المعكرونة المحشية طريقة سهلة

مر حبا حبيباتي المهتمين بكل ماهو جديد من الاصناف الجديده(ملينا من الرز)
اليوم جايبة لكم طبق من اطباقي المجربه صينية المكرونه المحشيه يم يم وبصراحه مو مدحه……تجنن
وتعبت وانا انزل صورها واكتب طبعا كله عشان افيدكم مثل ما استفدت فلا تحرموني من دعواتكم …….

ما ودي اطول عليكم جايتكم بالصور والطريقه…نبدأ
اولاً

Error! Filename not specified.

بصل وثوم وفلفل اخضر حار مفرومين
اعشاب مكونه من :بقدونس-نعناع اخضر-شبت
2صدر دجاج مسلوق ومفت
2طماطم مفرومه-صلصه
ملعقه صغيره جبنه بارميزان
علبه صغيره قشطة الخفق
3ملاعق كبيره صلصة البيتزا
جبنه موزاريلا
ملح+بهاراتايطاليه (اوريغانو)+بهارات عاديه+نصف مكعب ماجي(مضر لاتكثرون منه)
مكرونه حجم كبير للحشو

Error! Filename not specified.

نسلق المكرونه بماء وملح
نبدا نحمس البصل مع الثوم ثم نضع عليهم الفلفل وابهارات ثن الدجاج ويقلب الجميع ثم يضاف عليهم الطماطم وصلصه الطماطم ونصف حبه ماجي وقليل من الملح وتقلب حتي تتسبك وبعدين نضع جبنة البارميزان والاعشاب
وهاذي صورتها بعد ما انتهت

بعد ماتستوي المكرونه نضعها بالمصفاه ونغسلها بالماء البارد عشان ما تلتصق بعضها
ونحشي حبات المكرونه

نخلط القشطه مع صلصة البيتزا ونضعها على الوجه ونرشها بالموزاريلا

وندخلها الفرن لمدة 20 دقيقه ونحمرها من فوق وهاذي الصوره النهائيه

وبالعافيه…………