البيتي فور
اولا المقادير
1.25 كيلو دقيق
1 كيلو زبدة
نصف كيلو سكر بودره
خمس بيضات بس خدي بالك البيض ميكونش كبير اوي حاولي تختاري البيض الوسط
فانيليا علي اد البيض
ملعقتين ونصف صغيره بودر
كاكاو
للتزيين
مربي
شيكولاته خام (بتعمليها حمام مائي عشان تسيحيها بتغلي الماء في اناء صغير وتكون الشيكولاته في اناء اصغر منه وتضيفيلها ملعقتين كبيره لبن وتحطي الاناء الصغير في الماء المغلي وتقلبي الشيكولاته لما تسيح كويس )
شيكولاته فورماسيه
جوز هند
مكسرات مفريه
حسب رغبتك
الطريقه
بالعجانه او بالمضرب او باليد نضرب الزبدة والسكر لغية لما تكون زيي الكريمه ونضرب معاهم البيض والفانيليا
وبعد كده نضيف الدقيق المنخول مع البودر
ونقسم العجينه نصفين النصف الاخر نضيف عليه الكاكاو
وبعد كده نقطعها بالمكنه في الصواني ونبدا بالعجينه البيضه الاول
وبعد مانقطعه في كل الصواني نقطع الكاكاو
وندخلهالفرن ونسويه علي نار هاديه
بعد كده تزينه كل واحده كاكاو مع واحده فانيليااللي بيتزين بجوز الهند والمكسرات والشيكولاته الفورمسيه بنلزقه الاول بالمربي وبعد كده جوز الهند او الفورمسيه او المكسرات
واللي بالشيكولاته بتكون الشيكولاته سايحه وخدي بالك متكونش سخنه اوي
وبالهنا والشفا
~ شـــــروق ~
تسلم الأيادي أختي العزيزة / شروق
وعيــــــــــــد سعيد …
دمت بخير
