ارجوكم فضلآ وليس أمرآ ان تدخلوا وتقرؤوا مشكلتي واذا عندكم حل الحقوني وساعدوني

وبه نستعين على امور الدنيا والدين
السلام الله عليكم ورحمة الله وبركاته
وان شاء الله كل حلو زيكم بيساعدني ربنا يحفظه بحياتوا ويغفر له في مماته وربنا يجمله ويزيد حلاته
بعد التحيه والسلام نجي للجد في الكلام * _^

انا الان بتكلم عن مشكلتي والي هي بشرتي طبعا لون بشرة جسمي كلها ماشاء الله صافيه ماعدا بشرة وجهي مائله للسمار على حمار وطبعا من سوء حظي انه بشرتي دهنيه وفيها حب شباب ورؤوس سوداء وبقع صغيره سود يعني صرت بنت منقطه هههههههههههه الله لايرويكم والحبوب دي موجوده كمان على اكتافي بس الحمدلله بشكل اقل بكثير من وجهي تقريبا المشكله دي لها من ونا في سنه اول ثانوي وبعاني منها الى الان .
المهم من فتره ليست بقليله تقريبا من شي سنه راجعت دكتورة جلد وكتبت لي كريم مقشر اسمه رتن أي وجل اسمه كنتربيوكس وغسول اسمه بايو وومان واستخدمتهم لمده عشره ايام الى شهرين والحمدلله راحت الحبوب بس الاثار ما راحت وبعد دي الفتره بقيت استخدم صابونه كلين كلير لانه حسيت انه الصابونه الوحيده الي ناسبتني بعكس الصابون الثاني او الصابون العطري الي بيسبب لي حبوب وتهيج وبقيت فترة كده حوالي 6 اشهر بس بعدين لاحظت انه بشرة وجهي مسمره مقارنة برقبتي وجسمي ومن خلال البحث في النت عن اقنعه طبيعيه للبشره لقيت انه اغلب الاقنعه تحتوي على الخيار والعسل واللبن والزبادي والسدر والطماطم ودي طبعا اقنعه حسب ما قرأت انها مخصصه للبشره الدهنيه والحساسه كمان بتعالج الرؤوس السوداء والبقع والنقط والندب واثار الحبوب اضافه الى التفتيح …….الـــخ
والتي هيا من المشاكل الي انا بعاني منها وبحثت عن حل لها ولسوء الحظ لما استخدمت الاقنعه الي بتحتوي على ها المواد من زبادي , وعصير الخيار الي بمسحه كنت على وجهي قبل ما انام , واللبن المخلوط بماء ورد ونشا , وعسل مخلوط بمسحوق القرفه الي بيعالج بثور حب الشباب حسب ما قرأت , وعصير الطماطم الي بيمسح فيه الوجه من اجل معالجه الرؤوس السوداء كمان حسب ما قرأت الـــخ…….
وغيرها من الوصفات الطبيعيه الي بتحتوي على هذه الحاجات طبعا للتوضيح كل مره كنت بستخدم قناع يعني ما خلطت كل هذه الاشياء مع بعض وحطيتهم بوجهي عشان محد يقول دي هبله ماتفهم وخبطت كل شي بوجهها والان بتشتكي من منظور شي بيزيد عن حده بينقلب ضده يعني محد يقول لي سوء استخدام هههههههههههههههه .
المهم لما كنت كل مره بستخدم وصفه من احدى هذه المواد وبطبقها بحذافيرها وبوقتها :-
مثال :-
1 زبادي مع خيار مبشور بقشره وخليته نص ساعه وبعدين يغسل الوجه بماء فاتر.
2 ملعقه حليب بودره ويفضل حليب نيدو مع ملعقه نشا يخلطوا بماء ورد وبعد نص ساعه او 15 يغسل …..الخ من الوصفات……
وغيرها من المواد الي ذكرتها فوق كانت النتائج انه وجهي بيحكني واشعر بوخز والحبوب بتزيد وحاسه انه بشرتي تهيجت وتطلع لي حبوب حمر الى جانب حب الشباب والبثور السابقه يعني النتيجه عكسيه وسلبيه بدل ما تكون ايجابيه.
هل افهم من كده انه بشرتي دهنيه وحساسه بدون ادنى شك او ماذا ؟؟؟؟؟
على ما قرأت انه الاقنعه الي اسلفت في ذكرتها في الاعلى بتعالج البشره الدهنيه والحساسه !!!!!!!!
انا ليش مانفعت معي زي مانفعت مع غيري ماشاء الله على غيري اللهم لاحسد على غيري !!!!!!!!
والله اني صرت ما اطلع من البيت الا للضروره القسوى عامله على حالي حظر تجول هههههههههههههه ولا عد احب اقابل حد لا اصحاب ولا احباب ولا حتى اغراب ونفسيتي تحطمت ونشاطي تراجع وصرت عابسه ماعد اقدر اضحك بااحساس الفرح والمرح
لذى ارجوكم بحق الله وبحق النبي محمد عليه الصلاة والسلام وبحق الاخوة وبحق العروبه ياعرب ههههههههههههه ان تقرؤوا مشكلتي بتمعن تااام وتعطوني حل بااسرع وقت ممكن وتقولوا لي مثلا ايش القناع الي ممكن يناسبني ويشيل الحبوب والبثور ويفتح لي وجهي ويبيضه وايش من غسول مجرب يزيل الدهون والاوساخ والرؤوس السوداء وحب الشباب واثره المقرف وكم مره لازم نعمل تقشير للبشره الدهنيه والحساسه .
واذا في وحده قرأت موضوعي وكانت بشرتها حساسه ياليت تكتب لي تجربتها بالتفصيل الممل عشان استفيد وتقول من ايش من اقنعه كانت بتتحسس وكيف اتعالجت بالظبط .
والله يستر عليكم وعلى اهاليكم وعفوا على الاطاله وشكرا للقراءة والاطلاله نقلت لكم مشكلتي بالكتابه وان شاء الله تكون اكتملت عندكم الصوره واتمنى انه حد منكم يكون سبب في رجوع فرحتي ليا.