إذا قريتي ها القصيدة أكيـد بتتأثرين !!!

قصة عاق لأمه سنين طويلة ندم على اللي سواه و جاها يستسمح منها لقاها ماتت وراحت عن الدنيا وهي ما رضت عليه…..

أنا أدري قلبك الطيب كسرته بصدمة الـنكران
غلطت وغلطـتي هذي تعير كل غلطاتــي
تشوفي الشيب يا يمه ترى ما جا وأنا فرحان
وربـي اللي رفع ذاتك ونزل للردى ذاتــــي
فقدت الراحة من بعدك فقدت الطيبة والتحنان
بدونك راحتي غاية بيدينك هذي راحاتــي
أنا بعدك ولا حاجة أنا بعدك ترى عميان
أشوف ولا أشوف اللي يوريني مساراتــي
أنا وسيد الشقا والهم من بعدك غدينا أخوان
يجيب همووووووم هالعالم ويرميها بمتاهاتي
صدقتي يوم قلتي لي: تدين اليوم بس تندان
رميتك في بداياتي ورمـوني في نهايتــي
أنا أنا!من شالك بإيده ورماك بأسفل البركان
نخيتيني وطلبتيني ولا حصلـتي نخواتــــي
مثل ماهنتي بعيوني عليهم قلبي يمه هـان
رموني وضحكهم فزعه وأنا الدمعات فزعاتـــي
يايمه لا تضنيني أنـا من فعلهم زعــلان
سوات فيــــــك سويته وسوو فيـني سواتـي
يا يمه يالله ضميني ودفيني بها الأحضـــان
أنا أدري فيــك مشتاقة وهمك بس ملاقاتــي
يا يمه حيــــــــل ضميني أبي أرتاح أنا تعبان
تعبت أهرب من ذنوبي أبي أجاخر مسافاتــــي

أبا أسمع منك أي كلمة لصوتك مسمعي ولهــان
أبا أسمع يمه بصوتك أبذكر فيـها نشواتـــــي
أشوفك ساكته يمه غفيتي!! وإلا أنا غلطــان
غفيتي يا بعد عمري تعبتي من مواساتــــــــي

يا يمه!يا يمه! طالبك قومي إذا لي بعيونك شان
أشوف الموووووت بعيونك عساها تخيب هقواتــــي
تعالوا يابشر شوفوا أنا محتااااااااااار أنا تلفان
أنا أمي مدري وش فيها أنا مدري أنا أحاتـــــي

شنو ؟شنو؟ أمي أنا ماتت ؟ لا!لا لا تـرى غلطان
أنا أمي ما تخليني على حزني و وناتـــي
أنا أمي قلبها طيب ولا يمكن تبكي إنســان
أنا أمي ما تبكيني ولا تتمنـى آهاتـــــــي
يايمه صح مامتي! وصح الموت تو ماحان
إذا ِمتي أنا بعدك أبقضي ويـــــن ساعاتي
يا يمه قومي يا يمه وقولي الموت لا ماكــان
أنا جيتك وأنا ناوي أببدي فيــك جناتـــــي
تركتيني ومِِتي ليه؟؟؟؟؟ تركتيني وأنا غرقـان
ولا مسمووووح يا وليدي! ولا تلعنك لعناتـــــي

أنا الجاني وأنا المجني وأنا المخطي وأنا الندمان
وأنا بيدي رميتك إيــــه وبعثرته ملفاتـي