أصفق للزمن وإلا أصفقلك
…………… وكل واحد علي أشطر من الثاني
مادام الوقت في دنياي صافطلك
…………… على جرحي وتلويعي وحرماني
حبيبي دوس قلبي دوسه برجلك
…………… وشوف الطيب معاك لوين وداني
يقولون البشر يجرحك ويذلك
…………… وأقول إن العسل بجروح خلاني
ولو بة شخص واحد يا بعدي غلك
…………… أصد عنة لو أنة حدى أخواني
رحلت وقلت لي يومين وأرجعلك
…………… ورحت وماهقيت بيوم تنساني
وعد الوقت والأيام وأحسبلك
…………… وأقول إن غبت عمرك ما تعداني
هنيا لا هنيا … مسكنك وأهلك
…………… تغيب بخافقي وتروح لجفاني
أشمك بالوجع وأتنفسك كلك
…………… وضمك من غلاك بكل أحزاني
وتضيق بي السعه لا جيت أسولفلك
…………… وزولك من ثلاث إسنين ما جاني
جفيت ورحت من طيبك وطيب أصلك
…………… مادامك رحت تنكرني وتجفاني
وأنا بوفي معاك وبوفي لوصلك
…………… ولو قطعت من فرقاك شرياني
وعدت وكلمتي ما تنثني لجلك
…………… مادام أن الوعد محسوب بلساني
أبنطر لين ما الدنيا تكشرلك
…………… وتجي في عز ضيقاتك وتنصاني
وشق ثوبي على لقياك وأكشفلك
…………… وش اللي من غرامك كان يتناني
أبنطر وأحسب يلعن أبو شكلك
…………… ألين الموت عن شرواك يلفاني
ولكن لا تظن إني متشوقلك
…………… إذا في يوم جيت وكنت تلقاني
أنا أصلي من ربيت ولو على مثلك
…………… كريم وما أرد من اللي يتنخاني
و لا تحرمينا من جديدكِ
تسلمي
حروف وكلمات في قمة الروعة
وتميز في الذائقة وحسن الاختيار
سلمت اناملك
وننتظر جديدك
تقبلي مروري
