منقول لعيونكم
تبون تسوون دياي تندوري مع صلصه التندوري لاتطوفكم(صور مفصله)
سويتها وطلعت رووعه وهذي طريقه هنديه
تلخذين الديايه وتقصصينها قطع كبيره وتشرحينها بالسجين وترشينها ملح وطحين عشان تمتص الزفره منها وخليها فتره بعدين غسليها ونشفيها وسوي التتبيله طبعا خليها بالتتبيله فتره ماتقل عن ساعتين
التتبيله
التتبيله
على كل ديايه علبه روب( زبادي)+عصير ليمونه+ رشه صبغه حمره انا مااحب الصبغات حطيت منقوع جاي كركديه هههههههه هم حامض ويعطي لون احمر
بهارات التندوري
فلفل اسود+ فلفل احمر+ بابريكا+كاري+ زنجبيل بودر + كزبره خضره مجففه + نعناع مجفف ( البهارات كل صنف ربع قفشه والكزبره قفشه والنعناع ربع قفشه)
فلفل اسود+ فلفل احمر+ بابريكا+كاري+ زنجبيل بودر + كزبره خضره مجففه + نعناع مجفف ( البهارات كل صنف ربع قفشه والكزبره قفشه والنعناع ربع قفشه)
لاتنسين كل ماطولتي مده التتبيله راح يكون الطعم واللون احلى
وحطيهم بصينيه فرن بدون ماتغطينها
وحطيهم بصينيه فرن بدون ماتغطينها
عباره عن فصين ثوم وشويه زنجبيل اثنيهم دقيهم وحمسيهم بشويه زيت وحطي عليهم نص علبه روب زبادي مع ملح وفلفل احمر وبهار تندوري وقفشه كبيره طماط معجون وحركيهم لما تسير الصلصه ثقيله وحمره
طلعي الدياي من الفرن وحطي عليه الصلصه
وقدميه مع الخضره وخبز ايراني
ولاتنسين البطاط
كور البطاط عباره عن بطاط مغسل ومقشر وكل بطاطه قصيها نصين وحفريها بهذي القفشه ونقعيها بماي وملح واقليها
دلشيز على احلا الاطباق دام جهودك
:0154::0154:نسيت يشرفني اكون الفريست اللي يرد:0154::0154:
اسعدني مرورك يالغلا
شكرا لك
