المنحوس منحوس

هذا سلمك الله فيه قردين واحد حظه حلو والثاني حظه تعبان ومنحوس طول عمره.
المهم كانوا قاعدين يسولفون قال اللي حظه حلو للمنحوس: اشرايك نروح مزرعة الهندي وناخذ موز؟ رد عليه المنحوس: اوكي مشينا.
المهم راحوا،
قام اللي حظه حلو طلع فوق ينزّل الموز والمنحوس ينتظر تحت عشان ياخذ الموز …
وأشوي جاهم الهندي ومسك اللي تحت وفقع وجهه.

جلسوا على هالحالة ثلاث أيام والقرد المنحوس ماغير يفقع وجهه ..

ويوم قرروا يروحون المرة الرابعة قال المنحوس للي حظه حلو: انت دايما فوق وأنا دايم تحت وأنا اللي انضرب .. هالمره أنا بطلع فوق وانت خلك تحت قال إللي حظه حلو: أوكي مافيه مشكلة!

المهم اتفقوا .. ويوم راحوا شافهم الهندي ومعاه اثنين من أخوياه الهنود .. ويوم وصل عندهم
قال لربعه جيبوا اللي فوق اللي تحت دايما اضربه!