هدا الموضوع ناقلاته للامانة و حابة اجربه بعد ما اشترى اللازم
لدا حبيت اقولكم حتى تستفيدو معى
و ان شاء الله ناخد نتيجة مرضية
اليكم الموضوع من عند الاخت و لا احلى مشرفة فى منتدى
مساء الخيرات
عدنا لكم من جديد الى اجدد
ابداعات وإفتكاسات وتجارب ولا احلى الحصرية
موضوعى اليوم
مفيد لكل بنوتة فى العالم………
نهاية العذاب الممل………..
وطبعا الموضوع عن تجربة وبالصور و بالخطوات
اعتقد كفاية الدعاية دى
ندخل فى المفيد
أعتقد اى حد عنده نت اليومين دول لازم هايبقى قرأ عن
الترمس المر لمنع نمو الشعر
لأنى كل ما ادخل منتدى قسم الجمال بلاقى مواضيع عنه وكمان مجربينه وبيقولو نتيجته هايلة
قلت يا اوكا ما كفاية قرائة وتروحى تنفذى
بس انا بقالى اكتر من سنتين ماشية على السعد بعد الإزالة وكمان الزنجبيل
والشعر عندى مابقاش بيطلع
أقنعت اختى انها لازم تجربوا استغلال
وماحبيتش انزل الموضوع غير لما عملته كتير
وشفت النتيجة بأم عينى
والله اتفاجأتنتيجة هايلة ومؤكدة ان الشعر هرب
وفى وقت قصير لو ليزر هياخد وقت اكبر وغير انه بجنيهات مش بألاف
وبعد ما اتطمنت من النتيجة قلت انزله لحبايبى اللى بيعانوا من الشعر
كل المطلوب
معلقة واحدة ترمس مطحون من عند اى عطارة ضمناها
تنقعيه فى شوية مية لمدة لاتقل عن اربع ساعات
وبعدين تصفيه تماما
والمية دى هى الزبد كلله
تعبيها فى اى حاجة انا عبيتها فى ازايز برفيوم فاضية ومغسولة
وشليها فى الثلاجة
واعملى ازالة بطريقتك عادى خالص
وبعديها ادهنى من المية دى مرة او مرتين يوميا
لمدة اسبوع
ومن غير لا سحر ولا شعوزة
صدق اولا تصدق
اختى لاحظت ان بشرتها فتحت وكمان مابقتش دهنية مثل الأول
انا حكيتلكم بأمانة ومش مستفيدة حاجة انى اضحك عليكوا
اى اتسفسار انا تحت امركم
اعتقد بعد الرغى دا كله والتجربة اللى عملتها فى اختى عشان خاطر عيونكم
ان شاء الله تكونو قد استفدتو
تحياتى منقول للإفادة ادى عجبكم الموضوع لا تبخلو بردودكم الحلوة
الترمس بالمغربي يسمى :
(الفيلية المرة)
أسمه بألانجليزي : lupin
وأسمه بالفرنسي : lupine
وهو عباره عن حبات لونها اصفر لما يستوى لكن لما تجيبه من عند العطار بيكون ناشف ومدور ولونه باهت شويه
الترمس…………=الفول كناوي المر بالدارجة المغربية
أما في الدول الشرقية الاخرى أضن هيك اسمو الترمس
