الألفة بين الزوجين !!

لماذا أصبحت حياة أكثر الأزواج اكثر حدة .. أو لماذا صارا ((الزوجان)) يتصيدان لبعضهما الأخطاء .. لماذا غابت الألفه عن البيوت !!

– الزوج يعمل طول اليوم يكد ويتعب ومشاكل مع فلان ،،،،، و يسد الفواتير ،،،،، ويمشي من شوارع جديده علشان يتجنب يلاقي أصحاب الديون من بقالات ومحلات خضار وجزارة و و و ,,،،، ويمشي وهو عطشان وجوعان ،،،،،

ويلاقي محل ورد , يفضل يشتري لزوجته وردة على أن يشتري حاجه يشربها أو يسكت بها جوعه ..

ويشتري كرت ويكتب كم كلمة ويربطها بالوردة ..

ويخبي الوردة في جيب الكوت الداخلي علشان يفاجئ زوجته ..

الزوجة خلاص عيالها راحوا المدرسه ,, الزوج مروح للبيت وهو كله شوق لزوجته عل وعسى ابتسامة

منها تمحي هموم الدنيا ومافيها ,, ويفكر يخرج الوردة أول مايوصل ,, وإلا يخليها يحطها بمكان هي تلاقيه فيها ..

الزوج _ يدق باب البيت ويد شايلها حاجيات البيت ,, و يد داخل جيب الكوت علشان يخرج الوردة ,,

الزوجة _ تفتح الباب ونفسيتها تعبانه للآخر " الله يعينها " ,, تفتح الباب وتقله الحمدلله على السلامة !!

الزوج _ يرد ونفسه انسدت شوي : الله يسلمك ..

الزوجة _ و ينك للآن ..

الزوج _ في نفسه أها بدأ التحقيق اليومي " ,, ويخرج يده من جيبه .. ويخلع الكوت ..

الزوج _ في العمل فين يعني ؟؟

الزوجة _ إلى الآن في العمل !! وبعدين ليش ماصلحت ماسورة الماء حق المطبخ ,, ليش ماعندك

مسؤولية ؟؟!!!

الزوج _ يابنت الحلال أنت عادك أمس كلمتيني وأنا كنت تعبان ,, واليوم قلت بأصلحها !!

الزوجة _ طبعا مش همك لا أنت بتغسل ولاتطبخ ولاتعمل حاجه , بس همك تجي والأكل جاهز ..

الزوج _ أستغفر الله العظيم , الله يهديك بس ..

الزوجه _ ليش شفتني مجنونه قدامك ..

الزوج : أيوه مجنونه وستين مجنونه ,, قومي جيبي الغداء بسرعة خليني اتغدى وانام ..

الزوجة _ قوم أخدم نفسك بنفسك .. !!

الزوج _ أنا أيش جابني قد كنت تغديت مع أصحابي أحسن لي من وجهك ..

ويخرج الزوج ويقفل الباب بقوة .. وزوجته بتصيح من وراه ..

الزوج يتجه لأقرب مطعم ويتغدى له سلته " حالة امها حاله " ,, والزوجه تلعن اليوم اللي عرفته فيه

وتغدى لحالها ..

تقوم الزوجة ترتب ملابس زوجها وتلاقي الورده داخل الكوت وبجانبها كرت مكتوب عليه " أحبك

يا أملي في الحياة " ….

الزوجة تتندم وتدمع عيناها دمعة ..

الزوج يتذكر لحظاته مع زوجته ,, ويتذكر التصرف اللي تصرفه قبل مايخرج من البيت ,,

الزوج يقر يروح للبيت ,, الزوجه تفتح الباب ,,

الزوجة _ أنا آسفة ..

الزوج _ أنا آسف الآن أصلح الماسورة ..

الزوجة _ لقيت الوردة ..

الزوج _ اشتريتها اليوم علشانك وكنت ناوي أعطيها لك بس ماديتيني فرصة ..

الزوجة _ انا آسفة بس كنت مولعة الصبح في البيت ومشاكل العيال وشفت ماصلحت

ماسورة الماء وكمان تتأخر وكأني خدامة عندك في البيت و مش عارفه أيش …

السلام عليكم

أسعدني مرورك أختي المشرفة عاشقة سنة رسول الله _ صلى الله عليه وسلم _