حبيت اشارككم معايا فى افكار استخدمتها فى مطبخى لترتيبه من الداخل واستغلال المساحات
عملت فى الدرفة من جوا رفين زى اللى فى الصورة باحط فيهم زجاجات الزيت والخل والبرطمانات وفى منهم استلستيل عند العربى فى العتبه او المهندسين
وكمان بفضى الحاجات فى برطمانات زى كده مثل الدقيق وورق اللورا وغيرهم
وبفضى مكونات الكشرى او البقوليات عامة فى برطمانات زى كده
وبضع اكياس الفانيليا والخميرة والبيكنج بودر فى علبة
وهى ديه وهى مفتوحة
والتوابل فى برطمانات صغيرة زى ديه
واما بفتح الاكياس زى السكر والرز اشتريت من هايبر الماسكات ديه حلو جدا ونفعنى اوى
واشتريت زجاجة اللبن ديه عشان اما اشترى لبن بخيره اكياس احطه فيها عشان ما يقعش فى التلاجة
وكمان اما زجاجة الدوانى تخلص عندى باغسلها كويس جدا و بنشفها واحط فيها كيس تايد بتاع الغسيل اليدوى بيقى سهل اوى استخدامه وينظم اوى لانى بصراحة بكره الاكياس واحب المطبخ من بره وجوه منظم
والحاجات الصغيرة زى الدبابيس والمسامير والاستكات
كمان اشتريت من المول اللى قلتلكم عليها
الملاعق والحامل بتاعها جديد اوى فكرته سعرها 75 جنيه
والملاعق الخشبية بالحامل بتعها وسعرهم 40 جنيه
والمالحات وسعرها 40 جنيه من هايبر واطباق صغيرة بفضى فيها الكاتشاب والمايونيز والطحينة وسعر الطبق الواحد 2ونص والزجاجات ديه ممكن برضه تحطه فيها الصلصات او صلصة الكشرى سعرها 50 جنيه من المول برضه
وحامل الشامبوهات ده جبته من العربى فى المهندسين وسعره 75 جنيه
وكمان اشتريت حامل ادوات المطبخ من مول الصابرين بس طبعا فاضى وسعره 40 جنيه
تقبلي مروري,,,
تسلم يدك ع هالافكار الحلوة والبسيطة
يعطيك العاااافية
موضوعك حلو ومفيد
