تغيرنا ليالينا ..بذا ..حالٍ وذيك أحوال
يطوقنا ..حنين الذكريات وشي يبكاله
زمان الطهر والطيبه زمانً فيه راحت بال
على مرسى موانيها جلست أقول وساله
متى قلبي يريحني من الغربه من الترحال
متى قلبي يعرف أن التجافي زين وأشواله
متى قلبي يلاقيله بسكة خطوتي مدهال
متى بس يعرف بن المواصل قطعت أحباله
متى يعرف بأن الخيل يمكن تخدع الخيال
!!..بكت عيني على حالى كما عوداً بكى أحواله
وش أصعب من دموع الضيم لا سالت من الرجال
تراودني سموم البعد وأنا عن ذكرها داله
هذيك اللي محاسنها كم شمسً بدت بقبال
خذآ من بد خلق الله جميع الحب وشتاله
ولا يلقى أبد غيره بداخل خافقي منزااال
جديله ليلت (ن).. سودا ذوايبها على شاله
وعوده ناعم الملمس ويلا .. هب الهوى به مال
عذابي منه يااااكبره… وانا ماني على باله
يزود بصده القاسي.. ويلا قلت الوصل يختال
يجرحني وأنا صابر ..وهو ماضي على فاله
ويبدد.. كل هقواتي بخنجر صده القتال
مضى عمري على دربه وأنا مبحر مع أهواله
أكابد لوعتى أشواقي ولو.. دربه مرير وطال
قضيت الوقت في حبه ..ولو وقتي سرى ظلاله
وبان الشيب في راسي ..وأنا ناجى ثرى الاطلال
الا يا هاجري شفني ..كمآ من ماتو ..عياله
ودمعي نبرة عذبه.. تزين…. جرة الموال
الا ياهاجري شفني ..كما من بين هباله
أنا جي صورتك ..وحظن بقايا العقد والسلسال
الا ياصاحبي أرحم كسيراً ضاعت أماله
جفافه دهر ومزونك تشح بقطرة الهمال
الا ياصاحبي جيتك دخيل وحامل عقاله
عليك الله لا تقطع رجاي وتنهي الغربال
الا ياصاحبي عود على من هالزمن طاله
بظلمه والزمن قاسي على منهو ضعيف الحال
و بكل ما جمعه فكرك تبقي متميزه ..
ثقي بأني استمتعت كثيراً من بين السطور ..
كذالك كان موضوعك أخيتي ..
بظلمه والزمن قاسي على منهو ضعيف الحال
الله الله روعه ما في كلمات تعبر عن اعجابي بما قراته
لاعدمنا هالتميز
بأنتظار جديدك ..
لك ودي ..
