النهارده عيد ميلادى احدث موضة

بسم الله الرحمن الرحيم
18/1
النهارده عيد ميلادى
النهارده يا بنات كان يوم يجنن, كان عندى امتحان visual culture نص السنه
وبصراحه الماده دى مكلكعه وغير طبيعيه وكنت خايفه منها جدا
اول شى عملته انى صحيت الفجر اخدت شاور وصليت ودعيت ربنا ان يعدى الامتحان على خير
لبست ونزلت الجامعه وقعدت فى الكليه مع صحابى شويه والدنيا مطرت
وانا فضلت ادعى من كل قلبى انى اعرف احل فى الامتحان
اول مادخلت اللجنه كانت اعصابى بايظه جدا وخصوصا انى بعانى من مرض الضغط
بدات اعيط واعرق ودماغى كانت كان فى حد ماسك شاكوش وبيخبط فيها:3_2_10[1]:
بس اول ما شفت ورقه الامتحان لقيت الامتحان كله جاى من الى انا زاكرته الحمدلله
ساعتها قعدت اضحك وبصوت عالى لدرجه المراقب كان هيخرجنى برا اللجنه
بس الحمدلله حليت كويس وكل حاجه كانت تمام
خرجت مفرفشه جدا وركبت عشان اروح
وانا راكبه جاتلى حوالى 25 مكالمه بيباركولى على عيد ميلادى :)و بيطمنو على الامتحان
ورجعت البيت لقيت ماما واخواتى وكل اصحابنا فى البيت عاملينلى مفاجاه
وانا مبسوطه جدا وحبيت اشارك يومى الجميل مع احلى اصحاب على ازياء باحلى اطقم لعيد الميلاد

انتظرونى يتبع