المهم هذا ع الطريقه الهنديه
طبق حلى
المقادير:
نص كوب دقيق
نص ملعقه صغيره خميره
ملعقه كبيره مويه دافيه
ملعقه صغيره دقيق الحمص
نص ملعقه صغيره سكر
نص ملعقه صغيره زيت
نص كوب مويه دافيه
زيت قلي
الطريقه
اول شيء ضروري دقيق الحمص بالاطبآق الهنديه تلاقونه بالسوبر ماركت دقيق حمص مطحون وناعم مو تشترين حمص وتطحنينه لا انتبهي مايعطي نفس النتيجه ابد
نرجع للطريقه
في وعاء نذوب الخميره مع ملعقة مويه دافيه ونخلطهم شوي ,نضيف عليهم الدقيق ودقيق الحمص والسكر والزيت ونخلطهم
ونضيف نص كوب المويه بالتدريج لماتحصلين على عجينه مطاطيه لينه ,نصبها في علبة مثل
(علبة الكاتشب الضغط)
او عندك علب ضغط اللي نشتريها للصوص
او ماتوفر عندك عندك كيس حلوآني حطي راس صغير بس مو مره
نحمي الزيت على حراره وسط وتسوون العجينه بالشكل اللي تحبون
دواير خيوط اي شيء
وقلبيه ليما يحمر
خليه ليما يجف الزيت منه ويكون يابس وحطي عليه شيءه او عسل
وقدميه
انا حطيت عسل وطلع حلو
تتهنوا فيه يآرب
الكنآفه الكذآبه
ا كيس خبز توست مشيول الحوآآف ومطحون
1 زبـــده
نخلطهـم مع بـــعض
ونقسم االتوست قسميـن
نضع القسم الاول في الصينيه ونرصهـآآآ
ونحط فوقها الخلطــه
1 قشطه
1 ونص كأس مويــه
4 ملاعق حليــب بودره
3 ملاعق كبيــره نشـآء
1 فنجـان سكر
2 ملعقه كبيره جبــن سايل
انا حطيت كاس جبن سايل صغير وطلع اطعم
نحطــهم ع النـار ماعاد القشطه والجبن ونخلطهم ليــن تثقل
ونشيله من ع النار ونخلط معه الجبنه والقشطه ونصبه بالصينيه
ونحط بـآقي التوست عليهـآآ
وندخلها للفــرن .. اول شي من تحت ليــن تتحمر ..
بعــدين من فـــووق ..
واذا طلعنـآآها نشربها بالشيـــره
كنآفه بالكآسترد
روووعه وبطله واليييمه
المقادير/
كنافة الكرامه شعر لينه او كنافة الارياف
نصف اصبع زبده مذوب
ربع م ص ملون طعام بودره برتقالي
الشيره/
كوب سكر
نصف كوب ماء
قطرات من الليمون
الحشوه/
كوب ونصف حليب سايل
٢ فنجان سكر
م ك نشاء
٢ م ك كاسترد
٦ حبات جبن كيري
رشة فانيلا
الطريقه/
اول شي نحضر الشيره نحط السكر والماء بقدر صغير ونخليه ع النار ليما يذوب السكر ونقصر النار عليه ونعصر الليمونه شوي بس قطرات وبعدها نطفي عنه ونحفظه بعلبه وندخله الثلاجه لبما يبرد
نفرم الكنافه بالخلاط حتى تصبح شعيرات صغيره ونقسمها بصحنين كبار ثم نذوب الزبده ونحط عليها لون الطعام ونحركه ونوزعه ع الصحنين فوق الكنافه ونبدا نفركه ليما يتوزع اللون البرتقالي ع الكنافه كلها
اضافة اللون البرتقالي من ابتكاري تقدرين تستغنين عنه لو حبيتي
ونبدا نوزعه بالصينيه انا سويته بصينيتين لان الكميه كبيره صينيه وسط دائره وصينيه الصغيره بايركس
نحط طبقه كنافه بالصينيتين ونواسيهم ثم نجهز الحشوه نخلط المقادير مع بعض بالسلك ثم نحطهم بالقدر فوق النار ليما يبدا يثقل الخليط ونرفعه من ع النار ونضيف ٢ م ك قشطه ونصبها فوق النار ونبدا نواسي الحشوه فوق الكنافه بشويش ع الصينيتين لجميع الاطراف وتغطى بالنصف الباقي من الكنافه ونبدا نضغط بشويش حتى تمسك الكنافه بالحشوه ويدخل بالفرن مسبق التسخين من تحت ثم من فوق ليما تحمر ونسقيها اول ماتطلع بالشيره البارده وتدخل الثلاجه ليما تبرد وعند التقديم نقلبها ع الصحن ونرش شوي شيره عليها وتزين بالفستق
تتهنوا فيها يارب
كيكة القرفه الرخاميه
مقاس الصينيه : وسـط
3 بيضات + رشة فانيلا
كوب سكر
علبة روب " زبادي"
نصف كوب زيت
كوب ونصف طحين + 2 ملعقة طعام بيكنج باودر
ملعقة طعام قرفة
ملعقة طعام كاكاو بودرة
الطريقة :
في الخلاط اخفقي البيض والفانيلا .. ثم أضيفي السكر واخفقي
ثم الزيت واخفقي
ثم علبة الزبادي ..
ثم أضيفي ملعقة القرفة واخلطي
الآن صبي المزيج على الطحين والبينكنج باودر في وعاء ..
اخلطي على أقل سرعة
نصب ثلاث أرباع الخليط في القالب
الخليط المتبقي نضيف له ملعقة كاكاو بودرة مرة .. ( وقليل جداً من الماء حتى لا يثقل قوام الماء المتبقي ، تقريباً نصف ملعقة إلى ملعقة )
نقوم بعمل تموجات في خليط الكيك بعد إضافة المزيج البني بالسكين او بعود الاسنان
تدخل الفرن من تحت وبعدين من فوق ولازم تختبرينها قبل بعود الاسنان
ندهن الوجه بكريما معدة مسبقاً (من الحليب المحلى والكيري )، وتزين بالهرشي خطوط
وبالعافيه
دعواتكم
سلمت يداك حبيبتي
يسلمو على الابداع
وصفة جميلة
ابداع متجدد
تقبلي مروري وردي
