ياهل الرياض النور لو تشعلونه
……….. ماله حلا لاغاب … نور المدينه
وقلبي اللي مابرى من طعونه
………. من جرحه المسموم تسمع ونينه
شفت الدموع الجارحه في عيونه
……… قبل الوداع اللي يجيب الغبينه
خايف من اهل الدار لايفضحونه
…….. يمشي ورا أخوانه ويشر بدينه
حواجز العادات دوني … ودونه
…….. وحق القرابه حد بيني … وبينه
اللي نبي ياهل الغلا .. ماتبونه
…….. واللي تبونه … عندنا مانعينه
مير اطلب الله ليتهم يتركونه
…….. هاك الغزال اللي ذبحني بعينه
الشعر لامن فل حده امتونه
…….. والشامه اللي في طرف حاجبينه
يفرق عن العالم بشكله ولونه
……. بين البنات الحور ماشفت زينه
دايم تعاتبني ولكن حنونه
…… انسى الزعل لاذقت نبرت حنينه
ماجد مع الايام زادت جنونه
…… الله بلاه بحب …. ورده حزينه
يبحر مع الهاجس ليا ضاق كونه
…… ولا البحر ماشال هم السفينه
يشهد علي الله ماصبر بدونه
…… والقلب من حبه عسى الله يعينه
النور ياهل الدار لاتشعلونه
…… ماله حلا لاغاب … نور المدينه
واصلي تألقك
بارك الله فيك …
ننتظر منكِ الكثير من خلال إبداعاتك المميزة
لكِ منـــــــ أجمل تحية ــــــــــي
لايَسعُني آلآ قول " سِلمتِ لنآ ودآإأم نبضك "
يَ رآئعهـ ،‘
