اه لو تعـرف كيف حياتي بدونـك أنا بدونـك أضيع و مـحد يلقانـي
اه لو تعـرف كيف مغـرم بعيونـك و من لـون عيونك يزيد فيني حنانـي
اه لو تعـرف كيـف قلبي يصونـك وكيف أنا أخلصـلك بكل المعانـي
حس بحبيبك بشويـش على هونـك راح تعرفنـي و بتقـول انك تبغانـي
شفاتـي دواك و بوستهـا يشفونـك وعلى بوستـك أنا أعـزف ألحانـي
حضني دفـاك و نبضاته ياخذونـك وعلى حضنـك أحلـى الغرام جانـي
حس بجنـوني و ابعد عنك ظنونـك فداك دنيـاي و كل لحظـة بزمانـي
خذ قلبي و عطني روحك و شجونـك و هات قلبك وخذ حياتي و أشجانـي
غالي علي وكل النـاس ما يسوونـك انت بالنسبـه لي أغـلـى الأمانـي
أنا كلي أروح فـدوه بس لعيونـك وأحمد الله علـى كل اللـي عطانـي
أحبك ياخي افهمني ..
أنطـر الوقت اللـي فيه أشوفك
ولو شفتـك أتمنى ألمس كفوفك
ومن الجنون لهفتي تعانق طيوفك
.. شوفتك تريحنـي .. ومابيك تتركنـي ..
يـزداد خـوفي اذا الليـل قرب
خايـف من الوله والشوق أتعذب
بس وين من عذاب بعـدك أتهرب
.. حس فيني وافهمنـي .. تكفه لا تضيعنـي ..
الدقيقه بدونك دهـر والليل يمر علي شهـر
من وين أجيب الصبر وكيف أرضى بالقـدر
.. ياخي افهمنـي .. يكفي لا تجننـي ..
أنا أحبـك بالمختصر المفيد والله أحبك و حبي لك أكيد
و ليه أكذب وايش بستفيد افهمني ولاتصيـر كذا عنيد
.. قول انك فاهمنـي.. بس قولها وريحنـي ..
أحبك ياخي افهمنـي والله نظراتك تقتلنـي
صارحني ولا تعذبنـي وقول انك تعشقنـي
.. قول انك تعشقنـي .. بس قولها وطمنـي ..
أنا تعبت افهمني أرجـوك لا تهتم فـي اللي يقولون
مابيرضوني و لا بيرضـوك أنا أحبك أجل ايش يبون
.. لا تسكت وتعذبنـي .. رد علي ارحـمنـي ..
حس فينـي وريحنـي وتعال بس و كلمنـي
سكوتك والله يتعبنـي أحبك ياخي افهمنـي
وأرجوك لا تضيعنـي .. وحس فيني وافهمنـي ..
