ابي اسعد انا بلحظه قبل نزعة توافي الروح
تعب اشكي تعبت ابكي تعبت احكي مآسي الروح
قتلني الوقت بصروفه ذبحني وجفف نهاري
اخبي علتي واسكت وانا في داخلي مذبوح
اجامل وارسم البسمه وانا قلبي على ناري
احاول والله يعلم بي اداري دمعتي لا ابوح
اداري الجرح واتجاهل عن اللي ينشد اخباري
اقول بخير لكني جريح وفي حشاي جروح
صداها لو دفنته يوم يبين سنين بأنظاري
صرخت بحسرتي يكفي صرخت بصوتي المبحوح
ألا ياوقت وش ذنبي عشان الفيك باعذاري
تبعثر حلمي قدامي وغديت بدنيتي منزوع
وقفت ولاقدرت اجمع مغير مشته افكاري
امني النفس واخدعها واقول ان كربتي بتروح
وهي والله مولوده قدر في ارحام اقداري!!
قتيل والبقا براسي في دنيا مابها مصلوح
قتيل والقهر قاتل من اللي ياخذ بثاري؟؟؟
انا بقى ضحيه وقت اعاني والعنا مجروح
دعيت اللي خلق يرحم رجيته ربي الباري
ابي اسعد انا بلحظه قبل نزعه توافي الروح
قبل مارحل عن الدنيا واروح لاخر دياري
انا بحمل صديد الجرح في باقي وقتي المسموح
واذا وافتني القدره ترى الدمع تذكاري
رثائي دمعي الطاهر في صمته مارضى بالنوح
رثتني قسوه الدنيا رثتني حتى اشعاري
لجل ماضعف بعين اللي نشدني كيفها اخباري!!!
تحياتي
فيه وجدانيه عاليه ومكلله بشجاعة الحرف على البوح
بما في كوامن نفسك
اسلوبك رائع
بانتظار جديدك
ودي وتحياتي
آبار
