هادي: خلاص نخلي المناقشه بعدين الظاهر اعصابك تعبانه
منال كانت ساكته أو كانت تبكى ودموعها على خدودها ولكن غطاء وجهها كان مثل الامان حتى تستطيع ان تعبر عن مافي داخلها من ألم
مشعل كان حاس انها تبكي : منال أنزلي خلينا نشترى اللي ناقصك
منال نزلت بهدوء …
مشعل قرب من منال ومسك يدها وأحكم امساكها وكأن منال راح تضيع منه ….
سحر تأشر بيدها لمشعل ومنال : أنا هنا
وصلوا للبيت
…..
يخون القلب نبضاته بناس نبضها ماتي
سحر على طول فتحت باب السياره ..ودخلت البيت ..ومنال ومشعل كانوا خلف سحر …كانت منال تبكي بصمت ..وماكان حاس فيها الامشعل …
صعدت منال مع سحر … ومشعل دخل غرفته وأغلق الباب عليهـ ..وضرب بيده القويه الحائط .. من شده ..القهر اللي فى قلبه … ماهمه ألم يده
كثر ماكان ..يحس ..بشعور الندم …أتجأه منال… لانها بالاخير …يتيمه …حتى أنه مايعرف أمه …وش قالت لمنال ..
أخذ نفس عميق …وألقى بجسمه الكبير ..على السرير ..وأطلق العنان لمخه بالتفكير…ولكن بصوت مسموع….
مشعل : آآآآآآآآآآآآآآآآآآآآآآآآآه منك يامنال قلبتى حياتى فوق تحت ..ياخوف قلبي ..أكون حبيتك ..لالالالا المفروض ماأحب ..
أبتسم مشعل : بس للازم أصالحها ..بس أخاف تتعود … وادخل باب ادلع البنات ..بعدين من يطلعنى خخخخ ..بس ..
نادم..على اللي راح من عمري…اللي قظيته دون..صوتك ونجواك
منال كانت فى غرفه الملابس ..
سحر: منوله خلصتى يالله اطلعي عاد بشوفك
منال : صبر شوي
فى هالوقت دخل مشعل ..وأشر بيده لسحر أنها تسكت وطلب منها تطلع ….
منال : أبشرك خلصت وهذانى طالعه
تتدرون وش كانت لابسه منال ….فستان الزفاف يعنى أجمل جميلات العالم بحله بيضاء …
وكان شعرها على كتوفها نازل بشكل جميل …
طلعت منال من غرفه الملابس ..
منال: وش رأيك سحوره
مشعل أنصدم من شده جمال منال هو عرفه انها جميله بس ماتخيل أن جمالها ازدات أكثر يوم لبست الفستان …منال أنخرست من المفأجاه بشوفه مشعل اللي كان لابس
ثوب أسود وشماغه كان كاشخ ….>>>طبعا فى وقت البرد
منال: مـ…شعل
مشعل أبتسم: عيونه
منال أنحرجت من رد مشعل …مشعل تقدم لمنال ورفع رأسها بيده : ممكن ننسى اللي صار ونبدأ صفحه جديده
منال ماردت …
مشعل : أنا طالع
منال جلست على الكرسي .. ومشعل طلع فى نفسه: أحبها أموووت عليها
منال كانت ضربات قلبها تتسارع
..منال:أنا وش فينى …معقوله حبيته
دخلت سحر وقطعت حبل أفكار منال…: منوله وش سويتوا انتى ومشعل أعترفي خخخ
منال أبتسمت: ولا شي
سحر: أحلفى
منال: خيييير سحر قلت لك ولا شي
…
تاقف الدنيا بوجه والظروف ..ماشكى سود الليالي والقهر
ماهجرنى والعواذل له وقوف.. صدهم وأندار يمى وأنحدر
تجمع الناس فى بيت مشعل ..وبدأت مراسم الحفل …رغم أن زواج مشعل ..كان عائلي بسبب وفاته جد منال..الا ان معارف مشعل ..
كان عددهم كثير..
أم مشعل كانت تستقبل الضيوف ..وكان أول من حضر أم ريم وبنتها ريم ..
أستقبلتهم أم مشعل وكان سؤالهم بعد السلام
أم ريم: وين العروس!!
أم مشعل : فوق ثوانى وتشوفينها حياك تفضلي
ريم: خالتى وووين سحر؟
أم مشعل : فوق روحى لها
ريم طلعت لفوق ..ماكانت تتنمى تشوف غير منال ..منال اللي سرقت مشعل منها… مشعل ..اللي كان شاغل بالها كثير فجأه
يتزوج ويتركها….
ريم : ممكن أدخل
سحر : حياك ريم أدخلي
ريم دخلت ..: أهلين مبروك زواج أخوك
سحر ببتسامه: الله يبارك فيك عقبالك
ريم: تونا بدري..الا تعالي وين منال
سحر ببتسامه: قولي أنك جايه علشان تشوفينها
ريم :سحر أرجوك بشوف منال اللي فضلها أخوك علي
سحر: أسكتى ..هنا بحمام
طلعت منال من الحمام ..وطبعا سمعت الكلام اللي دار بين سحر وريم …أشتعلت نيران الغيره فى قلب منال…
أما ريم ..أول ماشافت منال ..أندهشت بجمال منال …كانت منال حوريه بمعنى الكلمه ….
سحر : منال أعرفك بنت خالتى ريم
منال بعصبيه: تشرفنا
سحر أستغربت من منال …
سحر: طيب أتركم بروح أغير ملابسي
منال: طيب لاتأخرين
أول ماطلعت سحر….
ريم أبتسمت : ممكن أكلمك شوي
منال بطريقه جديه: نعم تكلمى بسرعه لانه مافيه وقت
ريم:تتدرين أنتى أخذتى من؟
منال بتعجب: مافهمت
ريم بحسره: أخذتى مشعل حبيبي منى
منال بغضب: انتى وش قاعده تقولين
ريم ودموعها على خدها: شلون خان العهد ..شلون باعنى ..وعلشان من ..علشان وحده غريبه عنا …والا علشانها أحلى منى
منال أنصدمت وجلست على الكرسي بألم ودموعها تنزل أكثر وأكثر..
ريم لفت لمنال ..وأشرت بصبعها عليها: شوفي تأكيدي مشعل اذا شاف وحده أحلى منك راح ييترك مثل ماتركنى وخان عهده معي
وطلعت على طول من غرفه منال …..أو من الحفله كلها بعد مازرعت جراح بقلب منال …
منال :آآآآآآآآآآآآآه محتاجه لك حيييييل نوره
منال ..تجهزت لزواج ونظره الحزن اللي تسكنها قلبت لنظره تحدى ….
كل اللي فى الحفل شهد على جمال منال … ومشعل …كانوا لايقين على بعض
مشعل كان فرحان حيييل ….: الف الف مبروك منال
منال وقفت وبعدت عن مشعل : ممكن أطلب منك طلب
مشعل أستغرب من حده كلامها وتصرفها الغريب: قولي
منال بشده:مشعل أنا ماأبيك ..أنا وافقت علشان جدى وبس ..أنا المفروض اخذ واحد ثانى مو أنت
مشعل وقف منصدم: أنتى وش تقولين ..اي واحد ثانى
منال بألم: ميخالف زواجنا صار بسرعه ..وحنا
مشعل بعصبيه: كملي
منال: مشعل طلقنى
مشعل قرب لمنال وعطاها كف …
منال جلست على الارض من شده الكف …..مشعل كانت أعصابه منهاره ..فأفضل انه يترك منال بغرفه ويطلع ..يشم هواء
منال شعورها بندم على كلامها لمشعل من جهه وحزنها من جهه .. وغيرتها من جهه ثالثه
طول الليل ومنال فى أنتظار مشعل ….
أستعدت منال لصلاه الفجر …وبعد الانتهاء من الصلاه …كان مشعل داخل الغرفه …
منال بحزن: ووين كنت
مشعل مارد عليها …..
منال قربت من مشعل :أنا أسفه
مشعل بصوت هادئ:مابي أسمع صوتك ومن هالليله راح أعاملك مثل الاخوان ..بس رجاء قدام أهلي مابيهم يحسون بشي
منال دمعه عيونها : حاضر
لف مشعل عن منال بعد ماسحب له غطاء ونام على الارض تارك السرير لمنال …
مشعل فى خاطره:آآآآآآه يامنال بعد ماحبيتك وأخذت عهد على نفسي أسعدك ..تتطلعين تحبين غيري …أحبك يامنال والله أحبك
منال فى خاطرها: ليش تتزوجنى دامك تحب ريم ..ليتنى ماحبيتك ولا عرفتك
….
فى الصبااااح الباكر…
أستيقضت منال من نومها ..ولكن لم ترى…اي أثر لمشعل.. أخذت نفس أستعدادا ..ليوم طويل…..
بدلت منال ملابسها ..
وبعد تفكير طويل ..قررت منال النزول تحت …لسحر وام مشعل …ولكن بتأكيد لرؤيه مشعل ..
..
أم مشعل ..كانت ..تحظر الافطار…
فى المطبخ ….
دخلت منال على أم مشعل وببتسامه باهته :صباااح الخير خالتى
أم مشعل بدون نفس: صباح النور
منال أستغربت نفسيه أم مشعل وقالت فى خاطرها: هذا أولها الله يعينى على هالعائلهـ
أم مشعل : الا منال ووووين مشعل
منال بارتباك: امممممم مادري
أم مشعل: نعم شلون ماتتدرين ..الله يعينك ياولدى زوجتك ماتعرف وين انت فيه
منال جت بترد الا ودخلت مشعل عليهم بالمطبخ : صباااح الخير
منال لفت له وكل خليه بجسمها أرتعشت بمجرد سماع صوته ..
أم مشعل بفرح: صباااح النور وووينك فيه سألت زوجتك تقول مدري
مشعل كانت عيونه فى عيون منال ..بعد ماسمع صوت امه …أبتسم وتحرك لمنال ..
منال لاشعوريا تراجعت للخلف ..
ومشعل كل ماله يقرب من منال …منال شهقت يوم وصلت لجدار المطبخ ..
أم مشعل مستغربه منهم …مشعل عيونه كلها تحدى
أم مشعل : وش فيكم
مشعل أنطلقت منه ضحكه : هههههههههههههههههههههههههههه مافيه شي
ومد يده وأخذ الكوب اللي كان على الطاوله جنب منال ….
ام مشعل : الحمدلله وش فيه يضحك
منال ذابت يوم سمعت صوت مشعل ..كان نفسها تعتذر منه …بس كبرياءها مايسمح
مشعل بعد ماأخذ الكوب ..سكب الحليب والشاهى وسحب كرسي وجلس يشرب برواقه
منال أول ماحست أن فتره تأملها لمشعل طولت قررت الهروب من المطبخ او الاصح الهروب من مشعل
تحركت الا بصوت مشعل : منال
منال سكرت عيونها وجاوبت بألم: نعم
مشعل : ماتبين فطور
منال : ماشتهى ..أبروح لسحر
وطلعت على طول بعد صراع نفسي بمجرد سمااع صوت مشعل …بعد ماطلعت من المطبخ ..أستندت منال على الجدار ..وقالت فى خاطرها بعد ماوضعت يدها
على قلبها : ياربي بأموت منه راح يذبحنى …
الاوصوت سحر نازله من الدرج : منال وش عندك واقفه هناااا
منال خافت انه مشعل سمع صوت سحر فتحركت بسرعه الى سحر: انا هناااااا
سحر بأستغراب: أول مره أشوف متزوجين ..مالهم شهر عسل خخخ
منال مسكت يد سحر : أقوووول وش رأيك نجلس نسوالف فى غرفتك
سحر : هذا وقت سوالف ..ماتسمعين صوت بطنى يصرخ ..أنا ميته من الجوع ..وبعدين أذا فى رأسك سوالف عندك مشعل خخخخخخ
منال ضربت كتف سحر: هين يأم بطن هع
سحر: خخخخخخ
منال: طيب خلينا نفطر بغرفتك
سحر: ياربي وووين مشعل
سحر رفعت صوتها …: مشعل
منال وضعت يدها على فم سحر: أسكتى
مشعل سمع صوت سحر وطلع لهم بالصاله : وش فيك سحر تصارخين
منال بعدت يدها عن فم سحر….
سحر أبتسمت وسحبت يد منال وقربت من مشعل وضعت يد منال بيد مشعل: تكفى فكنى من زوجتك ..تخيل تقول خلينا نسولف بغرفتك ونفطر فيها خخخ
منال أنحرجت وسحبت يدها من مشعل لكن مشعل ماعطها مجال وضغط على يدها بقوووه حتى انها واجعت منال ..سحر دخلت المطبخ ..ومشعل ومنال واقفين بالصاله
منال بألم: توجع ترى
مشعل عصب وقرب فمه من أذن منال وهمس: رجاء ماله داعي أهلي يلاحظون …
منال نزلت دموعها : طيب فك يدي
مشعل ضغط أكثر وسحبها معه للمجلس ورمها على الكراسي : هالحين ممكن أفهم ليش تبكين
منال حزنت ونزلت دموعها أكثر …مشعل : شوفي أنا طالع من البيت بكبره ..أذا وجودي ينزل دموعك …بس رجاء أهلي لا يلاحظون
طلع مشعل ومنال تبكى بصمت..
منال بحسره : ليش تروح ..ليش تقسى
سحبت نفسها وطلعت لغرفتها …..
..
سحر : يمه
أم مشعل : نعم
سحر: يمه ممكن أفهم وش بين مشعل ومنال أحس بينهم شي
أم مشعل : حتى أنا ملاحظه ..ياخوفي ان مشعل ماهو مبسوط مع منال
سحر: حرام عليك يمه منال جمال واخلاق يحمدربه مشعل انه تزوجها
أم مشعل: ولدى مو قاصره شي ..
سحر: يمه خلينا نكون قراب من منال ترها يتيمه
أم مشعل : أقوووول خلينا نغير السالفه أحسن
…
مشعل كان عند صديقه خالد وكاتم أسراره …علمه بكل شي …
خاالد: مشعل خف على البنت أحسك قاسي معها
مشعل عصب: بالله خلك مكانى وش راح تسوي
خالد: الله يعينك
مشعل :ان شاء الله امى ماتلاحظ لانها تبي الزله من منال
خالد يضحك: هههههههه ضحكتنى شلون ماتبيها تلاحظ وانت صباحيتك تارك عروسك وجاي لمى
مشعل: شاسوي عصبتنى وطلعت
خالد : مشعل انت تحبها
مشعل بألم: فوق ماتتصور
خالد: أجل سامحها وحاول تكسبها ولا تنسى ترى مالها احد الا انت ..أنت أهلها
مشعل : طيب انا بروح هالحين
خالد : الله معك
….
منال ..كانت بغرفتها ..ومنزله رأسها على ركبتها وتبكى بألم …..
سحر دخلت على منال ..لماشافت الباب مفتوح وأستغربت من بكى منال..
سحر جلست جنب منال على السرير: منال وش فيك
منال رفعت رأسها وضمت سحر لها ..كانت محتاجه ..لحظن سحر كثير….
سحر: منال بسم الله عليك مشعل مسوي فيك شي
منال رفعت رأسها: لا بس تذكرت جدى
سحر : الله يرحمه ..أكييييد هذا بس اللي منزل دموعك
منال: ايه خلاص لاتهتمين شي بخاطري وطلعته
سحر: وووين مشعل عنك
منال:مادري
سحر: الظاهر هذا الى الان ماحس انه متزوج
منال مسكت يد سحر: تكفين لا تقولين له شي خصوصا انك شفتينى وانا ابكى
سحر: طيب اهم شي راحتك يالله قومى معي تحت
منال طلعت مع سحر وجلسوا بالصاله مع أم مشعل ….
دخل عليهم مشعل :السلام عليكم
الجميع: وعليكم السلام
مشعل كان متشوق لمنال حييل خصوصا بعد اللي سواه معها …قرب مشعل من سحر ومنال : سحر ممكن شوي
سحر : وش
مشعل :أبعدى شوي عن حرمتى
سحر تبتسم: ههههههه لاوالله
مشعل سحب سحر بيد وحده بقوووه ..سحر أنقهرت:سخيف
مشعل أبتسم وجلس جنب سحر: عادى اهم شي انا اللي جنبها
كل اللي صار ..ومنال ماتحركت كأنها آله ..مشعل مد..يده…حول خصر منال …ومنال خلاص أنحرجت حتى لون وجهها تغير
أم مشعل: ها متى ناوين تسافرون
مشعل مبتسم: ودي ..بس منال رافضه ..
منال أستغربت :أنا
مشعل لف لمنال وعيونه عليها: أيه نسيتى أمس قلتى أنك ماتحبين السفر
عرفت منال أن مشعل …مايبي السفر ..
أم مشعل: والله يامنال حنا مو ناقصنا شي علشان ترفضين السفر
منال حزنت بس مشعل رد: وش هالكلام يمه ..
منال قامت علشان تروح عنهم بس مشعل مسك يدها وهو جالس …منال : ممكن اروح لوسمحت
مشعل : طيب أنا بروح معك
قام…مشعل مع منال …لغرفتهم…
…….
البارت هذا يمكن قصير بس وش أسوي مابي أتاخر عليكم …
وش تتوقعون وش يصير مع مشعل ومنال ؟
وريم وش راح يكون أنتقامها من مشعل.وهل بينهم شي؟
خالد فى البارت الجاي راح يلعب دور مهم ؟
أفضل شخصيه أعجبتكم؟
أول مادخلوا غرفتهم …منال جلست بعصبيه على السرير …مشعل كان عارف انها متضايقه …قرب من منال
مشعل: منال أنا ..
منال بحزن: أنا وش سويت لك اذا ماتبي تسافر لا تحط السالفه علي..أرحمنى
مشعل رق قلبه لها وجلس على الارض ومسك يد منال : أنا أسف …بس عذري معي ..أنا مابي أروح مع وحده كارهتنى
منال عيونها فى عيون مشعل .
منال .:أنا ماأكره أحد …فاهم ماأكره أحد
مشعل: يعنى تحبينى؟
منال انحرجت..ولا قدرت ترد بس داخل قلبها كانت تقول: أحبك وتسأل بعد ..أنا لو أعرف كلمه تعبر عن أحساسي قلتها ..راح تذبحنى
يامشعل موتى راح يكون على أيديك ..تكفى لاتطالعنى عيونك تعذبنى
للاسف منال سكتت وماقدرت تقول هالكلام لمشعل ….وطبعا مشعل فسر سكوتها شي ثانى …
سحب مشعل يده من يد منال ..وأتجاه للباب وقبل لايطلع : منال أنا بمكتبي تحت اذ بغيتى شي ترى انا فيها ..
منال سكتت ومشعل طلع ….
منال: ياربي ليش ماقلت له …بس لو اعرف ان وش بالنسبه لك يامشعل ؟
قررت منال تنزل تحت لسحر …وهى نازله سمعت رن الهاتف
….
وعرفت ان مشعل هو اللي …رد
مشعل: الووو
ريم: هلااا من …مشعل
مشعل: مين معي
ريم : بنت خالتك ريم نسيت صوتى!!
مشعل : هلااا ريم كيفك
ريم: بخير انت اخبارك مع الزواج الجديد
مشعل مستغرب جرأه ريم: بخير
ريم: مشعل أنا متصله أبيك بسالفه
مشعل : آمري ريم
ريم : ماينفع هالحين وش رأيك بكرا أجيكم
مشعل : على راحتك
ريم: طيب مع السلامه
مشعل: مع السلامه
..
أبتسم مشعل وسكر السماعه وفجأه سمع منال تنادي عليه: مشعل
مشعل لف لمنال : هلا
منال ماكان يحركها الا غيرتها ..قربت من مشعل : ممكن أفهم من كنت تكلم
مشعل مستغرب عصبيه منال: ريم بنت خالتى ليه؟
منال : وش تبي منك
مشعل حس أن منال تغار عليه بس أستغرب لان الغيره ماتجى الا بدافع الحب ومنال من وجهه نظره ماتحبه …:منال انتى تغارين علي!!
منال حست أن مشعل كشفها : ها لا مو قصدي بس …
دخلت عليهم سحر …
سحر: وش عندكم تحت أعترفوا
مشعل سحب عمره بدون ولا كلمه ودخل مكتبه …
منال أنقهرت من تصرف مشعل ومسكت يد سحر وسحبتها للصاله وجلسوا …
منال : ممكن أفهم وش بين ريم ومشعل؟
سحر ضحكت: هههههههههههههههه تغارين
منال : موقصدى بس ممكن اعرف
سحر: وليش تقولين كذا شي طبيعى تغارين انتى زوجته
..أنتى زوجته ..كانت الكلمه..تردد فى ذهن منال …
سحر: نحن هنا وين راح عقلك منوله
منال أنتبهت من سرحانها : معك
سحر : شوفي اذا على ريم ترها تحب مشعل حيييييل ..أما مشعل والله مادري عنه ..بس لو كان يحبها ليش ماتزوجها ترها بنت خالته
منال :يمكن علشانى أحلى منها بشكل
سحر: طيب هو قد شافك قبل مايتزوجك
منال بعد تفكير: لا
سحر: أجل ياذكيه شلون عرف انك أحلى من ريم ..أذا فى الاساس ماشافك ولمعلوماتك ريم بعد ماقد شافها مشعل يوم كبرت
منال: بس قبل شوي سمعت التلفون يرن وسمعت مشعل يقول ريم شكله يكلمها
سحر: مادري هذا مشعل بغرفه هاذي روحى أساليه خخخخ
منال ..:طيب بروح أساله
طبعا منال ماكانت تبي ..سحر..تلاحظ اللي بينها وبين مشعل …
دخلت منال ..مكتب مشعل بتردد …وشافته فاتح لاب توب ..ومشغول فيه…
منال يوم شافت أن مشعل ..ملاحظ وجودها ..قررت تتطلع ..
مشعل : منال على وين
منال : هااااا ولا مكان
مشعل أبتسم: أجل ليش داخله علي
منال :علشان سحر ماتلاحظ شي
مشعل أرتسمت ملامحه بحزن : وانا على بالي أشتقتى لي
منال سكتت …مشعل بصوت هادي: تعالي منال أوريك شي …
منال قربت من مشعل بخوف وناظرت فى الجهاز ..وطلع لها صوره حليمه بولندا.
مشعل:.وش رأيك بجمالها
منال بعصبيه: عاديه
مشعل: اكيد بتكون عاديه ..جنبك…خخخخخ
منال حمر وجهها: الظاهر انك مروق اليوم
مشعل: ليش ماتبينى أروق؟
منال: طيب أخليك بروح انام
مشعل أبتسم: على راحتك تصبحين على خير
…
دخلت منال غرفتها ونامت ….
………….
اليوم التالي ….
أستيقضت منال من النوم ..وشافت مكان مشعل اللي كان ينام تحت على الارض مرتب باين أنه مانام …
منال بقلق: وينه فيه …
بدلت منال ملابسها ….ونزلت ……………
سحر وام مشعل كانو يفطرون بالصاله …عيون منال كانت تتفحص المكان بحثا عن حبيب قلبها ..مشعل ….كان الخوف ينطق من ملامحها..
سحر: منوله صباح الخير
منال برتباك: صباح النور
أم مشعل : وراك واقفه تعالي أفطري
منال سحبت الكرسي وجلست معهم …
سحر: منال أفطري ؟
منال:ها طيب
أم مشعل : خليها على راحتها …مابقي الا تفطرينها بيدك
منال بعالم اخر ومانتبهت لكلام أم مشعل ….
سحر: الله يهديك يمه
فجأءه وقفت منال…..
سحر: منال امى ماتقصد
منال ماكانت معهم نهائيا..وتحركت لمكتب مشعل…كانت تحس بأنفاس مشعل ….قلبها كان يحركها…
سحر: منال
أم مشعل: أقول أفطري أنتى
فتحت منال باب المكتب بحذر…وشافت مشعل نايم على الارض ….أنعصر قلبها على حاله …
وقربت من مشعل ..وجلست جنبه …وخصالاتها كانت على وجهه مشعل …
منال : مشعل
مشعل من أول تنبيه وهو حاس انها معه …
مشعل أستيقظ:منال
منال ..عصبت مره وحده …
مشعل أستغرب تحول ملامحها الى العصبيه..وجلس على طول: منال وش فيك
منال: ممكن أفهم وش منومك هنا.
مشعل :راحت علي نومه
منال: لاياشيخ
مشعل: أصلا هنا او هناك ماتفرق
منال وقفت معصبيه:هذا ردك
مشعل بحزن: أصلا هنا أريح ..علشان ماشوف هالجمال واتعذب
منال حمر وجهها وطلعت رغم ماناداه مشعل لها …..
…
عند وصول ريم …لم يكن فى أستقبالها الا سحر وأم مشعل …أما منال …كانت بغرفتها …ومشعل كان خارج المنزل …
ناسي تماما أن له موعد …مع ريم ……
..
سحر أرسلت الخادمه الى منال …لكى تنزل …وفعلا منال …كانت فى أبهى حله ….
رأت منال …ريم …
ريم: أهلين منال
منال:هلا فيك….جلست منال معهم ….
أم مشعل:ريم أخبار أمك
ريم: بخير خالتى الا خالتى وين مشعل
سحر أستغربت كلام ريم: ريم وش تبين بمشعل
منال ..الغيره …كانت تتراقص فى قلبها …كانت تتمنى ..أن تقضى على ريم ……
ريم عيونها على منال ..كانت تشوف الغيره ..من خلال ملامح منال
ريم:أبيه بموضوع خاص
هنا خلاص …كل طاقه للصبر عند منال …أنهارت ….منال عصبت :أذا نسيتى ترى عادى أذكرك ترى أنا زوجته مشعل وماتوقعه
أنه يخبي علي شي
….طبعا هذا اللي تبيه ريم ..أن تقضى على اعصاب منال …وفعلا أنجحت…..
أم مشعل بصوت حاد: منال ..مشعل وريم ماهم أغراب عن بعض تراه ولد خالتها
ريم: خاليها خالتى ..معذوره ماتتدري وش مشعل بالنسبه لي
سحر: ريم أسكتى
أم مشعل :سحر ..ريم صادقه ..لو ماتزوج مشعل منال ..كان زوجتها له
منال ..كل كلمه تسمعها نيران …فى قلبها ………..>>>اترك لكم تخيل شعور منال بعد هالكلام الجارح
فجأء دخل مشعل عليهم ..غطت ريم وجهها …..
مشعل :السلام عليكم
أم مشعل وريم وسحر: وعليكم السلام
مشعل عيونه على منال مستغرب سكوتها …
ريم: أشوى انك جيت وريحتنى من التحقيق خخخخخخخ
مشعل:اي تحقيق
ريم :انا امس ماقلت لك ابيك بموضوع خاص
مشعل:ايه
ريم :طيب خلنا نزوح للحوش واعلمك
ريم وقفت …ومشعل كانت عيونه على منال…
مشعل:منال
منال ماتكلمت ….
ريم وسحر وام مشعل يناظرون منال اللي حتى الحركه ماتحركت ….
مشعل قرب من منال :منال وش فيك
حرك مشعل كتف منال ….ولكن منال أغمى عليها …وماكانت تحس باللي حولها …….
مشعل أنفجع….منال بين يدينه مغما عليها……أنذهل …..كل عضوا فى جسمه ماعاد يتحرك…
وماحس بنفسه ..الا وسحر تسحب منال من بين يدينه وهى تبكى…
سحر وهى تبكي: منوله ووووش فيك
أم مشعل وريم …كانوا يطالعون منال …بذهول ………
سحر: مشعل وش فيك واقف ساعدنى نوديها للمستشفى
مشعل بألم ..:سحر منال وش فيها
سحر: ماله داعي الكلام يالله ودها للمستشفى….
حمل مشعل …منال …وسحر معه تغطى منال…..وبسرعه وصلوا للمستشفى…
كان مشعل وسحر فى غرفه الانتظار …وحالتهم حاله………….
الا والدكتور طالع لهم………..
مشعل على طول راح لدكتور: دكتور وش فيها زوجتى
الدكتور:أطمن مافيها شي بس هبوط بالضغط …واعصابها مشدوده
مشعل: شلون
الدكتور: لاتخاف بس تنام عندنا الليله وبكرا راح تكون بأفضل حال…
مشعل: الحمدلله على كل حال
…
راح مشعل لـسحروبلغها باللي قاله الدكتور
سحر: طيب الحمدلله
مشعل:سحر للازم تعلمين وش صار
سحر:ماصار شي
مشعل بعصبيه:شلون ماصار شي وزوجتى بغت تروح منى
سحر..علمت مشعل بكل شي من كلام امها الى استفزاز ريم..وصل مشعل سحر للبيت ورجع لمنال..
….
دخل مشعل على منال …كانت مستيقظه……..
مشعل جلس على طرف السرير قريب من منال…:منال سامحى أمى
منال رفعت رأسها لمشعل:مشعل ..اللي اسمعه فوق طاقتى
مشعل :معليش تحملى علشانى
منال ودموعها على خدها:علشانك بتحمل كل شي
مشعل…مسك يد منال :حبيبتى أنا امووووووت فيك أحبك أعشقك ….من أول نظره ..من أول لقاء …وانا أحس
انك اقرب من انفاسي…منال خلينا نبدأصفحه جديده وننسى كل اللي صار..
منال انصدمت من كلام مشعل …مشعل طلع يحبها:مشعل
مشعل :عيونه
منال:الله لايحرمنى منك
مشعل: ولا منك
ومن هالليله قرر مشعل ومنال …يبدأون صفحه جديده بعيده عن اللي صار بماضي ..
….من بعد هالليله أصبح مشعل زوج منال بحق وحقيقه
………
معليش اعتذر عن الخوض بشخصيه خالد خلال هالبارت ….
انتظروا البارت القادم
سحر:منااااال ماخليتى شي ماسويته ماشاء الله عليك
منال مبتسمه: علشان تعرفون شلون طبخى انا خخخخخخ
سحر: قصدك مشعل ههههههههههههه
منال أنحرجت…….: سحر وبعدين
سحر: منال انتم متزوجين لكم شهرين والى الان تنحرجين
منال ..سحبت كرسي فى المطبخ وجلست :تصدقين سحر ..الى الان انحرج حييييل
سحر جلست على الكرسي :ليش طيب
منال :مادري بس من نكون مع بعض انحرج
وماحسوا الا ومشعل داخل عليهم : السلام عليكم
منال وسحر وقفوا على طول ………
منال وسحر: وعليكم السلام
مشعل قرب من منال : وش طابخه اليوم
سحر: الله لنا هالحين انا قاعده اساعد زوجتك ..ولا تعطينى وجه
مشعل : ههههههه افااااا ولا يهمك وش طابخين اليوم
سحر: ههههههههه صراحه منال هى اللي تتتطبخ وانا بس اسوالف معها هههههههههههه
مشعل يناظر منال: صدق انتى اللي طابخه هذا كله
منال : ايه
مشعل قرب من منال وسحب يدها : تسلمين لي
سحر: احم احم اقووول ترانا هناا خخخخ
مشعل ومنال : ههههههههههههههههههههههه
فى هاللحظه دق جوال مشعل …وطلع مشعل يرد : الوووو هلااا خالد
خالد بألم: مشعل تعال بسرعه انا فى البيت
مشعل : وش فيك خالد عسى ماشر
خالد: تعال ابيك ضروري
مشعل : طيب كلها دقايق وانا عندك
…….
ام مشعل : منال وين مشعل
منال جاه اتصل وطلع …..
ام مشعل : طيب انا ابروح اريح شوي
سحر : طيب
طلعت ام مشعل ..سحر ناظرت بمنال وشافتها سرحانه
سحر: منال وش فيك
منال: احس بشي يخوف راح يصير
سحر: بسم الله وش فيك
منال : الااله الا الله
سحر: منال تعوذي من ابليس
منال: اعوذ بالله من الشيطان الرجيم
…..
وصل مشعل لبيت خالد …..
مشعل …: خالد وش فيك
خالد بألم : مشعل انا عندى سفره بكرا خارج السعوديه وأبيك ترافقنى
مشعل : وش السالفه
خالد: ابد بس الوالد أشرف على شغله هناك وارجع بعد شهر وانا ابيك معى اعرفك لك خبره بهالامور
مشعل : كم خالد عندى انا ابشر
خالد: سامحنى اذا ضايقتك بس وربي محتاج لك
مشعل: ولا يهمك
………
كانت منال تنتظر مشعل ومعها سحر وام مشعل ……
سمعوا صوت الباب واذا هو مشعل ……..
مشعل : السلام عليكم
الجميع: وعليكم السلام
ام مشعل:وراك تأخرت
مشعل : معليش خالد كان يبينى بموضوع
منال وسحر جهزوا الغداء وتغدوا …………..
صعدت منال غرفتها …………..
مشعل كان مع امه واخته …….بالصاله على التلفاز ……
مشعل : يمه سحر ابيكم بموضوع
ام مشعل وسحر كانت عيونهم على مشعل …..
مشعل:بكر انا مسافر خارج السعوديه عندى شغل وماراح ارجع الا بعد شهر أبوصيكم على منال ترى مالها احد بدنيا غيرنا
ام مشعل :ياولدى ضروريه السفر؟
مشعل: وش اسوي خالد طلبنى وماقدرت ارفض له طلب
سحر: ومنال ماراح تعلمها
مشعل : الا بعلمها هالحين بس لاتنسووون اللي قلت لكم
سحر: لا تهتم منال بعيونا
….
كانت منال جالسه على الكرسي امام التسريحه …فكرها كان مشغول …مشعل ماعجبها على الغداء …كانت تحس بشي
وماحست الا بيد مشعل على كتفها ….
مشعل وهو يأشر على الفرشاه : ممكن
منال عطت مشعل الفراشاه …وأخذ يسرح شعرها الطويل برفق ……
منال كانت عيونها فى المرايا ….مافارقت عيون مشعل ..لفت منال لمشعل …..
منال : مشعل قول اللي عندك؟
مشعل أستغرب منها شلون تفهمه …نزل الفراشاه وسحب يد منال…وجلسها على السرير وجلس جنبها
مشعل وهو يلعب بيد منال: حبيبتى انا بكرا مسافر مع خالد خارج السعوديه عندنا شغل وراح ارجع بعد شهر
منال أنقبض قلبها: مشعل انت وش قاعد تقووول
مشعل لف مقابل لمنال: حبيبتى ايام بسرعه تمشي وماتحسين الا وانا جنبك وبعدين الاتصال بينا ماراح ينقطع
منال نزلت دموعها: مشعل انا خايفه لالالاتروح قلبي ماهو مطمن
مشعل مسح دموعها بأطرف أصابها:حبيبتى ..خليك مكانى خالد طلبنى ماقدر أرده
منال: وانا؟
مشعل مسك يد منال وحطها على قلبه : انتى هنا …وأمى وسحر ماراح يقصرون معك
منال …نزلت رأسها ….وسكتت
مشعل رفع رأس منال بيده: ماراح اسمعها منك
منال بحيره: وش
مشعل : الكلمه اللي اتمنى اسمعها
منال انحرجت وسكتت
مشعل : الظاهر ماراح اسمعها خخخخخ
….
اليوم التالي
استعد مشعل لسفر …ومنال كانت حالتها حاله….صراع داخلي مايحس فيه الا هي …فراق الحبيب ..
ام مشعل دموعها على خدها فهى المره الاولى اللى تفارق فيه ولدها : مشعل أول ماتوصل تكلمنا
مشعل أبتسم: ابشري
وباس امه وحب رأسها …وسلم على سحر ….ناظر فى الصاله …كان يبحث عن روحه عن حبه بس ماكان لها أثر
سحر:أعذرها مشعل ..منال ماتتحمل وداعك ….
حزن مشعل : طيب ماوصيك سحر بمنال ..وصلي سلامى لها
فتح مشعل الباب الخارجي وماحس الا بصوت يناديه يعرفه يعشق هالصوت ..الصوت اللي عذبه …الصوت اللي بدونه مايعيش
لف وشافها كانت منال ودموعها على خدها :وووين رايح …بدون ماتسلم علي!!!
كان مشعل بيرد عليها :أنـ..
وماحس الا بشي اللي أرتمى بحضنه وغاص بأعماقه …أبتسم مشعل وحاوطها بيدنه …..
منال كانت تبكى بألم :مشعل أنا أحبك ..لا تخلينى
مشعل رفع رأس منال بيده : ترى بصيح …اللي يسمعكم يقوول بهاجر خخخخخ
منال أبتسمت وبعدت عن مشعل ومدت يدها له …ناظر مشعل بيد منال وشاف بيدها صندوق صغير
مشعل: وش
منال : خله معك ولا تفتحه الا هناك
مشعل أخذ الصندوق : ابشري
وطلع تارك وراء قلوب …تحطم على فراقه ……..خصوصا منال
……..
مرت الايام سريعه ……وكان مشعل يكلم أهله يوميا …..حتى صار على فراق مشعل تقريبا 10 ايام
ومنال كان شوقها لمشعل يزادد يوم وراء يوم …..
وفى يوم……..
كانت منال تتصل على مشعل وماكان يرد….بدأ …عقلها يروح ..ويجى …..
نزلت منال …تحت وشافت سحر جالسه بصاله….
منال :سحر وين خالتى
سحر: امى نايمه
منال: طيب ابقولك شي
سحر: وش
منال : من اليوم اتصل على مشعل ومايرد
سحر: يمكن مشغول
منال: قلبي ماهو مطمن
سحر: منال انتى حساسه حييييل ..شوفي عدي هاليوم ..وخلينا نشوف بكرا اذا يرد او لا؟
منال هزت رأسه بموافقه …لانها خافت تخوف سحر …مهما كانت هذي أخته….بس قلبها كان يرجف خوف على مشعل
…………….
فى أيطاليا ……………
خالد …كان فى الممرات ..رايح …جاي ….:أنا السبب ..أنا اللي خليته يروح معي…..
البارت الاخير..الجزء الاول
_______
_________
طلع الدكتور من غرفه العمليات …وملامح الحزن …أرتسمت على وجهه الحزين ……
خالد كانت أعصابه مشدوده : بشر يادكتور شلون مشعل>>>طبعا بالانجليزي
الدكتور:حالته غير مستقره..وهو الان فى غيوبهـ
خالد ودموعه على خده:شلون
الدكتور ترك خالد بذهول وحزن …وأنصرف الى مكتبه ….
خالد: وش اسوي …كله منى…..أنا اللي جبته معي هنااا
شلون أبلغ أهله وش أقول لهم …….
….
مرت 4 أيام …وحاله منال …تدهورت أكثر…
وام مشعل ..ماصارت تنام من فرط حزنها على ولدها …..
وسحر..كان الخوف ..رفيقا لها…
منال:سحر ماصارت مشعل مايرد علي وانا خايفه ….
سحر…:حبيبتى الله يفرجها لو كنا نعرف رقم خالد بس للاسف مانعرف رقمه
الا وجوال منال يدق …
منال قلبها يدق بقوه ….
سحر بتعجب: ردي وش فيك
منال بخوف ردت:الووو
خالد بصوت تعبان: اختى انتى زوجته مشعل
منال: من معي
خالد: انا خالد صديق مشعل
منال:وش فيه مشعل
خالد:أختى مشعل مافيه الا العافيه بس هو صار له حادث بسيط ودخل بغيوبه
منال وقفت : انت وش قاعد تقووول
خالد: أختى هدى
سحر: منال وش السالفه..
منال ودموعها على خدها: مشعل مسوي حادث
ام مشعل سمعت كل شي: وش تقولون انتم ولدى مسوي حادث
سحر سحبت الجوال من منال: اخوي انا اخته شلون حالته؟
خالد:هو فى غيوبه بسيطه
سحر:أخوي قول الصدق
خالد:أختى وضعه افضل من قبل …بس الغيبوبه هى المشكله
سحر:خلاص حنا بنجى
خالد: لالالالالالالالالا اختى …هذا رقمى عندكم ..وكل يوم أبتصل اطمنكم عليهـ
سحر ودموعها على خدها:طيب اخوي مع السلامه
ام مشعل دموعها على خدها تبكى …ومنال منهاره على الكرسي ….وحالتها حاله…وسحر موقف صعب..
المفروض تكون اقوى منهم …..
ام مشعل قامت وراحت….لمنال ومسكت يدها بقووووه: من يوم ماجيتى وحياتنا انقلبت فوق تحت …أطلعى برآآآآآآآ
سحر ماسكه يد أم مشعل: يمه وش فيك على منال..مالها ذنب
ام مشعل ويدها على كتف منال تهزها بقووه: حسبيى الله عليك شلون دخلتي بحياتنا
منال تبكى بألم ……..
سحر: يمممممممه لاتنسين اللي قالك مشعل قبل لايسافر
ام مشعل وعيونها على منال:أسمعى ..مشعل ترى متزوجك علشان جدك طلب هالشي منه ..الله العالم ليش طلب جدك هالشي
منال …صعدت لغرفتها منهاره …
سحر: يمه تكفين حرام الي تسوينه بمنال..
ام مشعل كانت تبكى ….سحر صعدت لمنال….
كانت منال تبكى …دخلت عليها سحر…..
سحر: منال ..أمى ماتقصد
منال لفت لسحر ومسكت يدها ودموعها على خدها: قولي لي …اللي قالته خالتى صدق ..جدى هو اللي طلب من مشعل يتزوجنى
جدى عرض على مشعل انه يتزوجنى قولي
سحر : والله مادري عن اي شي …منال حنا وين وانتى وين الله يقوم مشعل بالسلامه
منال رمت نفسها على السرير وصارت تبكى بألم …..
…..
مر شهر والحمدلله تحسن مشعل ….وصحى من الغيوبه …
خالد: الحمدلله على سلامتك مشعل
مشعل : الله يسلمك
خالد: سامحنى ياغالي
مشعل : افااااا اللى كاتبه ربي بصير سواء كنت انا هنا او فى السعوديه
خالد: طيب ماكلمت الاهل
مشعل:هالحين بكلمهم وعلشان بعد اعلمهم ان بكرا رجعتى لهم
خالد:زين اجل اخليك تكلمهم
طلع خالد …ومشعل دق على اهله …
سحر: الوووو
مشعل: سحر انا مشعل
سحر بفرح: هلااااااااا مشعل انت تحسنت كيفك وربي مشتاااااااااااقين لك
مشعل بضحك: انا تمام
سحر: مشعل متى صحيت من الغيوبه
مشعل : لي فتره
سحر: ماقال لنا خالد
مشعل: كنت موصيه مايعلمكم ..سحر وين امى
سحر راحت تنادي امها …
ام مشعل ودموع بعيونها: هلاااااااا بك ياولدى الحمدلله على سلامتك
مشعل: وشلونك ياغاليه
ام مشعل: طيبه بس ناقصنا وجودك
مشعل : انا بكرا عندكم
ام مشعل من الفرحه تركت التلفون وصلت سجود الشكر
مشعل: الوووووووو
سحر: هلااااا
مشعل: وين امى
سحر: راحت تصلي
مشعل بلهفه: ووووين منال
سحر : لحظه
سحر دخلت الغرفه على منال ..
سحر بفرح…: منال مشعل طاب ..وبخير
منال كانت على الكرسي وفكرها بعيد …أستغربت سحر وقربت منها
سحر : منال أقولك مشعل طاب
منال : ها مشعل طاب احلفي
سحر بفرح: والله
منال وقفت ومسكت سحر: والله الحمدلله تو روحى ردت لي
سحر : يووووه تراه ينتظرك على التلفون
منال بفرح: والله
وعلى طول ركضت منال علشان ترد على مشعل وعلى طول وقفت فجأءه…..
سحر أستغربت: منال وش فيك
منال: سحر وصلي سلامى له
سحر: انتى وش قاعده تقولين
منال: أرجوك
ودخلت منال غرفتها وسكرت الباب …
سحر أستغربت من منال….وكلمت مشعل..
سحر: الوووو مشعل
مشعل: سحر وين منال ليش تأخرتوا
سحر: مشعل منال نايمه
مشعل:ليش ماعلمتيها
سحر: اهم شي انتى بتجى بكراااا وتشبع منها هههههههههههه
مشعل بقلق: سحر منال فيها شي
سحر: لا مافيها شي
مشعل:طيب انا راح اسكر سحر وصلي سلامى لها
….
منال جهزت شنطه لها …بعد ماكتبت ورقه …
وطلعت من البيت …وماحد حس فيها ….كانت دموعها أفضل رفيقا لها
وماكان …فى بالها …الا نوره …ملجأءها بعد الله…..
…
سحر صعدت غرفت منال :منال
فتحت الغرفه وماكان لها وجود…فقط ورقه على الطاوله …
فتحت سحر الورقه…وكان نصها
حبيبتى سحر …انا عند نوره ….
اذا جاء مشعل ,,,خليه يرسل ورقه طلاقي
بهدوء
مع السلامه
………………………… …
على أرض الوطن أستقرت قدم مشعل ….وعلامات اللهفه أرتسمت على وجهه
كم هو مشتاااق لامه واخته وخاصه لحبيبته منال …
وصل الى البيت وراء الصاله هادئه جدا الا وصوت سحر يأتى من غرفه أمه أستعجل بخطى
وأذا هو يهم بفتح الباب الا وصوت سحر تقول :يمه انتى جرحتى منال وقضيتى على حياه مشعل
منال تركت البيت وتبي الطلاق من مشعل
ام مشعل: ازوج ولدى اللي احسن منها
سحر بحزن:ليش يايمه تقولين لمنال جدك عرضك على مشعل …
مشعل كل عروقه أنشدت …وملامح العصبيه أرتسمت على وجه …فتح الباب بقوووه حتى ينهى اي ناقش بالموضوع
سحر وام مشعل يوم شافوا مشعل أستقبلوه بفرح ….
بعد السلام …….
مشعل بعصبيه: وين راحت منال ياسحر
سحر بخوف: راحت لبيت نوره
مشعل : شلون تروح وانا مانى فيه
ام مشعل : سامحنى ياولدى
مشعل :يمه انا ابي زوجتى ولا ابي غيرها راح ترجع لو وش صار
ام مشعل ودموعها على خدها دموع الندم ……
….
انتظروا
البارت الاخير الجزء الثانى
نوره :منال زوجك فى المجلس ينتظركـ
منال بحزن:طيب نازله
نوره: منال عطى نفسك فرصه واللي راح راح وفكري بكرا
منال : نوره أرجوك لا تزيدين علي
..
كان جالس وتوتر باين عليه….رفع بصره بعد ماحس أنه فيه احد معه…
منال: السلام عليكم
مشعل ببتسامه جانبيه: وعليكم السلام هذا اللي قدرتى تقولينه بعد فتره غياب بينا
جلست منال على طرف الكرسي .:مشعل شلون تزوجتنى
مشعل أعصابه أنشدت:أنتى وش تقولين مجنونه
منال بحزن: ريحنى وعلمنى
مشعل : منال تعوذي من الشيطان وقومى نرجع لبيتنا
منال: مالي رجعه لين أفهم كل شي
مشعل عصب وقام ومسك يد منال : شوفي انا على أعصابي ومابي فضايح وتعالى معي لبيتنا
منال تحاول تفك يدها من مشعل بس ماقدرت:فكنى …مابي اروح معك
دخلت نوره عليهم وهى طبعا متغطيه: مشعل أنا اشوف ان منال تعبانه وتبي ترتاح عندى هاليومين
مشعل كانت عيونه على منال وهى تحاول تخلص يدها من يده …..
مشعل بصرامه:يومين يامنال فاهمه يومين
وترك يدها وطلع من البيت ………….
ركب سيارته وماتحرك من البيت اللي فيه منال ..سند رأسه …:آآآآآه يامنال …فى الوقت اللي رجعت لك مشتااااق
ولهان على حبك …تركتينى..حتى كلمه الحمدللله على السلامه …ماقلتيها ….
…
بعد ماحس انه طول بالسياره حرك السياره وراح ……..
…….
منال كانت تبكى بحظن نوره: وربي أحبه بس ماأحب ان يذلنى ..نوره انه احسه تزوجنى شهامه وبس شكله يحب
ريم بنت خالته
نوره كانت تهدى منال:منال وش اللي يجبره هالحين يتمسك فيك ..وبنت خالته لو يبيها ماتزوجك او على الاقل تزوجها
منال بحسره:مادرى نوره انا تعبانه أبيه يطلقنى …
نوره:فكرتى زين
منال رفعت رأسها لنوره: نوره امه كارهتنى وهو متزوجنى شهامه وبس وش اللي يصبرنى على هالعيشه
نوره:يصبرك حبك له
منال:كل شي الا كرامتى يانوره اضحى بكل الحب الا كرامتى
……
مرت يومين ومشعل على اعصابه يبي المده تنتهى بسرعه مشتااااااق لها عنده قناعه انها راح ترجع له ..
فجأءه رن جواله ..
مشعل: الووو
منال: مشعل انا منال
مشعل بفرح:هلاااا والله
منال: مشعل ممكن تجينى هالحين أبيك
مشعل بسرعه: دقايق وانا عندك
وسكر الجوال …والفرح عاد لقلب مشعل كم هو مشتاااااااااق لها …كان يعد هاليومين بفارغ الصبر كل دقيقه تمر
كان يشوفها قاتله …
ركب سيارته وبسرعه كان موجود ..الا ومنال طالعه له بس اسغرب وين شنطتها …
ركبت منال السياره…
مشعل : وين الشنطه
منال: مشعل ممكن نروح لمكان هادئ ونتكلم
مشعل :نتكلم!!
منال: لو سمحت
أستغرب مشعل طريقه منال بكلام …وأخذها لمطعم ………
منال:مشعل ممكن أعرف لو سمحت شلون تزوجتنى
مشعل:طيب ..أنا تزوجتك ..بطلب من جدك ..كنت جالس مع الشباب بالاستراحه ..دخل علينا جدك وطلب منا
مساعده ماقام الا أنا ..وطلعت معه كانت سيارته ماتشتغل وساعده ..وكذا صار كل مايشوفنى يسلم علي وانا بعد ماقصر
بالسلام ومره قالي واحد فى الشغل ..ترى جاء واحد ونشد عن اخلاقك …أستغربت وبعد فتره طلع جدك ينشد عنى
ومره جاء يم الاستراحه وطلب منى أطلع معه يبينى بسالفه …قالي انه يعانى من مرض خطير ويمكن يموت بأي لحظه
وانه عنده بنت حلووووه وخايف عليها من الوحده وطلب منى اتزوجك
..
منال دموعها على خدها :كذا السالفه…
مشعل مسك يد منال:منال أنسى كل اللي صار وخلينا نبدأ صفحه جديده
منال:مشعل تحبنى؟
مشعل :أحبك واموت فيك
منال:طلقنى وريحنى
مشعل أنفجع :وش تقولين
منال مسكت يد مشعل وباستها :تكفى طلقنى الله لايحرمك الجنه
مشعل بحزن:متأكده منال هذا اللي تبينه؟
منال:ايه
مشعل :خلاااااص راح أطلقك
منال أنقبض قلبها …مشعل وقف يالله خلينا نروح…
وصلها مشعل لبيت نوره ……..
…….
ام مشعل شافت مشعل :وين كنت
مشعل بضيق:خلونى بحالي مابي احد يكلمنى
وصعد لغرفته ….
…..
فتح مشعل الصندوق ….اللي كان من منال……
وكان فيه قلبين أشكالهم رايقه ….تحسهم بيده ….وسكر الصندوق بألم…
….
مرت الاحداث سريعه تقريبا 10 ايام ….ومشعل ومنال كل واحد وطريقه بس مشعل الى الان ماطلق منال وماشافها من ذاك اليوم
….
رن جوال منال: الووو
سحر: هلااا منال أخبارك
منال: طيبه اخبارك انتى؟
سحر:تمام منال أبسألك خلاااص اللي بينك وبين مشعل أنتهاء
منال بحزن:ايه ليش
سحر: لا بس مشعل الليله بيخطب ريم
منال : وشوووووو
سحر: يالله اخليك أبروح عندى شغل مع السلامه
سكرت منال جوالها ودموعها على خدها وسحبت عباءتها دخلت نوره عليها: منال وش فيك تبكين
منال وهى تصيح: مو على كيفه يتزوج ريم
نوره مسكت يد منال: وين تروحين مشعل خلاص افهمى هذا اللي تبينه وصار
منال: اذا مت يانوره يتزوج اذا ماتت منال يتزوج
طلعت منال بسرعه …ماكان فى بالها الا شوفه مشعل
منال دخلت الصاله وماكان فيها احد وعلى وطول صعدت غرفتها ….
شافت كل شي مثل ماهو كأنها ماراح عنه الاقبل ساعه….لفت يوم سمعت صوت وراها
مشعل :مناااااااااااااااااال
منال ودموعها على خدها:خلاااااص بتتزوج ريم وتنسى مناااال
مشعل:انا ..من قالك
منال:سحر علمتنى
عرف مشعل انها خطه من سحروأبتسم
مشعل وهو مبتسم:انتى تركتى مشعل يامنال
منال ودموعها على خدها:هو اللي تركنى مو انا
مشعل:خلاااااااااص كل شي انتهى واليوم بتزوج ريم
منال ركضت وحظنته مشعل بألم وغاصت بأعماااااااااقه كأنها طفله ……..:اذا مت يامشعل تزوج اذا مت موهالحين
مشعل همس بأذنها: عسى يومى قبل يومك ..منال أنا أحبك لا ريم ولا غيرها ينسوونى منال
منال رفعت رأسها: وانا بعد أحبك
تمت بحمد الله أخيراااااااااااا
