تجهيز عرائس لشهر ربيع الأول الجزء الاول

طبعا انا اول واحدة هشارك بما انى عروسة لا وكمان مصرية هههههههههههههه

هقول لكم انا جبت ايه عشان لو اى عروسة لسة مجابتش تشوف ايه ناقصها بس طبعا عدد الحاجات الى انا جيباها بتفرق من عروسة لاخرى وهبقى انزل لكم صور جهازى قريب ان شاء الله

حبيباتى العسل انا مكتوب كتابي و فرحى لسة قدامه حوالى سنة او سنة و نص بس انا نفسي اجوز دلواتى هههههههههههههههههههه

بسم الله نبدا ..

عندي 3 كوفارتات كلهم فيبر منهم 2 فيبر قليل جدا وواحدة حلوة فيبر عالى و نوعها كويس عندي كوفرته اصفر فاتح و التانية بصلي في روز في لبني دول الفيبر بتاعهم قليل الواحدة عاملة حوالى 150 ج اما التانية لونها بني في ككاوى فاتح و غامق و عليها ورد رفيع لونه بني دي الفايبر بتاعها عالى اوى سعرها 350 و كلهم معاهم 2 خدادية

عندي 2 درابية واحدة لونها بيج ذهبي مطرزة وفيبر ومعاها 2 خدادية و كيس مخدة طويل و مدفع صغير و مخدة صغيرة دي بتاعة الدخلة و جبت درابية صيفي لونها رزو فاتح من غير فايبر و معاها 2 خدادية و قلب

و عندي دفاية سرير جبت منهم 2 واحدة بني و التانية نبيتي بس دي بقى مش معاها اي حاجة خالص

و عندي مفرش سرير بطانية لونه ابيض في اسود نازل موضة و في منة بطانية بس انا جبت المفرش بس ومعاك 2 خدادية

عندي 3 لحاف فيبر منهم واحد بتاع العرايس فايبر برسم بارز و معاه طقم ملاية لونه بيج في نبيتي و عندي 2 لحاف فيبر امريكي و خامته قطن واحد مخطط الوان الطيف و التاني لونة ابيض وعليه ورد تركواز و اصفر خفيف و معاهم 2 خدادية

3 ملايات فرط موف و لبني و روز

3 مصليات كبار

جبت 12 طقم ملاية اخضر منقوش و ازرق منقوش و ملاية بني قطيفة في بيج و 2 طقم ملاية ابيض و طقم ملاية روز و ميلاة بيج في نبيتي ستان و طقم بصلي و طقم اصفر و طقم موف و طقم بيج و طقم بستاج

عندي 5 بطاطين بطانية مزدوجة بوجهين كل وجه عليه رسمة مختلفة عن التانية لونها مشمشي في احمر خفيف في بيج فاتح وبطانية احمر في بيج خفيف وجهين مزدوجة بردة و بطانية مفرد لونها زيني فاتح في بيج و بطانية بني مزدوجة و بطانية اخضر غامق مفرد

12 مفرش صالون واحد على التربيزة و الباقي على الصالون و النيش مفرش دائري كروشية في كتان و 2 مفرش بيضاوي للانتريه

40 فوطة باحجامهم الوسط و الكبير

وعايزة تفاااااااااااااعل يا قمرات