بطرح بعض تجاربي الشخصية والبسيطة جدا في إستخدام بعض الخلطات واللي أستفاد منها شعري كثير…
معظم الخلطات خذتهم من مواقع أجنبية سواء للشعر أو البشرة وهنا بطرح بس الأشياء الخاصة بالشعر…
لاحظت أن معظم الخلطات بالمواقع الأجنبية تعتمد على 4 أشياء:
1- العسل
2- زيت الزيتون
3- الحليب أو الزبادي
4- البيض
هلق بعد ما خلصنا المكونات نجي للصح
انا بعد ما دورت بالمواقع الأجنبية وحصلتهم نسوانهم مثلنا متجننات على الخلطات الطبيعية…
للشعر التالف والجاف واللي ما يطول بحط بعض الخلطات اللي أستفدت منها:
1- أولا لازم تقصي شعرك لا تعصبون هذا أول شي عشان تشيلي الشعر التالف والتعبان واللي يعيق نمو الشعر بسبب تقصفه ولازم تقصيه من فترة لأخرى حتى الشعر يكون صحي.
الأفضل تقصيه بصالون عشان يسوولك قصه حلوه وما تخربيه.
2- الخلطة الأولى واللي لحد الحين أستخدمها وأعتبرها أهم خلطه وأبسط خلطه..
العسل وزيت الزيتون.
أخطلي مقدار من العسل (أستخدم عسل تربيه طبيعي) مع زيت الزيتون (أصلي) وحطيه على شعرك حوالي نص ساعه او إذا حابه تزيدي بالوقت براحتك ..
هذي الخلطه تغذي وتساعد على نمو الشعر وترطبه بعد (مع الإستخدام) والكل يعرف فوائد العسل زيت الزيتون.
أستخدمها مره بالأسبوع بالتناوب مع خلطه ثانية وإذا تعاجزت عن هذيك الخلطه اللي بذكرها بعدين أستخدم هذي مرتين (لاتنسي تدلكي فروة الرأس تدليك خفيف)
جربوها وأدعولي
3– الخلطه الثانية تستخدميها كحمام زيت…
زبادي+عسل
بعد ما تغسلي الشعر بالشامبو حطي هالخلطه روعه في البداية وأنتي تحطيها بحسي كأن شعرك ناشف بعد ما تغسليها بتعرفي الفرق .
هذي الخلطة تنعم الشعر طبعا مع الإستخدام مو تستخدموها مره وبس
حطيها ربع ساعه على شعرك ودلكي الجذور أو أقل أو أكثر حسب وقتك وأغسليها بالماي بس وبعدها أنا أحط شوية بلسم على شعري للترطيب فقط طبعا ما توصلين البلسم للجذور بس على الشعر لأنه يسبب تساقط الشعر .
تسلم الأيادي على روعة ما قدمتْ
دمت ودام لنا عذب عطائك
يعطيك ربي كل العوافي
لك مني آصدقْ الود وآبلغهْ
تابعي تميزك
صفاء
تعرفي .. ان ما توصلتي اليه من اصح ما يكون
و دليلي ان الدهن بزيت الزيتون فيه حديث نبوي لا اذكره بالضبط .. بمعنى انه : كلوه و ادهنوا به فانه يأتي من شجرة مباركة ..
و ايضا هناك حديث نبوي شريف عن العسل فيه وصية للنساء ان يمتشطن بالعسل .. و قد قرأته منذ وقت طويل و لا اذكر سنده او صحته .. و للاسف لم اجده على النت لادرجه ..
غير اني اذكر انه كان في كتاب اسمه الجامع الكبير و كان باجزاء كثييرة
و الله تعالى اعلم
