خلي انخشوا في الوضوع وبدون مقدمات ………….
الموضوع هذا نبوا فيه اشتراك الجميع ويكون متجدد ان شاء الله
والفكره هي إن نبوا كل بنوته أو مدام اتخش تحكيلنا ع يومياتها
في اهتمامها بنفسها .يعني من لما تنوض الصبح شن نوع الغسول
أو الصابون اللي تغسل بيه في وجهها وشن برنامجه معاها
ماشي معاها مية في المية أو لا وقديش ليها تستخدم فيه
وشني هي الكريمات أو الوصفات الطبيعية اللي تستخدم فيهم لبشرتها
وشن أمروك معاهم وقديش ليك تستخدمي فيهم
وأهم حاجة تكون تجربتك انتي مش منقوله
وكذلك الاهتمام بالشعر (نوع الشامبو .زيوت وصفات ……)
وكذلك الجسم (رجيم .رياضة .اديري في رياضة أو لا ….)
واخر شىء وهو المهم شرب الماء ( تشربي في ميه زي مايقولوا الماء اهم شىء
لجمال البشرة وصحة الجسم تشربي في 8 أكواب في اليوم
وإلا مهملة
نبوا كل وحده تخش يوميا وتحكيلنا شن دارت لروحها شربت ماء أو لا
دارت رياضة أو لا شن نوعها وقديش مدتها
مش ننشجعوا بعض ونستفيدوا من بعض ونلتزموا
واللي مش مدايره برنامج لروحها إدير
وإن شاء الله مانكونش طولت عليكم والفكرة وصلت
ونبوا صور للمنتجات اللي تستخدمي فيها:icon_arrow:
