أشوف الحزن بعيونك بداية رحلة الاسرار
علامك ليش متغير؟ حبيبي قول : وإشلونك
إذا كان السبب مني تكلم لك علي اعذار
وأنا ما اعتقد يخطي فؤادي بنظره ويخونك
سكوتك زاد في يأسي واحس بخافقي ينهار
وانا كلي ارض عطشى .. تمنت رشة مزونك
تكلم قول لاتخفي ترى قلبي معك محتار
أخاف الناس قالولك كلام ايزيد بضنونك
عطيتك يومي او امسي يمين ابدنيتك ويسار
غريبه كيف تتغير وتحرق قلب مظنونك؟؟
دخيلك قول لاتحيرني تكلم واكسر الاسوار
أخاف الصمت يبعدني واعيش العمر من دونك
تمنيتك أمل عاشق رفضت انك بحر غدار
تمنيتك بحر وافي وانا البحار في عيونك
علامك ليش مهملني وفي رفك انا تذكار ؟؟؟؟؟
اذا كان الهدف بعدي انا حاضرومضنونك
رجاي توضح اسبابك سكوتك زاد بي افكار
اذا ناوي هوى غيري عسى رب السماءيصونك
انا راحل مع جروحي وبنسى كل ماقد صار
وانا واثق بترجع لي فيوم وتسأل اشلونك
تحياتي
عاشقة الماضي
كلمات في غاية الروعه وفي مكانها
ابداع لا يوصف بطرحك واختيارتك المتميزه
راق لي حيل واستمتعت كثيرا بقرائته
فرب الكون يسعد روحك
انتظر جديدك بشوق
دومتي كما يطيب لك
