بسبوسه ما تعب احد كلها في علبه القشطه

السلام عليكم ورحمه الله وبركاته..
كيفكم يابنات وش اخبارك ياسنعات؟؟
اليوم حبيت انزلكم بسبوستي المفضله (بسبوسه علبه القشطه)
يعني مقياس مقادير البسبوسه في علبه القشطه مايحتاج كأس للمقياس.
يالله نبدا

المقادير:

_ علبه قشطه..
_2 سميد <<<يعني تعبين علبه القشطه مرتين من السميد..
_نصف اوربع العلبه جوز هند..
_زيت<<علبه القشطه تملينها من الزيت..

_سكر<<علبه القشطه تملينهامن السكر,

_2بيضتين..
_باكنج بودر <<ملعقه ولا تتعبينه الملعقه لين يتناثر البكنج

الطريقه:

كل المقادير تحطينها في الخلاط الا السميد ..
بعدين كبي الي خلطتيه على السميد
وحركيها ،،
بعدين حطيها في صينيه قزاز (بايركس) مدهونه بزيت

ودخليها الفرن وشغلي عليها من تحت بس على نار هادئه ،،<<<ابوك ياشرح
ولاتفتحينها لمده نصف ساعه عشان ما تنفش <<<هذي ملاحظه حلوه اي كيك تسوينه لاتفتحين الفرن حتى تمر نصف ساعه حتى لا ينفش..

المهم اذا مرت النصف ساعه افتحيها وشوفي اذا تحمرت من تحت..
واذا ما تحمرت خليها لين تتحمر بعدين طفي من تحت وشغلي عليها من فوق <<انتبهي تحترق وانتي على المنتدى لانه من فوق مايبيلها
واذا بتزينها بسمسم او لوز او فستق مافيه مانع ،،بس لاتحطينه الابعد ماتفتحينها بعد نصف ساعه..
بعدين حطي عليها الشيره وهي حاره وبالهناء والعافيه..

وان شاء الله عجبتكم ..
وتراء ها المقادير تخليك بعد كل يومين تزينين بسبوسه

سامحوني لاني طولت عليكم..

تقبلوا تحياتي..