الهموم إللي جرت وسط العروق

للحزن في عيني اليمنى بروق
وين ماوجهت أشوفه بالنظر

وعيني اليسرى تطالع للشروق
في سواد الليل عذبها السهر

خذ كلام ٍ وثقـًه عقلي وثوق
قرًب إذنك وإسمعه مني جهر

في ميـ100ــة إنسان ما تلقى صدوق
والشطاره صارت بذم الظهر

لاتقول إن الزمن يبخس حقوق
الظلايم في ضماير هالبشر

و لا تعجب لو بدى صدري زهوق
الدروب الموحله ساس الكدر

ياجروحي وش بقى وسط الخفوق
الصبر وش عاد باقي من صبر

كل طارد لو تفائل باللحوق
ما لحق والمشكله زل الدهر

المغربل للعسل حلمه يذوق
ان رضى فيه النحل شح الزهر

هذا حال اللي على قلبه حروق
ما تهنى يوم واحد بالشهر

النجاه من الغرق تحتاج طوق
من بعد عون الولي رب البحر