ف سطور ظروفنا تبعدنا الاقدار تمزقنا الاحلام
نطفو ع شواطي الخيال كي نصل إلى ذلك الخيال الذي يصعب الوصول اليه ع ارض الواقع
احداثها ف جده متنقله لمكه والمدينه من الواقع ممزوجه احداثها بالخيال ولكن اصلها ع ارض الواقع سايره واتمنا تكون كويسه وتعجب الكل مكتوبه طبعا باللهجه حقتنا
كيان :ماما أنا اليوم بروح لسارا ازا ممكن مسويه لمه بنات
افنان : ي بنتي م ينفع م عمري شفت البنت وبعدين ابوكي م راح يرضا
كيان :اصلا عادي اتعودت عمرو م رضيليلي اروح مكان حبكت ع دي يلا ي ستي عساني لا رحت من عدالت كلامهم.
كيان : 18 سنه حساسه مرا هادئه عناديه حالها حال نفسها متعلقه ف اخوها مؤيد بشكل مجنون عندها 3 اخوان واخت ابوها مزواج وامها اقرب الناس ليها بعد مؤيد
ف مكان تاني سلطان :منتصر بلا هيمنا روقني وي
منتصر : سلطان امانتك دي اخر مرا يلا جرب ترا البت مرا خفيفه
سلطان : منتصر انقلع عن رقعتي قلتلك بطلت اشبك
سلطان 25 سنه يحب يطقطق ع البنات وياخد مصلحتو ويسحب بعدها يحب منتصر ولد خالو واخو بالرضاعه م يهيص الا معاه
منتصر 23 سنه البنات تجري وراه و م يصدق ياخد ويدي معاهم مهندس صوتيات يشتغل ف مستشفى ابوه
سميرا :طراد حبيبي متى ناوي تتزوج
طراد:ي عمه لسا والله بدري خليها شويه
سميرا:لمتى يعني استناك ابا افرح فيك
طراد:ابشري ي عمه بس عندي اشغال وتعرفي هرجه البعثه بعدها ان شاء الله أنا بنفسي حقولك تزوجيني
سميرا:الله المستعان عليك انتا بتماطل زي ابوك
طراد 25 سنه معيد ف الجامعه هندسه معماريه زي باقي الشباب خرجه وفله وطقطقه عماتو مربينو بعد م اهلو انفصلو وهوا عمرو سنه وكل واحد شاف حياتو وكان ضحيتهم
رهف:رواء بقولك اشبكي الديسئل بسرعه
روان:م لي دخل لو ماما شافت وسألت مين حتورط
رهف:بقولك م حتعرف قبل لاتجي نفصلو يلا
روان: م با قلتلك لاتدخليني تبي روحي بنفسك
رهف:طيب مالت عليكي من اخت
رهف 18 سنه م تحب الاختلاط باحد طموحها اعلام وحابه احديكون معاها وياخد بالو منها
مؤيد:امي باركيلي جاتني البعثه واخيرا حسافر
افنان :مبروك ي ولدي الله يوفقك يارب
كيان :مؤيد حتسافر من جد
مؤيد:ايوا ان شاء الله دعواتك
كيان:اها الله يوفقك يارب طيب متى مسافر
مؤيد:اسبوعين بالكتير واسافر ان شاء الله
كيان:اها حلو طيب ي دوب تخلص اشغالك
فهد:ي ولدي اتاكد من اوراقك كلها وشد حيلك هالله هالله عاد بيض وجيهنا
مؤيد:ابشر ي ابويا م عليك
امجد:ي واد حتسيبنا وتسافر كدا
مؤيد :تدري ي امجد عاد اخوك مجتهد والناس محتاجتني
امجد:اقول لا يكتر خلص اشغالك ولو تبا شيء أنا حاضر
*****************
عبدالعزيز:طراد تقدر تساعدني ف هرجه
طراد: لو اقدر من عيوني
عبدالعزيز : تسلم عيونك بس عندي مشروع وحاب تمسكلي تصميمو
طراد: م طلبت شيء حكلمك اتنين من العيال يساعدوني فيلو بس ايش هوا بالزبط
عبدالعزيز : حاب اسوي روضه
طراد : اها حلو ربي يوفقك و كم المده اللي حاطها عشان يخلص
عبدالعزيز : يعني مو كتير من 6-9 شهور تعرف الفلوس تسوي شغلها
****************
:ها ي بنتي كيفك دحين
:والله ي اومي مرا م قدر اتحرك تعبانا مرا
:يعني م تقدري تجي معانا ع المدينه
:لا ي اومي حيلي مهدود خلاص انتو روحو
:أجل خلاص بنروح وبخلي اخواتك يشقرو. عليكي ولو حسيتي بتعب ازهمي وحدا تجلس عندك
:ابشري ي اومي دعواتك بس
””””””””””””””” ””
ابرار 18 سنه اصغر العنقود ودا سبب دلعها الزايد وطلباتها مجابه ويويل احد يطنشلها كلمه
””””””””””””””” ”’
ابرا :يوسف خلاص بقولك اهلي سافرو
يوسف : اوك استناكي تحت البيت يلا انزلي
ابرار:طيب بس بشوف اختي
يوسف :اؤك يلا باي استناكي. قفلت ابرار منو وخشت عليها اختها تتطمن عليها
خلود:ها ابرار كيفك
ابرار بتعب مصتنع :لا الحمدلله احسن ودحين بريح وبنام
خلود:طيب انزلي نامي عندي
ابرار باين ع وجهها الهلاك :لا م يحتاج بزورتك رجه ماشاء الله حتعب اكتر
خلود: طيب ي قلبي براحتك ولو تبي شيء اتصلي
ابرار :اوك
*****************
:هاطمن كيف الدباب
:كويس باقيلو تغير اللون وبعدو استلمو
:اؤك بس بالله خلي بالك عليه تعرف عشقي دا
:ههههههههههه بطلك هباله يلا اسري بس
”””””””””””””’
عامر 22 سنه عشقو الدباب وفله وصرقعه مخلص دراسه جيش وموظف رقيب ع صغر سنو
بس دراستو مساعدتو ف دا الموضوع
””””””””””””’
م حتسافر ي ولدي الا رجلك برجل مرتك
مؤيد: ابشري ي اومي بس م ف وقت وانتي عارفه الحال
اافنان: ي ولدي كلمه وقلتها ي مع مرتك ي تنسا هرجه السفر
مؤيد : شوفي انتي عشان تدوري عروسه لا امجد جلستي سنتين ولسا م زوجتي ايش تبيني اسوي استنا ويضيع عمري يعني
افنان : طيب ايش رايك تاخد وحدا من العايله عارفينهم وبناتنا اختار اللي تباها
مؤيد : افكر ان شاء الله واردلك خبر
*****************
ايوا ي قلبي ايش لابسه
الاء : لابسه روب نوم
امجد : صوري ووريني
الاء : طيب حبيبي سواني بس
مؤيد بيفتح الباب بقوه : امججججد امشي نلعب العيال بيستنو
امجد اتنكب قفل ف وجه الاء بدون م يحس : الله يقطع شرك م تعرف تستأزن زي الاوادم
مؤيد بترجي : يلا بالله خليني انبسط قبل السفر
امجد بدون اهتمام: حسستني محد مسافر غيرك
مؤيد بجديه : انتا عارف لو سافرت حتنفتحلي ابواب مرا كتيرا واقدر اكون نفسي
امجد : طيب ي سيدي ممكن تنقلع عشان اغير
مؤيد بتريقه : وي كأنك تعلمني ع الاستئزان قبل دقيقه
*********************
