أنقلها كما وصلني … والحرص مطلوب دائماً
زوجة تقول :
كنا واقفين عند إشارة بال العام وجنبنا سيارات واجد، السياره الي جنبنا (فيها 3 شباب)
المهم، الي كان قاعد في الخلف، فتح الشباك…
وقال لزوجي: يا الأخو .. ترى لوحة سيارتك مايله وبتطيح! شيلها بسرعه قبل لا تطيح!!
كان زوجي خلاص بينزل يشوف الوحة، لولا إني مسكته قبل لا ينزل – بدون ما ينتبهون – وقلت له: لا تنزل
رد عليهم زوجي وقال له: مشكور وما قصرت
قالوا: بتطيح … ترا مايله مره! وشكلها بتطيح … وبعدين ياخذها أحد!!!
قال: ما عليه… أشيلها إذا طاحت..
المهم …. فتحت الإشاره … يوم مشينا …. وبعد ما إبتعدنا وصلنا عند إشاره ثانية
قلت لزوجي: الحين إنزل وشوف الوحة إذا هي بتطيح……
نزل وشافها، ثم رجع وقال لي: والله لا مايله ولا يحزنون!!!!
ما صدقت إلا لما شفتها أنا بعيني!!
****************************** ****
الخلاصة: إنتبهوا..
هالحركات صارت تصير واجد هاليومين، يوهمون الي يسوق بإنه فيه شي في سيارته… عشان ينزل يشوف سيارته..
ثم بعدين تحدث الكارثة!!!
يخطفون السيارة والبنت الي فيها
(((سلموا على السياره والي فيها)))
إنتبهوا زين وبلغوا من تعرفون بضرورة الحرص من هؤلاء المفسدين في الأرض!!!
ولا تنسوا أخذ رقم السيارة وأوصاف أحد الركاب إن أمكن والإبلاغ عنهم..
حسبي الله عليهم .. الله يحفظ جميع الناس من شرهم..
:sgsgse:
