خبروا بنت الشهيد
ياحروف الشعر وينك لازم الليله تجين
وان تمنعتي تراني ياحروف الشعر هالك
ودي انك في عيوني ياحروفي تقرائين
حزن والا.. جرح والا.. شي بعيوني بدأ لك
اكتبيني يا قصيده اكتبي لو تقدرين
عبري عن حزني اللي بين الاضلاع اشتكالك
القلم فيض المشاعر والحبر صرخه حزين
والمشاعر نزف شاعر وان حكالك ما حكالك
ما بهذا الكون اصعب من وداع الغاليين
والله انك لااهتنيتي لا …ولا يرتـــاح بالك
يادموع العين هلي في فراق الطيبين
يامحمد بن سعيد ابن الذياب الموت جالك
واقع ويشبه لحلم وحلم بالواقع سجين
والله ان الوضع اكبر من مداك ومن خيالك
صايم ولابد يفطر عند رب العالمين
ياسمي المصطفى من يعرف بحالك دعالك
بابك (الريان) …هذا بابكم يالصايمين
ياشهيد في نهــــار الترويه حطت رحالك
تشفع لسبعين واحد يارضي الوالدين
امكم وابوك واهلك ..زوجتك ..عمك ..وخالك
تشفع لسبعين واحد في جنان الخالدين
كل اهلك يا محمد يستضلوا في ضلالك
خبروا بنته وقولوا لا يجي خاطرك شين
الوعد (جنات عدن) طيبه خضراء المسالك
فسلمت اناملك
وانتي مبدعه بكل ما تعنيه الكلمه
يسلمو حبيبتي كلماات رااااااائعه
بانتضار جديدك يالغلا …
