خلطه للوجه الدهني صحي

لصاحبات البشره الدهنيه..
تحبين تكون بشرتك نضره وبدون دهون ولاحتا حبوب وحتى لوكانت آثار لحبوب الشباب هذي الخلطه تشيلها:

1-ارفعي شعرك فوق وحطي غطاء عليه عشان مايضايقك.

2-بعدها جيبي زبادي وحطي عليه عسل النحل العادي او اي عسل بس كميته تكون اقل من الزبادي.

3-حطيه على وجهك بطريقه دائريه لحد ماتحسي ان وجهك تشربه وبعدها ان تبقى شي حطيه بالثلاجه وخليه للمره الجايه.

4-اتركي الزبادي والعسل على وجهك لحد ماينشف وتركيه ينشف لوحده يعني لاتخليه يتعرض لهواء او مكيف عشان ينشف وان بغيتي تحطي خيار على شكل دائره على عيونك يكون احسن عشان الهلات السوداء.

5-بعد ماينشف روحي وافركي وجهك بلطف و بطريقه دائريه لمن يروح الزبادي اللي بوجهك كله بالفرك وبدون ماء فقط بأطراف اصابعك .

6-غسلي وجهك بماء معدنــــــــــــي مو ماء عادي والماء المعدني تلاقيه بالسوبرماركت وهو مياه غازيه اغسلي بيها وجهك راح تحسي بأنتعاااااااااااااش <<<مجربتها والله

7- نشفي وجهك بطريقه الضغط مو المسح لان المسح طريقه خطأ لانها تموت خلايا بشره الوجه وتخليها تتجعد بسرعه .

ملاحظــــــــــــه:
اعملي اختبار بسيط على بشرتك قبل ماتبدأي بالخلطه:

1-حطي العسل على جزء صغير من وجهك مايكون واضح واتركيه فتره وشوفي ان عمل لك حساسيه ولالا.

2- اختبري الزبادي كمان بمكان مو واضح بالوجه واتركيه فتره وشوفي ان عمل لك حساسيه ولالا ..ولا تقولي ان الزبادي مستحيل يعمل حساسيه بالعكس يعمل ونص.

3- اخلطي الاثنين زبادي+عسل بس بكميه صغيره من العسل تكون اقل من الزبادي وحطيها بجزء صغير من وجهك مايكون واضح لو تحسست بشرتك لاسمح الله.

ان ماحصل لك حساسيه ادخلي بالتجربه بقلب قوي وادعي لي..واستمتعي ببشره زي القمر ياقمر..

والله يابنات الخلطه هذي انا اختبرتها بنفسي وجابت فايده ليه وللي حوليه اتمنى انكم تستفيدوا كمان..لانها خلصتني من الحبوب ومن علاماتها اللي تتركها..

والسلام ختام..