:7_13_5[1]:
——————————————————————————–
الحمدلله والصلاة والسلام على رسول الله وعلى آله وصحبه أجمعين
حلوة الشكلاط والكاوكاو في التلاجة
500 شكلاط
كيلو كاوكاو
6 معالق كبار عسل
كوغطات ديال الحلوة
الطريقة
نكليو كاوكاو و نقشروه و نطحنو النص مزيان و النص التاني نهرمشوه
نعملو شكلاط يدوب في حمام ماري
و نضيفو ليه العسل و و كاوكاو اللي مطحون مزيان تم نبداو نديروه على شكل كور و نمرمدوهم في كاوكاو مهرمش نديروها في كويغطات و ندخلوهم التلاجة
و تقدم بالصحة و الراحة
حلوة نستلي
المقادير
حك نستلي
شكلاط رابعة
كويغطات حلوة
الطريقة
نطيبو نستلي في كوكوت مدة ساعة الا ربع لونو غادي يتبدل بحال كراميل
ندوبو الشكلاط
نبداو ناخدو معلقة ديال شكلاط في كاغط نديرو فوقها معلقة نستلي من بعد معلقة شكلاط و الى بغيتي تزوقيها من فوق بالللوز مهرمش زوقيها و ندخلوها للتلاجة
بالصحة و الراحة
غريبة بالزبيب و الكركاع و اللوز
المقادير
250غ كركاع
250غ لوز
250غ زبيب
250غ سكر كلاصي
500غ زبدة
دقيق حسب الخليط
سكر كلاصي للتزيين
الطريقة
نقطع الكركاع و الزبيب و اللوز اطراف صغيرة
ندعك الزبدة باليد و نضف السكر و نضيف باقي العناصر و نجمعوها بالقيق و تكون مرخوفة و نكورها على شكل غريبة و لما تطيب نمرمدوها في سكر كلاصي
غريبة الجنجلان
المقادير
500غ جنجلان
2 بيضات
ملعقة كبيرة دقيق
250غ سكر كلاصي
ملعقة صغيرة من خميرة الحلوة
ملعقة كبيرة من مربى سائل
4 ملاعق كبيرة من الزبدة الدائبة
للتزيين
قليل من ماء الزهر
100غ سكر كلاصي
الطريقة
نغربل الجنجلان يغسل يحمر و يطحن قليلا في مطحنة كهربائية يخلط مع البيضتين الدقيق و السكر كلاصي و الخميرة و ملعقة من المربى بعد خلط جميع العناصر جيدا نضيف الزبدة المدابة و نخلط من جديد للحصول على عجين متماسك نحضر به كويرات صغيرة الحجم يغمس وجه كل كويرة في ماء الزهر تم في السكر كلاصي تصف في صفيحة مدهونة بالزبدة و مرشوشة بالدقيق مت تدخل فرن مسخن من قبل حتى تنضج مدة الطهي 15 دقيقة.
:frasha11:
