قصة حب محمد ونوال الحلقة التالتة

يلاااا بينااااااااا

و سلمنا على بعض

نوال : ده أنت هتشفني دلوقتي وانا بجري ورا اتوبيس و اتشعلق

أنا: لا مش هتجري النهاردة و جه الميني باص فاضي خالص

روحت البيت و اتصلت بيها كانت لسه محشورة في أزمة المواصلات

وما تصلتش بيها يومها تاني غير اتصلت بيها مرة تاني يوم الصبح.

قلتلي انها هتخرج الساعة 2 من الشغل و هنفضل مع بعض لحد 7

و اتصلت بيها اسئلها هي لبسه أيه كلاسيك و لا كجوال عشان ألبس زيها

استغربت هي من السؤال شوية وقالت انها لابسه كلاسيك شوية

رحت استنتها فى نفس المكان عند مطعم مؤمن فى جامعة الدول ميدان سفنكس – بره المطعم يعني مش جوه –

و وصلت نوال الساعة متأخرة 20 دقيقة و قبل كدة امبارح 15 دقيقة
أول ما وصلت كانت لابسه الإشارب الرابطة العادية مش اسبنش و كانت قفلة على و شها شوية
و اصلا انا مش متعود على كده لأني شفتها بلأسبنش و اكتر حاجة كانت عجباني ملامح وشها برقبتها المكان إللي بيربط بين جمال الجسد و العقل

نوال : يعني انا شكلي و حش فى التحجيبة العادية

انا : فى الإسبنش أحلي و بعدين حطي فى اعتبارك أن انا أول مرة أتعرف على بنت محجبة كل إللى

وده كانت حقيقة انا كنت برفض مبدئياً اتعرف على بنت محجبة لأسباب كتير مش هقولها

انا : تحبي تتغدى فين النهارده

نوال : شوف انت

انا : لا انا اقترحت امبارح دار القمر و انتي مطلعش اد كده فشوفي انتي بقى النهارده

نوال : طب فكر معايا

انا : شوفي اى مطعم أو أكله تخطر فى بالك كل المطاعم هنا حوالينا

نوال : مش عارفة

انا : شوفى انتي بتحبي الفراخ أكتر و اللحمة

نوال : الأتنين

نوال : فى هنا كوك دوور

أنا : اه قدام شوية تحب نمشي و لا ناخد تاكسي

نوال : هو بعيد

انا : شيفة العمارة اللي هناك ده هو جنبها

نوال : على فكرة البايرفيم بتاعك حلو قوي

انا كنت متعمد احطه على دراعي فى اليمين و الشمال بمستوي و شها لأنها اقصر مني شوشية انا 186 و هى 165 زى ما بتقول بس انا اعتقد انها 162
وو زنها 68

بس بجد كانت عجباني مووت بستثناء مشيتها كانت مكنتش اد كده كنت على شكل 7 عرفنها
وكانت لكن و شها و تقسيمات جسمها خاصة كنت بتعجبني جدا خاصة شكل صدرها و خصلة شعرها الخارجة من الإيشارب و دقنها و رقبتها و شفيفها

وصلنا كووك دور و قلتلي ان صحبتها نور كانت عايزة تخرج معانا و يكون معاها عمرو بتاع أول حلقة و انا كنت قلتلها اصلا امبارح ان عمرو مش عايز يخرج معاها و انه منوق منها خالص و بيقول انها بيئة و كمان نصحوني ان انا مخرجش معها و قلولي ان انت و نور عايزين خروج و عزومات و بس
البنت كانت استغربت و كانت و عدتني انها فهمت ليه احنا مش هنخرج اربعة لكن كل الكلام اللى انا قولتهولها راحت قالته لصحبتها

وصلنا كوك تدور و اكلمنا مع بعض و كان فى عرض نخربش كروت مع الكومبو و خربشنا و كسبنا كوبية و نسينا نخدها لننا كنا مندمجين فى الكلام و مرت ساعة و ربع من غير من حس خالص

سئلتني خلالها سؤال غريب جدا

نوال : ممكن اسئلك سؤال غريب شوية ؟

انا : اتفضلي

نوال : انت أيه اللي خالك تتعرف عليه ما انت عندك بنات حلوين كتير أكيد فى الجامعة و أكيد عندك هنا فى المهندسين بنات كتير و شيك و يعني من نفس سنك و أصغر و كده

و احده زيه عايز منها أيه

طبعاً السؤال كان جرىء منها قوي و بيدل برضة على الثقة فى النفس

انا: هقولك على حاجة ….. أنتي عارفة …..اه ….بصي ياستي

انا عرفت بنات كتير بس كلهم شبه بعض تقريبا ياعني عايزين شقة ب 300 ألف و فرح و عربية و شبكة بكذا و كذا و ده حقهم لأنهم عيشين فى المستوى ده يعني مثلا انا فى المهندسين لو اتعرفت على بنت برضة من المهندسين و معايا فى الجامعة وده حصل هى أصلا معاها عربية ب 100 ألف و بتروح للكوفير شوفى بكام فى الشهر و بتصرف كام و عايزة شقة بكام و عايزة فرحاها يكون زى صحبتها إللي كانت معاها فى المدرسة فى الزمالك و شقتها ما تقلش عن بنت خالتها إللي فى مصر الجديدة
كده … و كلهم عندهم الناس بيئة و ياياي
عارفة لما تبقى خلاص نفسي اجرب كده اتعرف على بنت من مصر القديمة نفسي اشوف الإختلاف و فجأة لئيتك قدام و شي فتعرفت عليكي

يعيني حسيت فيكي بريحة مصر

نوال : هاهاهاها

و بعد كده خرجنا من المطعم

نوال : انا قلقانة يحد يشوفنا من الشركة اصل كل شغل الشركة فى المهندسين

انا : يعني فى 13 مليون فى القاهرة و فى الزحمة ده و القرف ده احتمال بنسبة كام تشوفي حد تعرفي انت اخر حد شوفته بالصدفة فى الشارع من أد أيه

نوال : هنروح فين

انا : لو جينا نروح وسط البلد أو سيتي ستارز هتاخد ساعة ساعة و نص لأن النهاردة الخميس

نوال : اه صح

انا : و الساعة دلوقتي 4

فى كافية قريب من هنا و هادى أأكدلك ما حدش هيشفنا فيه

و اتمشينا من عند كوك دوور فى جامعة الدول لحد كافية بينوس عند نادى الصيد و هي مسافة قليلة

و احنا ماشين نزلت بنت سوبر كووول تغي تغي شيك من عربيتها وأول ما مشيت أودمنا
نوال بصتلها
و قالت : الله البوت ده حلو قوي و فعلا البوت كان شيك كنت شفته قبل كده و عارف ان تمنه 450 جنية لأنه طويل و جلد طبيعي

و ما كدبش عليكم البوت بتاع نوال كان ….. شعبي جدا و كمان كان بكعب و مشيتها فى الكعب كش حلوة و يمكن ده كان العيب الوحيد لحد دلوقتي بس انا حليته بعد كده

دخلنا الكافية

دار ما بنا الكلام ابتدت تستريحلي اكتر و انا كمان كنت فرحان من التجربة الجديدة

و من طريقة كلمها و حسيت انها نضجة شوية بحكم ان سنها 26 و انضج بكتير من البنات فى سن 20 أو 21

بعد كده اتضحلي ان البنات في مصر بصفة عامة عند سن 24 بيكون تفكرهم اتغير إلي حد ما فى الغالب و خاصة من ناحية موضوع العريس لكن من ناحية أى حاجة تانية كتطوير الذات أو المجتمع أو أى برنجان أنسي ….

و فى وسط الكلام و احنا كنا قعدين في بينوس كافية و ده كافيه عادى قهوة كابتشينو جاتوه حسيت أن انا انتقلت فجأة لمسلسل تامر وشوقية

نوال : أيه ده يامحمد هما في عندهم هنا خمرة

أنا : لأ

نوال : أمال أيه الأزايز الكتيرة ده إلي ورا الجرسون

أنا : أه … خمرة أيه …ده فيها النكهات إللي بتتحط على القهوة أو الكاكاو بطعم القرفة مثلا النعناع الكراميل

نوال : أه

أنا طبعا حولت أمسك نفسي من الضحك عشان محرجهاش
انا لما بحكي الموقف ده هنا مش بتريأ عليها لأن انا نفسي لما شوفت الأزايز ده أول مرة ماكنتش أعرف هي أيه بس أكيد مخطرش على بالي انها خمرة

حوار كمان

نوال : البنات هنا كلهم كده تحس انهم مايسين

انا : عادي بتختلف من مكان لمكان .. انا شايف انهم كده عادي

يعني مثلا لو شافت بنت لبسه جينس و بلوفر على الكمر و سيبه شعرها – بختصار بنت كوول من اللي بتشفهم في كفيهات الزمالك أو سيتي ستارز – نوال تقول انها أووفر

و بدأنا نكلم و نتعرف على بعض و فتحت معها حورات و سألتها اسئلة تقلدية بحيث تتكلم هى اكتر ما انا اتكلم عشان تحس انها مرتاحة و عشان اعرفها اكتر و عشان ده القاعدة رقم و احد فى أول خرجتين على الأقل

سألتها

انا : بما اننا فى المرحلة الأولي و بنتعرف على بعض أنا هسألك و انت تجوبي و تسأليني لو حبيتي

نوال : هاهاها … حلو قوي حكاية المراحل ده .. اتفضل اسأل
انا : أيه اكتر حاجة تحبي تكون موجوده فى فارس أحلامك؟؟

نوال : ….. أنه يكون راجل بجد يحسسني يالأمان و يحتوني كده و احس معاه بالأمان …. و يكون بيحبني طبعا

انا فى سري :: اجابة كويسة

انا : اهه

نوال : اسال انا

انا : اسألي

نوال : ايه موصفات فتات أحلامك

أنا : ……امم……..امم…. أول حاجة تكون فاني ماكونش نكدية لازم تكون كده زيك دمها خفيف و كون متوضعة مكنش و خدة فى نفسها مئلب و تقول على كل الناس بيئة و كده وكون بتحبني اكتر من أى حاجة تانية فى حيتها

– الصراحة ده اجابة كانت مناسبة عشان تعجبها و اخر كذا بنت سئلتني السؤال ده و جوبت عليه بصراحة اتعئدوا و عرفوا ان انا مش هعجب بيهم لدرجة الجواز لأني كنت برد و

قول:

لآز تكون مثقفة عشان تعرف تربي الأولاد و تكون يعني بتحب حجات زى اللى انا بحبها مثلا تكون بتحب القراءة بس ده مش شرط يعني لأن ده نادر يعني بتحب الأفلام الأجنبي تكون بتعرف تطبخ و على الأقل يكون الإنجلش بتعها كويس و ياريت لو تكون بتتكلم انجليش و فرينش زى بعض بس ده برضه نادر و أساسي تكون طموحة و تكون متوسطة الجمال مش شرط جميلة قوي و مكونش محجبة و تكون طموحة و طموحه عاليه قوى

بس بعد كده حرمت اققول الرد ده لأى بنت عشان متتعئدش أو تقول اني مجنون و كمان غيرت أصلا كذا بند من بنود موصفات أحلامي و ساعات بغيرها كلها و سيبها كده

بس انا شايف دلوقتي انها لازم تكون فاني و مثقفة و ده نادر و طموحه و ده برده نادر و تكون ايجابية مش سلبية

نرجع للكلام مع نوال

و كملت الكلام مع نوال

وعرفت عنها
أنها يعني أخر ولد خرجت معاه مرتين تلاته كان من شهرين تلاتة و بعدين سابته لما عرفت انه مش ناوي على جواز

وهنا عرفت حاجة

ان برضه غالبا البنات بعد ما تخلص تعليمها و توصل لسن 23 بتبقى أى ولد بتتعرف عليه
هدفها رقم 1 هيجي يتقدم ولا لأ ولو حست انه فى احتمال متقدرش تسحبه يتقدم
علطول بتعمله شفت و دليت
وهكذا

وانا لما حبيت اطمنها سراحة كان عندى الشقة

وانا دارس سياسة وهتخرج كمان كام شهر

والمفروض ان احنا بنتعرف

ولماخالص معنديش جيش لأن مفيش اخوات صبيان

وانا هلائي شغل بسهولة

والصراحة مصروفي ساعتها كان يعني كويس اكتر من مرتبات كتير يفتح بيت بالنسبلها

يعني حسيت كده ان انا تامر

وهي عندها 26 سنه بس صراحة شكلها 22 أو 23 مش باين عليها

وسكرتيرة فى شركة صغيرة بمرتب 450 جنية بتركب موصلتين عشان تروح البت من المهندسين لمصر القديمة

ومعها معهد فني تجارى و سقطت فيه سنه كمان

واخوها قلتلى انه معاه كلية تجارة وبعد كده عرفت وقلتلى بعد مده انه معاه دبلوم تجارة وكان عامل كهربئي فى شكرة وسبها بعده كده

واخوها التاني معاه صانيع و حارس أمن فى نادى

و الوالد عنده ورشة نجارة فى دار السلام

واختها سكنه هناك كمان فى دار السلام

حسيت أنه شوقيه

بس يمكن وضع شوقية أفضل لأنه معاها كلية تربية يعني كان عندها عزيمة شوية عن نوال

طبعا المفروض ان انا داخل على جواز فكده الصورة وضحالى وليكم برضة

المفروض ان لما اخلف ولاد لو اجوزت هو ده المحيط الأسرى

وانا المفروض يعني بحاول اطور من نفسي و فى بكالوريوس علوم سياسية و كده يعني الصورة وضحت شويه

المشكلة ان انا شايف ان كل الفروق ده عادى لأن ممكن ب 100 الف اجوزها و اجيب شبكة و اعمل فرح واما اتكلمنا فى الحوار ده

قلتلي لو عايز حتي نبتدى بشقة قانون جديد مافيش مشكلة وطبعا قانون جديد بتعها اخره 400 جنيه فى الشهر يعني ممكن اجوز ب 40 أو 50 الف كمان
وده كانت ميزة

طبعا بالنسبة للبنات اللى اعرفهم من الجامعة او المهندسين مثلا قبل كده

كانت الشروط ده مستحيلة واقل حاجة 300 400 ألف

واكتشفت ان مافيش بنا هويات مشتركة يعني هى اكيد ما بتحبش القراءة و لا المعرفة

وطلعت بتكره الأفلام الأجنبي على حد قولها بتتعب من قراءة الترجمة

وبتحب تسمع جورج وسوف و اليسا وعمرو دياب

والتلاته كانوا شىء مشترك ما بنا

وكانت أول مرة أعرف بنت بتحب تسمع جورج وسوف الصراحة انا كنت بسمعه قبل 2001 بعد كده صوته راح فيها خالص وبقيت بحس انه بيكرع مش بيغني

وكمان عرفت انها معندهاش كمبيوتر فى البيت

فدلوقتي انا مطمن انها مش هتشوف الكلام ده بس لو شافته ااكد لكم مش هتزعل مني لأن احننا عرفين بعض و بنقدر بعض كويس

الساعة 6 و ربع اتصلت صحبتها و قلتلها نجيلها وسط البلد احنا طبعا قنلها شكرا

اتصلت بعد شوية وقالت انها هتيجي المهندسين و المفروض نوال هتروح الساعة 7 عشان الساعة 8 توصل البيت على أساس انها مخلصه الشغل الساعة 5 و ربع و الموصلات كانت زحمة و اتمشت شوية صغيرين مع صحبتها – يعني دهالحجة إللي هتقولها لمامتها

7 احنا قمنا من الكافية و صحبتها وصلت وقالت اها عايزة تشوفنا وهيجلها عمرو إللي مخنوق منها

نوال : طب اعمل ايه هي دلوقتي هتزعل لو انا مرحتلهاش

انا : طب تعالي نروحلها… و اصلا عمرو مش هيجي

نوال : لأ هي بتقول انه اتصلت بيه وقال أنه جاي

انا : غريبة

نوال : بس انا صلا مش عايزة اروح عشان كده هتأخرج ماما هتعد تزعئلي وهتسمعني كلام ملوش لزمه …..والمرة اللي فاتت ساعة المول اكلمت برضه

أنا : طب خلاص ماترحيش

نوال : طب خلاص هي لما تيجي هنا هقولها ان انا همشي ومش قدر اعد معاكم

شوية و تلفوني يررن …. ترررن …ترررن

انا : ده عمرو

نوال : طب رد

انا : هسمعك بقى هيقول أيه

أنا : ألو ايوة

عمرو : انت فين

انا : جنب نادي الصيد كده

عمرو : معاك نوال

انا : أه

عمرو : طب انا نور اتصلت بيه و فالت ان احا هنئبلكم

انا : طب ثواني كده

و قمت قربت من نوال عشان تسمع و ما فتحتش الإسبيكر عشان مايخدش عمرو باله
ودلوقتي انا و نوال هنسمع

انا : أيوه ياعم انا قمت من جنب نوال …. انت مش قلتلي انك قرفان من نورا و انك مش هتقبلها و لوهي سألتني عنك ققولها معرفش هو فين

عمرو : ما هي قرفتني اتصلت بيه ميت مرة هروح اشفه عايزة ايه و امشي بسرعة

انا : طيب

عمرو : طب انا هفوت عليك بالعربية

انا : اوكي باي

انا: سمعتي بقي لما قلتلك ياريت ما نلش دعوة بيهم لأنه هو مخنوق منها

نوال : شكرا ان انت ينت الحقيقة بس انا لازم اخد حق نورا منه

انا : هتعملي أيه يعني هى زى ما انت شيفة بتخنوقة بالاتصالات و بيتهرب منها و هى برضه لصقة

بعد شويه اتصلت نورا و قالت تعلوا عند ويبمي

نوال : انت تعرف و يمبي

انا : اه اعرفه هارديز يعني بس ده غيره اسم وينمي من زمان

– وده برضه حاجة خالتني احسن اننا بتعامل مع حجات غريبة-

و شويه و اتصل عمرو و قال اطلعوا على جامعة الدول طلعنا و قفنا عند قدورة يجي ربع ساعة ما جاش

و فى الأخر رحنا اتلقينا نورا اعده جوه و يمبي…. قصدى هارديز بتاع شارع جامعة الدول و البطل احمد عبد العزيز

وكانت اعده جوه بتستننا من غير ما طلبت حاجة و عيزنا كمان ندخل نعد معاها من غير ما نطلب حاجة لغيت ما مستر عمرو يوصل…

طبعا انا رفضت لأن الصراحة برستيجي ما يسمحش بجد انقذنا عمرو و اتصل و قال انه واقف الناحية التانية من الشارع
رحنا هناك و معانا نورا إللى كانت مبوذه بوذ شبرين و ربع و عنيها مدمعة بس مش باين قوى بس انا شايف الدموع جوه عنيها بخبرتي طبعا

رحنا الناحية التانية عمرو و نورا عيزنا نروح معاهم و نوال عايزة تروح

و عمرو قال طب تعالوا نخد ايه حاجة فى سنبون و كان جنبنا عالطول

انا عرفت ان الخفيف عايزني ادخل عشان ادفع انا الحساب زى يوم المول انا كنت عزمه و لما جابهم انا حسبت وهو لا هو هنا

خلعت منه و قلت هروح انا نوال

و اكتشفت بعد كده باليل ان نوال كانت قالت كل حاجة انا قولتها ان عمرو و كريم مخنوقين من نورا
— وكريم ده اللي عرف نورا على عمرو–

و انا كريم شفها فى المقطم و اقفة فراح قلها ممكن نتعرف و اتعرف على ورا و اخد رقم تلفونها

وكريم كمان ان ان نوال ده تعرف نص شباب مصر
و بيقولوا انها بيئة و انها عايزة عزومات و خروج وبس و كريم كان قاللي انه قابل نوال مرة قبلة كده مع نورا و قالت انها ساكنه فى المنيل مش فى مصر القديمة و نورا فى الجيزة مش فى المنيب
وكده يعني و انه لما زهق من نورا عرفها على عمرو و خلع

بس الصراحة انا عارف ان كريم بيأفور فى الكلام و ان نوال مش كده خالص

هما عملين كده زى منه شلبي و هند صبري في فيلم بنات وسط البلد

أظن كده الصورة وضحت

وانا كنت قلت لنوال كل ده لأنها كانت مصرة أن احنا نخرج مع عمرو

و نوال و عدتني انها مش هتقول حاجة لنورا وطبعا زى كل البنا ت مقدرتش تمسك السر

وبالتالي كل حاجة عمرو وكريم قالوها ليا
وأنا قولتها لنوال
و نوال قالتها لنورا
و نورا قلتها لعمرو
وعمرو قالها ليه تاني

هاهاهاهاهاهاهاهاهاهاها
و اتعلمت أول درس ان انا عمري ما هقول لسر تاني لنوال
وكمان عمرو كان قالي انه عايز يخلص من نورا ده بأى طريقة ومش عارف وهو من النوع إللي يتحرج يقول للبنت ما تتصليش بيا تاني و يفضل سيبها كده يمكن يحتاج منها حاجة بعدين

و بكده حليت لعمرو مشكلته وقدرت اكسب جزء من ثقة نوال
وهو طبعا و بعد كده لما عرف مازعلش بس قلي خسارة على اساس انه لو احتاج منها حاجة بعد كده مش هيعرف يكلمها

ملحوظة هامة: عمرو و كريم ما كنوش مصرين كانوا فلسطين و انا و نوال و نورا مصرين و هما كانوا بيلعبوا كده بنورا المصرية و بيقلوا كلام و حش عن البنات المصرين بصفة عامة و ده برضة كانت حاجة بديقني

فخلتني و شجعتني انا اضرب 3 عصافير بحجر و احد

فاهمين

و الساعة بقت 8 إلا ربع و نوال عايزة تروح و مستعجلة و انا و هي فى جامعة الدول و هى عايزة تروح مصر القديمة من بعد نفق الملك الصالح كدة عند جنينة الفسطاط

و الموصلات زحمة فقترحت ان انا اوصلها و بم ان النهاردة الخميس وصعب نلاقي تاكسي من المهندسين لحد بيتها لو انا هوصلها فقترحت ناخد تاكسي لحد محطة مترو البحوث وهي اقرب حاجة ومن هناك تركب مترو لحد التحرير و تغير و تخد اتجاه حلوان وتنزل محطة الملك الصالح و تنزل تخد ميكروباص رايح السيدة عائشة و تنزل بعد حته صغيرة على اول شارع البيت

شفتوا المشوار سهل ازايه
وقفنا تاكسي و بعد خامس تاكسي وافق تاكسي صغير معفن يوصلنا وهما دول الصراحة اللى بيوفقوا على اى حته

وركبت انا فى التاكسي قدام و هى ورا

وانا كنت مخطط لده

أول مانزلنا من التاكسي
نوال : انت ركبت ليه جنب السواق ما ركبتش ورا جنبي

أنا : عشان لوحد شفنا مع بعد فى تاكسي يعرفك هعملك مشكلة لكن لو انا راكب قدام ممكن اكون ركبت التاكسي و انتي راكباه و انا معرفكيش

فبتسمت و عرفت ان انا بخاف عليها وزادت الثقة شويه صغنططه

وانا طبعا عارف ان احتمال حد يشفنا واحد على دشيليون لأن هى فى منطقة غير منطقتها خالص مالس بس عرفت ان الحوار ده هيعجبها لأنه جربته قبل كده وطلع بيجيب نتيجة…. طبعا ده وسيلة مشروعة صح يابنات؟؟

وبعد كده فى المرات الجاية طلبت مني اعد جنبها

دخلنا المترو ورغم ان انا عزمتها على الغدا و الكافية و التاكسي و امبارح على الغدا برضه يعني حسبة حوالي
145 جنيه بجد
75 فى دار القمر امبارح ياعني فى الحالقة التالته
و 36 كوك دور
و 28 كافية رغم انها ما كنتش عايزة تاخد حاجة و انا طالتها من غير ما تعرف
و 4 جنيه تاكسي
يعني زى ماقلت 143
الغريب انها ما حولتش و لا مره مثلا تحاسب او تعمل انها هتحاسب مثلا فى المرة الأولي انا قولتلها عزمك
و التانية برضه
بس كان ممكن تمثل و تعمل انها هتدفع فى الكافيه و انا ما كنتش مستني ده صراحة

بس كنت متوقع تجيب مثلا تذكرة المترو او تعمل انها هجيبها و هي بجنيه مش اكتر لو افترضت انها على الجنط اكيد معاها 3 أربعة جنية لابسه لينسز يعني و شنطه و موبيل وبوت و بلوفر ماهيش متسولة يعني

بس الغريبة انها محولتش اصلا و وقفت بعيد وكأني انا لازم المفروض اجيب التذاكر رغم ان الشباك فاضى

بس عادى الحوار بنالسبة بالى مش فارق كده و لا كده ماكنتش هخليها تدفع فى الكافية او المطعم أو اى حته

بس انا اتعملت مع بنات كتير أول مرة اشوف تناحة كده

سوررى يانوال
بجد يعني غريبة مع أن معها فلوس لأنها بتشتغل و بيتبقى فى بوكها بتاع 330 كل شهر بعد الموصلات وكده يعني بس حسيت ان انا ادام بخيلة وبعد كده لما عشرتها عرفت فعلا انها بخيلة

يعني مثلا كنت راكب ميركرو مع واحده معايا فى الجامعة و اصلا أول مرة نركب لأن كنا بناخد الباص بس سبنا عشان الميعاد مش مناسب و ركبنا ميكرو فجيت ادفعلها قالتي بلاش سخافة خد الفلوس طبعا أنا مخدتهاش بس هى يعني حولت ومن الذوق انا تسكت وتسبني ادفع

ومرة عزمت واحده على الغدا و قبلها كافي هى تالت مرة مارضيش و اصرت تدفع هى الكافى و كانت خلاص هتضربني لو دفعت خاصة ان احنا كنا لسه يعني متعرفين جديد و هكذا

فنوال انا مش جوزها انا لسه عرفها يوم التلات و النهارده الخميس بس ما حولتش حتي تقطع تذكرة المترو بجنيه رغم ان معظم البنات بعد ما بتغدى معها أو اعزمها على كافية بيصروا يقطعوا التذكرة و انا بسبهم لو اصروا و كان معاهم فكة بس ما خلهمش يفكوا
و على فكرة بستحقر البنات اللي بتصرف على الولاد و الولاد اللي بتقبل ده

اتمني تكون فكرتي و صللت للبنات اللي معندهاش خبرة و البنات البخيلة و البنات قليلة الذوق

وركبنا المترو و وصلتها و لما رفعت ايدها فى المترو شميت عرقها بس عملت نفسي مش واخد بالي انها ما بتستخدمش ريكسونا أو اى مزيل عرق تاني بس عادى قولت فى سري لما نجوز ابقى اجبلها ريكسونا و بعدين الريحة ماكنتش قويه قوى و بعدين انا حسيت انا مش عرفان خالص عادى اليوم كان طويل ومشينا كتير و هى نزلة من البيت الساعة 8 الصبح و الكارينا اللي هي لبسها تحت البلوفر مصنوعة من البوليستر وبتعمل كده و هنا عرفت ان انا ابتديت احبها لأنى مش عرقان قوى من ريحت عرقها بس بعدت شوية بس كنت فرحان ان انا معاها والتمستلها عذر وده حاجة هتعرفوها لما تتجوزا او تحبوا

نزلنا ووصلت محطة الملك الصالح اللى هتنزل فيها وهتركب ميكرو باص لحد البيت

نوال : كافية أنت لحد كده عشان ده بقى منطقتنا

انا : انت متأكده

نوال : اه عشان محدش يشفني و تحصل مشكلة

انا : أوكي

و قفنا على الرصيف و النا س بتطلع و المترو مشي بسرعة

أنا : طب أوكي هتصل بيكي لما توصلي عشان اطمن عليكي

نوال : أوكي – ببتسامة خفيفة

انا : هتوحشيني

نوال : ضحكت بكسوف

باي باي

اتصلت بيها الشبكة ما كنتش بجمع لحد 11 و نص بالليل و بعدين اكتشفت ان انا كنت بتصل برقم تاني

اتصلت بيها

انا : الو

نوال : الو

انا : مش عارف الشبكة مالها ماكنتش بجمع معايا

( و الأيام ده اصلا كانت الشبكة زفت وكانت موبينيل لسة ماجبتش الشبكة الجديدة و دت الشبكة القديمة جمهورية شنبنجو)
-وحسيت لو قولتها ان انا كنت بتصل برقم غلط ماكنتش هتصدق-

نرجع للتليفون و نطلع من دماغي

نوال : اه لأ ان الشبكة عاندى كويسة… يمكن عشان النهاردة الخميس

انا : انت فين فى صوت خربشة
أصلي فى الحمام بخد دش

أنا فى سري: شفت.. البت نضيفة أول ماروحت اخدت دش

انا : طب اقفل دلوقتي

نوال : لا خلاص انا خلصت هئفل الدوش

انا : طب كده هتبردي

نوال : لا ما تخفش عاليا

انا : امال اخاف على مين

صوت يطلع خشن حريمي بلدى موت

افتحي حته م الشبك يابت ياحسن تموتي

انا : مامتك

نوال : اه

انا : ااقفل

نوال :لآ عادى .. هى بتقولي افتح الشبك عشان البخار اصل قبل كده اغمي عليه فى الحمام

انا : طب ما كدا الجيران تشوفك — وكان فى خيالي مشهد منه شلبي فى فيلم بنات وسط البلد—

نوال: لا الشباك صغير و بعدين ما يبينش حاجة لو فتحته

انا : طب يالله البسي بسرعة ياحسن تبردى

نوال : طيب

نوال : و انت فين دلوقتي

انا : بعد ما سبتك بدل ماركب المترو و ارجع نزلت رحت المنيل عاندى اصحابي

نوال : اها

انا : النهارررده الخميييييييس

نوال : اه صح

انا : هشوفك بكرة

نوال : مش عارفه عرف اشوف حجة انزل و لا لأ

انا : اصل انا احتمال اسافر بكرة لكن لو هشوفك هئجل السفر لبعده
واشوفك بقي يوم الحد

نوال : طيب اتصل بيا بكره كده بعد صلاة الجمعة اكون عرفت

انا : أوكي هسيبك بقي عشان ماتبرديش

نوال: أوكي….. و مييرسيه قوي على خروجة النهاردة كانت حلوة قوي

انا : ميرسيه ليكي انتي جدا انك و فقتي تخرجي معايا

على فكرة انت و حشتني و شكلي

نوال : طيب أوكيي – بصوت مكسوف فرحان-

انا : عايزة حاجة

نوال لآ شكرا مييرسه

انا : تصبحي على خير

نوال : وانت من أهله

………….

انا : طب اقفلي

نوال : لأ انت الأول -بدلع-

انا : لأ انت الأول

نوال : انت هتعلب معايا فيلم عبد الحليم و لا أيه هاهاها

انا : طب خلاص نعد لتلاته و نقفل مع بعض

نوال : اوكي

انا : 1…..2…..3
………………….

انا : انت مأفلتيش ليه

نوال : انت مأفلتش ليه

انا : طب خلاص هئفل و قمت افل

بعد كده بكام يوم قالتلي انها ما كنتش متوقعة ان انا اقفل و انا كنت عارف انها ما كنتش متوقعة بس كده عشان ماتبردش
…..

القصة دى بجد مالهاش حل ولا انتو رايكم ايه