[امسيت مابغي من وراء الناس حاجه واصبحت متحسف على اني جنيتك ] !

السلام عليكم و رحمه الله وبركاته ..

مدخل ×
روح زمان [ ابشر ب عزك و لبيه ]
وجانا زمن : يمكن , بحاول , و باشوف
ي وقت ليه الهم تقسي .. وتبديه ؟
هي ترجع سنينك .. تنهات وحسوف !
رميتنا في سكه الضيق ..والتيه
ولا به خوي .. يروي القلب والشوف !

النص ×

عفت الغلا عفت الغرام ورواجه
ودربا يوديني على باب بيتك

[ تبيعني ف سوق الغياب وحراجه
وانا خسرت العمر حتى شريتك ]

ضحيت لكن تضحياتي سذاجه
وانا احسبني فالغرام اهتنيتك

القلب لو يحتاج وانت احتياجه
اقطع يدي وموت ولا رجيتك

حلاك صاير في عيوني سماجه
وغلاك مايشفع مادامي لغيتك

شربت من ضيم المعاتب هماجه
وغفيت فيك وليتني ماوعيتك

لوقلبي مجرح وعندك علاجه
نصيت كل الناس ولانصيتك

القلب كنت انت السبب ف بتهاجه
واليوم صرت انت السبايب بكيتك

امسيت مابغي من وراء الناس حاجه
واصبحت متحسف على اني جنيتك

حكرت شوقي وسط عنق الزجاجه
واهلكتني ضامي وانا قد سقيتك

بكره ليا هبت عليك العجاجه
ونسوك خلانك لاترجع فديتك

هدمت عرشك وانكسر عز تاجه
وانا قرصت اذنك وياما نهيتك

يذبحني انك شخص على مزاجه
ويذبحني انك يوم تطلب عطيتك

كنت احسب إنك للمضيع سراجه
واثرك ليل ليتني ما سريتك

اليا طلبتك من غلاك نتواجه
سقت العذر وتروح ماعاد ريتك

كانك تحسبني احبك ل/ [ حاجه ]
انس المحبه واعتبرني نسيتك

المخرج ×
خلاص ي قلبي .. بلاش المشاريه
ماكن شي صار والوضع [ عادي ]
يمكن خسرت إنسان ( ماني بناسيه )
لكن ي قلبي .. ما خسرت المبادي

النص .. ل/ حمد البريدي
المدخل والمخرج ل/ شاعرهم

ان شاء الله تعجبكم

لالاتنسوا التقييم بالميزآآن

سطور رآئعه ومحتوى آكثر من رائع ..
تقديري العميق لنثر جمال سطورك
‏‏ودمتِ بفرح لا يغيب..{
/

يعطيك العافيه
لا خلا ولا عدم

اترك تعليقاً

اترك تعليقاً إلغاء الرد