رهنت القلب لعيونك , غرامٍ راسخٍ فيني

ذكرتك والجروح الي من اسبابك بكت ذكراك
…………. وبقى نفس السؤال المر عساك انتي ذكرتيني

ذكرت الموعد الي فات ، من عمري على طرياك
…………. وذكرت اني نسيت انساك، يوم انك نسيتيني

يراودني الغرام الي رفض كل الدروب وجاك
…………. وتكامل بالحضور العذب ، طيفك لو هجرتيني

الاياغايبه عذرك ، خطاي وغلطتي اهواك
………… خطاك اكبر من اعذارك ، وعذرتك وان جرحتيني

دخيل الله ، عليك الله ، وبعد الله ، دخيل اشفاك
………… دخيل الشفه العليا من السفلى عثت فيني

غزاني رمشك الفتان ، وكنه حارسٍ يرعاك
……….. تثنا واشهر اسيوفه ، يحذر لاتدانيني

انا ماكان في بالي ، غرام ولا هوى شرواك
……….. وكفرت بمذهب عيونك، وحسنك مايعنيني

ولكن الغريب اني ، هويتك والعمر يفداك
………… وغدا حبك على قلبي ، خطر للموت يدنيني

غديتي هاجس ايامي ، وحلمي شوفتك وارضاك
………… رهنت القلب لعيونك ، غرامٍ راسخٍ فيني

انا اشهد انتي ام الشمس ، ورى حدب الضلوع ادراك
……….. ولك صوره على قلبي ، وتشرب من شراييني