مرات الاب : بت يا سندريلا اصحى يا بت كاك خابطة فى نفوخك
سندريلا : ايه يا مرات ابويا خمسه وحقوم
مرات الاب: قومى يا بت قامت قيامتك
وصحيت سندريلا وهى بتأفأف
مرات الاب : ياله قومى اكنسى وامسحى على ما اجى
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامير اللى حيختار واحده عشان يتجوزها
سندريلا : خدونى معاكو انا عاوزه اروح بليز
مرات الاب : بليز ايه يا معفنة وتروحى فين يا موكوسه بلبسك المهرول ده انا عايزه ارجع الاقى البيت بيبرق
ومشيت مرات الاب وبانتها التلاته
وقعدت سندريلا تعيط وفجأه طلعتلها الساحره من البوتجاز
الساحره : مالك يا سندريلا ؟؟؟
سندريلا : كان نفسى اروح معاهم الحفله بس لبسى مقطع و موبايلى كارت ولابسه شبشب بصباع
الساحره
: ولا يهمك وطلعت من جيبها الموبايل وطلبت الاتليه بتاع مدام لولو يبعتو
فستان وجزمه اخر موديل فرحت سندريلا ولبست وحط الايشادو و الجليتور ورشت
البرفان
بس الساحره قالتلها قدامك للساعه 12 لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى
بلبسك المنتن وسط الناس يا بيئة
سندريلا : حاضر حاضر اما ساحره زبالة صحيح , خرجت سندريلا من البيت لقت الساحره مجهزة عربيةbmw
ركبت
سندريلا وراحت ع القصر ولفت جمالها كل اللى موجودين و اول ما عين
الامير وقعت عليها راح وطلب يرقص معاها و وافقت نظرات … همسات صمت
ترن……………ترن
سندريلا : ده الساحره بتدينى ميسد .. يا خبر الساعه 12
وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نده للوزير
الامير : يا وزير لؤى
الوزير : امرك مولاى
الامير: خد الجزمه دى اسحبلى صورتها اسكانر و نزل صورتها فى كل الجرايد و ع
الويب سايت بتاع قريتنا واكتب الى صاحبه هذه الجزمه التوجهه للقصر
الملكى بنات كتير جدا راحو و يا سبحان الله الجزمه مجتش على مقاس
حد فيهم (ال يعنى سندريلا رجليها رجل معزه ) الى ان شاهدت سندريلا الاعلان
عن فرده الجزمه على ميلودى هيست وقامت بالتوجهه الى القصر
وتزوجت هى والامير وعاشو فى تبات ونبات
……
يارب تعجبكم
الوان القلوب :icon_neutral:
مشكوره ياعسل ^_^
اسلوبك فى كتابة القصة حلو
مشكورة
مواضيعك طول عمرها مميزة بجد
