العام روّح وأقبلت عطلة الصيف !

آحدن على روما والاخر على جنيف
…………. وآحدن ظروفه يالنشاما تحدّه !!

وآحدن ينام ابدون غرفه وتكيف
…………. وآحدن يجر الثوب ماهوب قدّه

ياصاحبي ياللي تفوق التواصيف
…………. حبل الوصل .. في داخلك لا تشدّه

صاحبك صادق مايحب السواليف
…………. وماهوب ساكت لاحصل منك صدّه

حبيبتي يا ام الرموش المراهيف
…………. مثلك على عرش الحلا مستبدّه

ياجعل دارك بالمزون المراديف
…………. وياجعلي اشوفك ليا جيت جدّه

اليا متى فيك المشاعر ملاهيف
…………. واليا متى باقي من البعد مُده

واليا متى ودموع عيني مذاريف
…………. واليا متى دمعي .. يبل المخدّه

ايقول من بابك تجيني عواصيف
…………. والناس قالت مثل هالباب سدّه

قلت الاوادم كل ابوهم ملاقيف
…………. والعلم .. كانك تستحي منه بدّه

يالعبنوا فنجال مايروي الكيف
…………. راعيه غالي تستحي ما تردّه

امحق زمن والله وامحق مواليف
…………. بنيت لك مقدار ، وطيشك يهدّه

لكن لحظة كان مابه تكاليف :
……….. ( اللي خذيته داخل العوج ردّه )

..