حلو الواحد يحط دعاء الجماع في برواز صغير
على الكوميدينو لأن ساعات تصير السالفة فجأة و من غير إحساس و
ينسى الواحد ذكر الدعاء
حلو تغيير الفراش بعد كل مرة و عدم الاستهانة بالنوم
بعدها على نفس الشرشف
حلو الاغتسال بعد كل مرة
لكن بطبيعة الحال ساعات الخمول و التعب اللي يشعر
به الواحد ما يخلي له خلق للاغتسال
فيستحسن غسل المناطق المعروفة أو على الأقل
الوضوء و عدم التهاون أبدا
حلو إذا صارت المعاشرة الصبح إنج تفتحين الشبابيك
بعدها و تسوين بخور أو ترشين عطر
لأن الرائحة الحلوة تهدى الأعصاب التعبانة فما بالج بتأثيرها
و الشخص بحالة استرخاء
حلو تحصنين غرفة النوم بصفة يومية من تشغيل سورة
البقرة و آل عمران
و منع الشغالة من الدخول لها نهائيا
حلو وضع مذكرة صغيرة جنب التسريحة تفتحينها يوميا على صفحة
جديدة و تكتبين فيها أي كلمة حلوة له
حلو تمشين معاه لين الباب لما يظهر بغض النظر ظاهر للعمل
و إلا للترويح خارج المنزل
حلو ترسلين له مسج كل ما كان خارج
البيت ( وحدة بس لا تكثرين و عقب ما يظهر بكمن ساعة )
حلو تبتسمين بويهه على الأقل أول ما يوصل البيت حتى لو ما كنتوا
من النوع اللي يحضن و يبوس بكل دخلة و طلعة
حلو تسألينه إذا تعشى حتى و إنتي واثقة إنه متعشي أكيد
حلو تبينين اهتمامج فيه حتى بالأمور المفروغة منها بس حتى
يظل التواصل و ما تتحولون للأزواج الصامتين مع الوقت
التعود على الحب يقتل الشعور به
أمور صغيرة مهما انعملت بصورة متكررة ممكن تجدد هذا الشعور
لأن الإنسان بطبيعة الحال لا يمكن يكون عنده نفس الشعور بكل لحظات عمره
يعني يمكن بهذا الوقت ما حس بمعنى هاي الحركة منج لكن
بلحظة ثانية غمر قلبه الحنان و الاهتمام اللي شافه منج نتيجة هذا العمل
استمري على اللي إنتي عليه و لا تقولين ما شي فايدة
الفايدة بتصير لما توصلين للحظة المناسبة
حجييج حلوو والله مثلج
يعطيج العافيه خيتوو
