1- كيلوا شرحات لحمة عجل بدقيهم او بتخلي اللحام يدقهم على الطاولة حتى يصيرو رقاق ومطاولين بالطول يعني ويكونو رفاع مو سماك
2 – نصف كيلو رز لكل كيلو شرحات لحمة او اذا انتي بتحبي الرز فينك تحطي كيلو رز لكل كيلو شرحات
3 – ربع كيلو لحمة ناعمة للحشوة
4 – خضار مشكلة ( بطاطا – بازيلا – جزر – بصل – فليفلة خضرا ) طبعاً بتقطعيهم لحبات صغيرة
5 – مكسرات حسب الحشوة الي بتحبيها يعني فينك تعمليها حشوة عادية بدون مكسرات وفينك تحطي معاها حشوة متل
( كاجو – لوز – صنوبر ) الي انتي بتحبيه بس اذا بدك ياه سادة لازم تحطي معو ولو القليل من الصتوبر لانو بيعطي طعمة كتير طيبة
البهارات :
1 – فلفل ابيض نصف ملعقة صغيرة او حسب كيف بتحبيه حار او عادي
2 – نصف ملعقة ملح كبيرة او حسب انتي كيف بتحبيه لانو في عالم ما بتحب الملح كتير من شان الكوليسترول
3 – كمون ربع ملعقة صغيرة جداً
4 – مكعب ماجي لحمة حصراً لانو اللحمة بدها لحمة والخاروف بدها خاروف والجاج بدها جاج
5 – نصف ملعقة صغيرة فلفل اسود اذا بتحبيه حار
وهلأ بنجي لطريقة التحضير ونتبهو منيح
الطريقة :
1 – انقعي الرز طبعاً متل ما بتعمليه كل مرة انقعيه لفترة 30 دقيقة لحتى تشوفيه انو جاهز للحشوة
2 – بنجيب قطع الشرحات الي ضربناهم على الطاولة لحتى صارو رقاق ومطاولين ومنخيطهم على شكل الاباوات الي منعملهم مع السجقات يعني منجيبهم ومنخيطهم من تحت لفوق وبنخلي فتحة صغير من فوق من شان حشوة الرز والمكسرات واللحمة
3 – بنحشية بالرز واللحمة والمكسرات وما منمليهم كتير يعني لا طفيهم للاخر بحيث انو تكون الشرحات مرتاحة باللحشوة وبنخيطها للاخر بحيث انو ما يهر منها ولا حبة رز ابداً لانو بس نحطها بالطنجر بلش السلق من شان ما تفرط الشرحات ويطلع الرز منها
4 – منحطهم بالطنجرة ومنغمرهم بالماء يعني بنحط عليهم الماء لحتى نشوف الماء غطاهم للاخر وكمان حبة شوية
5 – منسلقهم لحتى انتي تشوفي انو الزفرة طلعت منهم يعني ما تخليهم على النار اكتر من 40 دقيقة تحت نار قوية انتي بس تشوفي انو طلعت الزفرة نهائية نهائية منها بتشيلي الزفرة نهائية عن الطنجرة وبتكبي الماء
6 – بترجعي بتحطي الماء بالطنجرة ماء جديد وبتخليه يسخن بس يبلش يسخن مو يغلي يسخن بتحطي فيه الشرحات المحشيبة
7 – بعدين بتحطي الخضار الي قطعناهم مع الشرحات وبتخليهم على نار هادية وسط يعني لحتى تشوفي انو ستو الشرحات
8 – بس تشوفي انو ستوت الطبخة بتحطي البهارات الي حكينا عنهم طبعاً اخر الشي بتحطي البهارات بس تستوي الطبخة لانوا حسن
وصحتين وهنا
م/ن
يعطيك العافيه
