:icon_evil:السلام على بنات أحلى منتدى —— انا اليوم طالبه مساعدتكم لي وابي رايكم بهالموقف انا أنقطعت علاقتي بأهل زوجي لأسباب لاذنب لي بها فأهل زوجي مقاطعين اللكل كنت اوجبهم وأحترمهم ودايما الاقي معامله عكس اللي أتوقعها وبدون اسباب واللحين صارلي 8سنين أقطعوا علاقتهم فيني ولو تدرون السبب والله شي يضحك بنتي عمرها 3 سنين طيحها ولد حماتي اللي عمره 12 سنه وخذت غرزتين بحاجبها وياليتني قلت شي اللي قلته الحمدلله مو بعينها الله ستر ورحت البيت وزوجي درى وعصب وقال هذا شكبره لو بعينها ودق عليهم وقلت الحمدلله الله ستر وخلاص لا تكلمه بس زوجي دق وقاله ليه دزيتها وهنيه سحبت التلفون أم زوجي وقامت اتصارخ وتقوله كله من مرتك اهي اللي محرشتك وبعدين هذيله صغار والكبار لا دشو بينهم بتصير مشاكل وزوجي قالها الصغار بنتي مو الكبير عمره 12 سنه وكل زواره طاقها وهالمره مخيطين حاجبها لو بعينها تخيلوا شنو ترد أخت زوجي اتقول ليش بنت الملكه تعورت هذا ولدي كم مره ومره تخيط ولا بس حرام على بنت الاميره وحلال على ولدي اتحاسبنا على اصابات ولدها من الناس وصج هالقطيعه كانت حماتي مخطه لها لأن كل زياره تسلط ولدها على بنتي واقعد على اعصابي واذا تكلمت زوجي زعل وقال لي انتي ما تحبين أهلي وما تبين تروحين لهم وشلون أحب أروح لهم وانا عندهم تدخل علي بنتي وهي تصارخ وماسكه خدها وتبكي بحرقه ولما أسأل الخدامه تقول ان ولد حماتي صفعها :10_9_132[1]:والمصيبه أم زوجي سلبيه كأنها ما سمعت شي وحماتي بخبث أتقول اتعيش وتاخذ غيرها تذكرين يمه ولد عمي ياما طقني والله يعيني على ولدي شيطان اسملله على قلبه (ما دري تسبه ولا تمدحه)المهم أكثر من موقف وآنا متأكده أنه مقصود عشان أنقطع عنهم وحتى زوجي ولا مره فاتحني بالموضوع كل مناسبه وعيد وما أروح ولا ياخذ عيالي ولما توفى أبوه رحت العزا وأحرجوني سلمت عليهم ولا ردو السلام ولا عبروني مع انهم كانوا عادي ويتكلمون مع اللكل ولما رحت سلمت ولا قاموا وعطوني خدهم وتزوجوا 2 من حمويني ولا أعزموني بس كل هذا ويهون زوجي متدين ويحبني وصدفه الاقي بنت عمته في مناسبه وهي مطلقه وعندها بنتين أتقول لي ان أم زوجي أخطبتها لزوجي وأنها رفضت وقالت لا ما أخذ على مره وشفيها زوجنه وليش اخرب على بيته وحتى عمته أكدت الكلام وزوجي يحلف أنه ما قال لأمه وبنفس الوقت ما كذب عمته وبنتها شرايكم بهلأهل اللي امواصلتهم ماني مرتاحه ومقاطعتهم هم ماني مرتاحه :icon_evil:شرايكم شسوي شوروني شلون أقدر أحافظ على بيتي:10_14_3[1]:
يالله
الي يسمع مصيبت غيره تهون مصيبته
الله يكون بعونك
ويلهمك الصبر
الي يسمع مصيبت غيره تهون مصيبته
الله يكون بعونك
ويلهمك الصبر
حاولي اول خطوة تقوي علاقتك بزوجك وبعدها حماتك
الان علاقتك بزوجك تمام بس حاولي ما تتكلمي عن مشاكل امه ولا الي عملوه
قولي اطفال ويضاربوا مع بعض وبعدين يرجعوا
ولا اكانه صار شي
لية نتحمل احنا الكره والبغض عشان اطفال
وهذه طبيعة الطفل
مرة كذا ومره كذا
المهم حاولي تكون علاقتك بزوج خط اخضر
بعدين حاولي تتطرقي لحماتك عاملي زي ما تعاملي امك
اي حاولي تزوريها حتى لو ما تجلس عندك وما تتكلم معاكي انتي افتحي مواضيع
راح اقول شغلة مهمة
شوفي واش هي المواضي الي حماتك تحب دايما تتكلم عليها ودايم تعيدها
حاولي انتي تفتحيها
حاولي تخبريها انك ناوية تروحي السوق ناوية تشتري اغراض
وسأليه مرة واش رايكي ياحماتي تجي معي
يالله تعبت خخخخخخخخخخ
المهم حاولي قدر المستطاع تتفقي معها
ولو كان اسلوبها ما حلو معك
عموما الله يسعدك ويبعد الزعل بينكم
الله يعنيك حبيبتي
الآن أهم ما عليك زوجك ما دام يحبك ومدين ومختلف عن أهله
بالنسبة لك هو الدنيا وما فيها
أما أمه بيني له أنك تحبين أهله ومو راضية عن ها المقاطعة
واعملي جهدك عشان تردين تزوريهم وإذا ما استجابوا
تكوني بريتي دمتك وما عليك أي ذنب
الله يعينك
الآن أهم ما عليك زوجك ما دام يحبك ومدين ومختلف عن أهله
بالنسبة لك هو الدنيا وما فيها
أما أمه بيني له أنك تحبين أهله ومو راضية عن ها المقاطعة
واعملي جهدك عشان تردين تزوريهم وإذا ما استجابوا
تكوني بريتي دمتك وما عليك أي ذنب
الله يعينك
الله يهدي اهل زوجك
الله يعيني والله أني أكتشفت شغلات فيها خراب بيوت وبما ان محد يعرفني بطلع اللي في قلبي تخيلوا وحده معاي بالدوام جهازها خربان وخذت جهاز ولد أختها ودقت على البيت وقالت لبنتها تراني ماخذه جهاز فلان بلغيه لايدوره وقاعده اسولف معاها منو هذا قالت ولد أختي نايم عندنا وسهران ماراح يقعد الا بالليل وبنتي مسخنه وجهازي خرب وخذيت جهازه المهم انها قاعده تتعبث بالاستديو ولا اتقول لي شوفي الخايس مصور صديقته وهي ترقص وآنا رافضه اشوفها وقلت لها حرام امسحيها وستري على البنت وقالت ما أعرف امسح وخذيت الجهاز عشان امسح وانصدم تطلع البنت حماتي اللي طول وقتها تتكلم بسمعة الناس ومسحت الصوره ولي يومج محد عرف حتى صديقتي ماقلت لها ولا اي شخص يدري شفتم شلون انها حقيره عاد زوجي له مركز اجتماعي بين الناس ومتدين وبالآخر اخته تكون جذي والحمدلله من ستر عن مسلم ستر الله عنه في الدنيا والآخره
