السلااام عليكم
اخبـــاركم حبــايبي
طبقنا اليوم سهل وسريع واهم شي لذيــــذذذ
عباااره عن دجاج مع الكريمه وكور البطاط المهروس
المقادير: صدر دجاج خالي العظم مقطع مكعبات
بصل مقصص جوانح
ثوم مهروس
مشروم طازج او علبة مشروم معلب
علبة كريمة كي دي دي
بهارات "كركرم وكمون فلفل اسود ومكعب ماجي"
3 حبات بطاط مفيوح
ملعقتين جبن سائل
كوب جبن مبشور
الطريقه : بالمقلاه نحط شوية زيت ونحمس البصل ليما يتشقر ونضيف عليه الدجاج
والثوم ونستمر بالتقليب الى ان يتغير لون الدجاج ونضيف البهارات ونستمر بالتقليب
ونحط المشرووم الى ان يذبل وينضج وبهالوقت نضيف علبة الكريمه
ونخليه يطبخ شوي لين تقل كمية الكريمه وتثقل الخلطه
ونحط الخليط بصينية الفرن
ونهرس البطاط المفيوح ونضيف له الجبن السائل ونص كوب جبن مبشور وشوية ملح وفلفل اسود
ونكور البطاط ونضيفه فوق الدجاج والكريمه اللي بالصينيه مثل جذي
ونكمل باقي كور البطاط ونرش على الوجه باقي الجبن المبشور مثل جذي
وندخلها بفرن حاار لمدة عشر دقايق او الى ان تكسب لون
وبالعـــــــــــــافيه علــــيكم .gif)
